চীফ ওব আর্মী স্তাফ, জেনরেল এম.এম. নরবানেগী লেগী নুমিৎ নিনিগী খোঙচৎ ঙসি লোইশিনখ্রে। সি.ও.এ.এস. অসিনা লেদা সেপ্তেম্বর ০৩, ২০২০দা থংখি অমসুং মমাং থংবা মফমশিংদা এল.এ.সি.দা ওইরিবা ফিবম মশামক্না য়েংশিন্নবা চঙশিনখি। সি.ও.এ.এস. অসিনা অৱাংবা মফমশিংদা থবক তারিবা লান্মী অমসুং লোকেল কম্মান্দরশিংগা উন্নখি। মহাক্না মখোয়গী মশাক্কী ঙমখৈ ঙাক শেনবদা অৱাংবা থাক্কী ৱাখল্লোন অমসুং থবক্তা পুক্নিং লুপ্পগী থাকপু শিংথাখি। সি.ও.এ.এস. অসিনা রেঙ্ক খুদিংমক্তা মীৎকুপ নাহুম শিংনা অমসুং থবক অমা লাকপদা পাঙথোকপা ঙম্নবা শেম শাদুনা লৈনবা পুক্নিং চিংশিনখি।

অকোনবদা, লেদা, লেফতনেন্ত জেনরেল ৱাই.কে. জোশি, জেনরেল ওফিসর কম্মান্দিং-ইন-চীফ, নোর্দর্ন কম্মান্দ অমসুং লেফতনেন্ত জেনরেল হরিন্দর সিংহ, জি.ও.সি., ফাইয়র অমসুং ফ্যুরি কোর্পনা মহাক্কী মফমদা ওপরেসনেল প্রিপেয়র্দনেস অমসুং নিংথমথাগী মতমদা ফোর্সশিংনা তুং কোইনা লৈবা য়ানবগীদমক লোজিস্তিক্স এরেঞ্জমেন্তকী মতাংদা শুগাইনা পাউদমখি। সি.ও.এ.এস. অসিনা ফোর্সশিংগী ওপরেসনেল ইফেক্তিবনেস অমসুং মথৌ পাঙথোকপা ঙম্নবগীদমক হেনবা কয়া উবদা অপেনবা ফোংদোকখি।

*****