হকশেল অমসুং য়াইফ-য়ুম্বাল মন্ত্রালয়
কোবিদ-১৯গী খ্বাইদগী অফবা থৌওং
উত্তর প্রদেশনা কোবিদ কন্ত্রোল অমসুং কম্মান্দ সেন্তরগী অপুনবা পথাপ অমা অমসুং অপুনবা কোবিদকী পোর্তেল অমা শেমখ্রে
Posted On:
06 SEP 2020 4:01PM by PIB Imphal
ভারত্তা লায়চৎ অসিনা থা মাপল শুজিল্লকপগা লোয়ননা কেন্দ্র সরকারনা রাজ্যশিং অমসুং য়ু.তি.শিংদা লায়চৎ অসিবু নীংথিনা লাকশিনবা ঙম্নবা থৌওংশিংদা মিৎয়েং চংবা ওইনা কোবিদ শেন্নবগী থবক থৌরম কয়া লুচিংদুনা পাঙথোক্লি। কেন্দ্র সরকারনা লুচিংদুনা শেম-শারিবা পোলিসীশিং অমসুং থবকশিং অসিগী তুং ইন্দুনা রাজ্য/য়ু.তি.শিংনা খুৎশম্নদুনা থবক ওইনা পাঙথোক্লি। মীওই কয়া অমনসু লায়চৎ অসিগা লেন্থেংননবা মখোয়গী মওংদা শেমদোকপা থৌওং অনৌবা কয়া শিজিন্নরি। মসিগী থৌওংশিং অসি অতোপ্পশিংনসু মতৌ তমদুনা মফম মফমগী ওইবা ৱাখল্লোন অমসুং অফবা থৌওং কয়া শিজিন্নদুনা পাক চাউবা থবক কয়া অমা পাঙথোকপদা তেংবাংলি।
উত্তর প্রদেশ সরকারনসু মাইকৈ অসিদা তোঙআন তোঙানবা থবক থৌরম কয়া পাঙথোকখ্রে।
জুলাই ১৮, ২০২০দা উত্তর প্রদেশ সরকারনা জিলা খুদিংদা অমসুং মরী লৈনবা বিভাগশিংগী মীহুৎ কয়া য়াওদুনা কোবিদ কন্ত্রোল অমসুং কম্মান্দ সেন্তর (আই.সি.সি.সি.সি.)গী পথাপ অমা শেমদুনা কোবিদ-১৯গী পোজিতিব কেসকী মশিং হেনগৎলক্লিবা অসি থেংননবা থবক পায়খৎপা হৌখ্রে। মসিগী সেন্তরশিং অসিগী মরু ওইবা পান্দমদি নন-ফার্মাস্যুতিকেলস ইন্তর্ভেন্সন (এন.পি.আই.)গী মরী লৈনবা বিভাগশিংগী মরক্তা নীংথিনা খুৎশম্নবা লৈহনবনি। মখোয়না কোবিদ-১৯গী অনাবশিংবু মতম চানা মতিক চাবা থাক্তা লৈবা কোবিদ ফেসিলিতীশিংদা থাবগী থবকসু পাঙথোকই। কম্মান্দ সেন্তরশিং অসিনা সিম্পতম উৎপা অনাবশিং অমসুং মখোয়গা নক্নরুবা মীওইশিংবু অথুবা মতমদা তেস্ত তৌথোকহনবা, লেবোরেতরীগী রিজল্তশিং খঙহনবা, মখোয়বু পুথোক পুশিন তৌবদা তেংবাংবা অমসুং হোস্পিতালশিংদা এদমিৎ তৌহনবদা তেংবাংবা অমসুং য়ুমদা আইসোলেসন তৌবশিংগী চাং নাইনা ফিভম য়েংশিন্নবা জোনেল য়ুনিৎশিংগা খুৎশম্নদুনা থবক তৌরি।
উত্তর প্রদেশ্না রাজ্যগী অপুনবা কোবিদ পোর্তেলঃ http://upcovid19tracks.in অমা শেমখ্রে অমসুং মসিনা সর্বেলিএন্স তৌবা, কোবিদকী অনাবশিংগী তেস্তিং তৌবা অমসুং লায়েংবগী মরী লৈনবা ই-পাউশিং খোমজিল্লি। জিলাগী থাক্তা পাঙথোক্লিবা দেতা খোমজিনবা অমসুং শেন্নবা অসিবু মগুন লৈহন্নবা হায়দুনা চাং নাইনা ত্রেনিং পীবগী থৌওংসু পাঙথোক্লি। পোর্তেল অসি হেক শেমখিবদগী ঙসি ফাওবগী মনুংদা মসিনা লায়না অসিগী মরমদা খঙবা হেনবা, লায়না অসিগা মরী লৈনবা থৌওংশিং পাঙথোকপা অমসুং রাজ্য অমসুং জিলাগী থাক্তা মসিবু শিজিন্নরিবশিংনা ফীদবেক পীরকপগী থৌওংশিংগা লোয়ননা নোঙম নোঙমগী পাকথোক চাউথোকপা হেনগৎলক্লি। দিজিতেলগী মওংদা শেমদোক্লবা দেতাশিং ফংহন্দুনা নীংথিনা অমসুং কুপথনা শিন্দোক্লবা দেতাশিং অসিনা অথুবা অমসুং মতম চাবা ৱারেপ লৌবদসু তেংবাংই। ভারত সরকারগী পোর্তেলশিংগা পাউ ফাওনবা য়াবগী খুদোংচাবা লৈবা অসিনসু পোর্তেল অসিবু হেন্না কান্নহল্লে।
রাজ্য সরকারনা রাজ্যগী শেনফমদগী হাই ফ্লো নেজেল কেন্যুলা (ঐচ.এফ.এন.সি.) ১০০০ অমসু লৈখ্রে। মসিগী মনুংদা ৫০০দি থবক তৌনবা খিন্দুনা থমখ্রে অমসুং মসিনা রাজ্য অসিগী অনাবশিংগী নন-ইনভেসিব মেনেজমেন্ত তৌবদা শিজিন্নরি।
****
(Release ID: 1651813)
Visitor Counter : 229