पर्यावरण, वन एवं जलवायु परिवर्तन मंत्रालय
निळ्या आकाशासाठी पहिल्या आंतरराष्ट्रीय स्वच्छ हवा दिनानिमित्त प्रकाश जावडेकर यांच्या अध्यक्षतेखाली उद्या वेबिनारचे आयोजन
प्रविष्टि तिथि:
06 SEP 2020 8:53PM by PIB Mumbai
नवी दिल्ली, 6 सप्टेंबर 2020
केंद्रीय पर्यावरण मंत्री, प्रकाश जावडेकर यांच्या अध्यक्षतेखाली उद्या,7 सप्टेंबर 2020 रोजी निळ्या आकाशासाठी पहिल्या आंतरराष्ट्रीय स्वच्छ हवा दिनानिमित्त वेबिनारचे आयोजन करण्यात आले आहे.
जावडेकर या वेबिनार दरम्यान राष्ट्रीय स्वच्छ हवा कार्यक्रमांतर्गत (एनसीएपी) उपक्रमांच्या प्रगतीचा आढावा घेतील. खालील लिंकवरून वेबिनारमध्ये थेट सहभागी होता येईल.
https://youtu.be/lHDTNbaAZ2c
या वेबिनारमध्ये 28 राज्ये आणि 8 केंद्रशासित प्रदेशांचे नगरविकास आणि पर्यावरण विभागाचे प्रधान सचिव सहभागी होतील. एनसीएपी कार्यक्रमातल्या निवडक 122 शहरांचे आयुक्तही यात सहभागी होतील.
उल्लेखनीय आहे की पंतप्रधान नरेंद्र मोदी यांनी या वर्षी स्वातंत्र्यदिनी लाल किल्ल्यावरून केलेल्या भाषणात 100 शहरांमध्ये “वायु गुणवत्तेत सर्वांगीण सुधारणेची ” गरज अधोरेखित केली होती.
19 डिसेंबर 2019 रोजी संयुक्त राष्ट्रांच्या आम सभेने 2020 पासून दरवर्षी 07 सप्टेंबरला निळ्या आकाशासाठी आंतरराष्ट्रीय स्वच्छ हवा दिन साजरा करण्याचा ठराव मंजूर केला होता.
B.Gokhale/S.Kane/P.Malandkar
सोशल मिडियावर आम्हाला फॉलो करा
@PIBMumbai 
/PIBMumbai 
/pibmumbai 
pibmumbai[at]gmail[dot]com
(रिलीज़ आईडी: 1651872)
आगंतुक पटल : 196