য়ুমলৈ-কৈরৈ মন্ত্রালয়

৩শুবা রাস্ত্রীয় পোশন মাহদা, কেন্দ্রগী য়ুম্লৈ-কৈরৈ মন্ত্রী শ্রী অমিৎ শাহনা মীপুম খুদিংমক্তা মেল ন্যুত্রিসন লৈত্রবা ভারত অমা ওইহন্নবগীদমক ৱাশক লৌদুনা হোৎনমিন্ননবা পুক্নীং চিংশিনখ্রে
"অঙাং, মীরোনবী নুপী অমসুং চাজেল্লিবী মমাশিংদা মচি ওইবা চীঞ্জাক মতীক চানা ফংহনবনা প্রধান মন্ত্রী শ্রী নরেন্দ্র মোদীগী মাংজিল থানা তৌগদবা থবকশিং ওইরি"
"প্রধান মন্ত্রীনা ২০১৮দা হৌদোকখিবা পোশন অভিয়ান অসি লৈবাক অসিদগী মেলন্যুত্রিসন মুথৎনবগীদমক অচৌবা থৌদাং লৌরিবা মপাঙ্গল লৈরবা স্কিম অমনি"
"থা অসিদা, প্রধান মন্ত্রী নরেন্দ্র মোদীগী সরকার অসিনা লৈবাক শিনবা থুংনা কা হেন্না মতম শাংনা মেলন্যুত্রিসন ওইরক্লবা অঙাংশিংবু মচি ওইবা চীঞ্জাক ফংহন্নবগীদমক অকনবা কেম্পেন অমা চত্থগনি"

Posted On: 07 SEP 2020 2:23PM by PIB Imphal

৩শুবা রাস্ত্রীয় পোশন মাহদা, কেন্দ্রগী য়ুম্লৈ-কৈরৈ মন্ত্রী শ্রী অমিৎ শাহনা মীপুম খুদিংমক্তা মেল ন্যুত্রিসন লৈত্রবা ভারত অমা ওইহন্নবগীদমক ৱাশক লৌদুনা হোৎনমিন্ননবা পুক্নীং চিংশিনখ্রে। মথং-মথং ওইনা থাদোক্লকখিবা ত্বীৎ অমদা শ্রী অমিৎ শাহনা হায়খি, "অঙাং, মীরোনবী নুপী অমসুং চাজেল্লিবী মমাশিংদা মচি ওইবা চীঞ্জাক মতীক চানা ফংহনবনা প্রধান মন্ত্রী শ্রী নরেন্দ্র মোদীগী মাংজিল থানা তৌগদবা থবকশিং ওইরি"।

কেন্দ্রগী য়ুম্লৈ কৈরৈ মন্ত্রীনা হায়খি, "প্রধান মন্ত্রীনা ২০১৮দা হৌদোকখিবা পোশন অভিয়ান অসি লৈবাক অসিদগী মেলন্যুত্রিসন মুথৎনবগীদমক অচৌবা থৌদাং লৌরিবা মপাঙ্গল লৈরবা স্কিম অমনি"।

শ্রী অমিৎ শাহনা হায়খি, "পোশন মাহ ২০২০ অসিদা, প্রধান মন্ত্রী নরেন্দ্র মোদীগী সরকার অসিনা লৈবাক শিনবা থুংনা কা হেন্না মতম শাংনা মেলন্যুত্রিসন ওইরক্লবা অঙাংশিংবু মচি ওইবা চীঞ্জাক ফংহন্নবগীদমক অকনবা কেম্পেন অমা চত্থগনি"।

"স্কিম অসিবু হেন্না মপাঙ্গল লৈনবগীদমক ঐখোয় খুদিংমক্না মেল ন্যুত্রিসন লৈত্রবা ভারত অমা ওইহন্নবগীদমক ৱাশক লৌদুনা হোৎনমিনরসি" হায়না কেন্দ্রগী য়ুম্লৈ-কৈরৈ মন্ত্রীনা ফোংদোকখি।

অহুমশুবা রাস্ত্রীয় পোশন মাহ অসি সেপ্তেম্বর ২০২০দা পাঙথোক্লি। পোশন মাহগী পান্দমদি জন ভাগিদারীশিংবু পীক্লিবা অঙাংশিং অমসুং নুপীশিংদা থেংনরিবা মেলন্যুত্রিসনগী সমস্যা কোকহনবা অমসুং মীপুম খুদিংমক্কী হকচাং ফহনবা অমসুং মচি ওইবা চীঞ্জাক ফংহনবনি।

*****



(Release ID: 1652001) Visitor Counter : 64