হেন্না ফরবা বাইনোকুলার অমসুং তেলিস্কোপশিং, মচু হোংবা লাই, অমসুং মুকশিংদা য়াওবা রিফ্লেক্সন নেম্বা লেন্স অমসুং রিফ্লেক্সন ৱাংবা মিংশেলশিংবু নৌনা পুথোকপা মঙাল অমসুং মোলিক্যুলশিংগী মরক্তা থোকপা ইন্তরেক্সনগী মগুন অমনা শক্তি পীরবা য়ারি। বেঙ্গালুরুদা লৈবা সাইন্তিস্তশিংনা য়ু"ভি" অমসুং ব্লু লাইৎকী কম্বাইনেসন্না মনীং হন্দুনা ৩দি অমসুং ১দি ফোতোনিক স্ত্রকচরবু হোংদোক হোংজিন তৌহল্লি --- ত্যুনেবল অমসুং ইফেক্তিব ওইবা ওপ্তিকেল দিভাইসশিং শেম্বদা মতেং পাংগদৌরিবা অনৌবা ইন্তরেক্সন অমনি।

ত্যুনেবল অমসুং ইফেক্তিব ওইবা ওপ্তিকেল দিভাইস শেম্নবগী মচাক পুথোক্নবগী খোঙচত্তা সেন্তর ফোর নেনো এন্দ সোফ মেত্তর সাইন্সেস (সি.ই.এন.এস.) হায়বা দিপার্ত্মেন্ত ওব সাইন্স অমসুং তেক্নোলোজী, ভারত সরকারগী মখাদা লৈবা ওতোনোমস ইন্সতিত্যুৎ অসিগী সাইন্তিস্তশিংনা ব্লু ৱেবলেংথ নত্ত্রগা এক্তিনিক লাইৎতা য়াওবা অৱাংবা থাক্কী মঙালনা ফোতো আইসোমর অনীগী মরক্তা শিন্দোক শিঞ্জিন তৌবা য়াহল্লি হায়বসি খঙবা ঙমখ্রে --- চিরাল নেমাতিক (সি.ঐচ.) অমসুং ত্বিস্ত গ্রেন বাউন্দরী স্মেক্তিক সি* (তি.জি.বি.সি.*) হায়বসি দিমেন্সন অমা নত্ত্রগা অহুমদা মথংশিৎনা য়াওবা ফোতোনিক স্ত্রকচরনি। সি.ই.এন.এস.তগী রাজালক্সমি সাহু, দি.এস. শঙ্কর রাও, য়ু.এস. হিরেমেথ, সি.ভি. য়েলামাগাদ, অমসুং এস কৃষ্ণ প্রসাদ য়াওবা রিসর্চ তীম অসিগী থবক অসি জর্নেল ওব ফিজিকেল কেমিস্ত্রীদা ফোংখি।

অহোংবসি মঙাল অমসুং মোলিক্যুলগী মরক্তা ইন্তরেক্সন থোক্তুনা অখন্নবা ৱেবলেংথকী মঙালনা অকক্নবা লিঙ্কিং গ্রুপ অমগা লোইননা মোলিক্যুলশিং কোলহনবা ঙম্বা ফোতোআইসোমরাইজেসন থোকহল্লি। মসিগী মতাংদা লৈবা ময়াম্না খঙনরবা খুদমদি অলত্রাভাইওলেৎ মঙাল (~৩৬৫এন.এম.)গা ইরেদিএৎ থোকপা মতমদা তঙাইফদনা থোকপা লিনিয়রদগীনা কা হেন্না কোনবা মওং অমা এজোবেঞ্জিনগী মোলিক্যুল অমগী মওং মতৌদা হোংহল্লি। সি.ই.এন.এস.না ফংলকপা থৌওং অসিদা ব্লু লাইৎগা লোইননা স্তিম্যুলেসন্দা রিভর্স ত্রান্সফোর্মেসন থোকই। থৌওং অসি লিক্বিদ ক্রিস্তেল ওইবা পোৎলমদা ফোতো দ্রিবন আইসোথর্মেল ফেস ত্রাঞ্জিসন ফংনবগীদমক হোৎনবদা কান্নবা পীগনি। অসিগুম্বা ফোতোরেস্পোন্সিব এল.সি.শিং অসি ফ্লেক্সিবল পোলারাইজরশিং, পেত্তর্ন ওবজেক্তশিং, লোজিক দিভাইস, অমসুং ইনর্জী লোকপা য়াবা মচাকশিংদা শীজিন্ননবগীদমক হেন্না পাম্নৈ।

হৌজিক্কী নৈনরিবা অসিদা মসিমসু উৎলে মদুদি নেনোমিতর ১০০গী মথক্তা ৱেবলেংথকী ভেরিএসন থোকপা ফোতোনিক ৱেবলেংথশিং অসি সেকেন্দ তরামুক্কী মনুংদা রিভর্স ওইনা পুথোকপা ঙম্মি, হায়রিবসি রিফ্লেক্সন নেম্না থোকপা লেন্সতগীনা রিফ্লেক্সন ৱাংনা থোকপা মিংশেলশিংদগী মচু হোংবা লাই অমসুং মুকশিং ফাওবদা শীজিন্নবা য়াগনি।

[পব্লিকেসনগী লিঙ্কঃ https://doi.org/10.1021/acs.jpcc.0c03597

অহেনবা ই-পাউগীদমক দি.এস. শঙ্কর রাও (shankar@cens.res.in)দা তান্নবীয়ু।

*****