হকশেল অমসুং য়াইফ-য়ুম্বাল মন্ত্রালয়

হকশেল মন্ত্রীনা কেন্দ্রগী তিমশিং পঞ্জাব অমসুং চন্দীগরদা থাজিনখ্রে নুমিৎ ১০নি স্তেসন তৌদুনা লৈগনি

রাজ্যশিং/য়ু.তি.শিংনা কোবিদ-১৯গী কন্তেনমেন্ত, সর্ভিলেন্স, তেস্ত তৌবা অমসুং মপুং ফানা ক্লিনেক মেনেজমেন্ত তৌনবা মীয়ামগী হকশেলগী ওইনা লৌখৎলিবা খোঙথাংশিং য়েংশিনবদা কেন্দ্রগী তিমনা মতেং পাংলগনি

Posted On: 06 SEP 2020 11:12AM by PIB Imphal

হকশেল অমসুং য়াইফ য়ুম্বাল মন্ত্রালয়না পঞ্জাব অমসুং য়ু.তি.ওফ চন্দীগরদা কেন্দ্রগী তিমশিং থাজিন্নবা ৱারেপ লৌখ্রে।

অৱাংবা থাক্কী তিম অসিনা শীবগী চাং হন্থনবা অমদি পুন্সি কয়া কন্নবা পান্দমগা লোয়ননা কোবিদ-১৯নাবা মীওইশিংগী কন্তেনমেন্ত, সর্ভিলেন্স, তেস্ত তৌবা অমসুং মপুং ফানা ক্লিনেক মেনেজমেন্তগী তৌনবগী মীয়ামগী হকশেলগী ওইনা খোঙথাংশিং রাজ্যশিং/য়ু.তি.শিংনা লৌখৎলিবা অসিদা মতেং পাংলগনি। মখোয়না রাজ্যশিং/য়ু.তি.শিংদা মতম চানা দাইগনোস্তিক অমসুং ফোলো অপ তৌবগা মরী লৈনবা খুদোংচাদবশিং মপুং ফানা কোকহন্নবা হোৎনবদা লমজিংগনি।

মীহুৎ অনিগী তিমশিং অসিদা পি.জি.আই.এম.ই.আর., চন্দীগরগী কম্ম্যুনিতী মেদিসিন এক্সপর্ত অমা অমসুং এন.সি.দি.সি.দগী ইপিদেমিওলোজিস্ত অমা য়াওগনি। তিমশিং অসিনা রাজ্য/য়ু.তি.দা কোবিদ লাকশিন্নবা লমজিং লমতাক্নবা নুমিৎ তরানি স্তেসন তৌদুনা লৈগনি।

পঞ্জাবনা পুন্না কেস ৬০,০১৩ রিপোর্ত তৌরকখি অদুগা ঙসি ফাওবদা এক্তিব কেস ১৫,৭৩১ লৈরি। শীখিবা ১৭৩৯ রেজিস্তর তৌখ্রে। রাজ্য অসিগী মীশিং মিলিয়ন অমদা তৌবা তেস্তকী মশিং অসি ৩৭৫৪৬ ওই (হৌজিক্কী ওইনা ভারতকী চাংচৎতা ওইরিবা মশিং অই ৩৪৫৯৩.১নি) লোয়ননা ৪.৯৭% ওইদুনা পোজিতিবিতীগী অপুনবগী অতাবা স্পেক্ত্রমদা লৈরি।

য়ু.তি.ওফ চন্দীগরদা এক্তিব কেস ২০৯৫ রিপোর্ত তৌরক্লি অমরোমদা অপুনবা কেস অসি ৫২৬৮ ওইরি। মীশিং মিলিয়ন অমদা তৌবা তেস্ত অমসুং অপুনবা পোজিতিবিতী অসি মথং শিৎনা ৩৮০৫৪ অমসুং ১১.৯৯% ওইরি।

কেন্দ্রনা কোবিদ কেসশিংগী মশিং খঙহৌদনা হেনগৎলক্লিবা রাজ্যশিং/য়ু.তি.শিংদা মতেং পীরি অমসুং শীবগী চাং ৱাংনা রিপোর্ত তৌরকপদা মল্তি-সেক্তোরেল সেন্ত্রেল তিমশিং থাজিল্লি। হৌখিবা থাশিং অসিদা অসিগুম্বা তিম কয়ানা তোঙান তোঙানবা রাজ্যশিং/য়ু.তি.শিংদা চৎখি।  তিমশিং অসিনা ফিল্দ ওথোরিতীশিংগা লোয়ননা ৱারী শাদুনা মখোয়না মায়োক্নরিবা খুদোংচাদবশিং অমসুং সমস্যাশিং হান্না খঙনবা হোৎনখি। কেন্দ্রগী হকশেলগী মন্ত্রীনা হৌখিবা নুমিৎ নিনিগী মনুংদা জিলা খরদা কোবিদকী কেস মশিং ৱাংখৎলক্লিবা অমসুং শীবগী চাং ৱাংলিবা তোঙান তোঙানবা রাজ্যশিং/য়ু.তি.শিংগা লোয়ননা ৱারী শাখি। রাজ্যশিং/য়ু.তি.শিংদা লৌনগনবা লায়না অসি শেন্দোকপা থিংনবা অমসুং শীবগী চাং হন্থহনবা মপুং ফাবা খোঙথাংশিং লৌখৎনবা পাউতাক পীখি মসিনা মশানা ১%গী মখাদা লৈহনবা ঙমগনি।

*****



(Release ID: 1651761) Visitor Counter : 39