ৰে’ল বিভাগৰ বয়-বস্তু পৰিবহণ আৰু পাৰ্চেল সেৱাৰ সৈতে বাপ্যক অংশীদাৰিত্ব স্থাপনৰ প্ৰসংগৰে দেশৰ অগ্ৰণী কোৰিয়াৰ আৰু ল’জিষ্টিকছ সেৱা প্ৰতিষ্ঠানৰে ৰে’ল আৰু বাণিজ্য তথা উদ্যোগ বিভাগৰ মন্ত্ৰী শ্ৰী পীয়ুষ গোৱেলে এক আলোচনাত মিলিত হয়।

আলোচনা কালত ল’জিষ্টিকছ আৰু কোৰিয়াৰ এজেন্সীসমূহক বিশ্বাসযোগ্য, দ্ৰুত, ব্যয়-সাধ্য আৰু সহজে পৰিচালনা কৰিব পৰা পাৰ্চেল সেৱাৰ সুবিধা আগবঢ়াব বুলি ৰে’ল বিভাগৰ তৰফৰ পৰা প্ৰতিশ্ৰুতি প্ৰদান কৰা হয়।

ৰে’ল বিভাগৰ সহযোগিতাৰে ব্যক্তিগতখণ্ডৰ পাৰ্চেল সেৱা প্ৰতিষ্ঠানসমূহৰ ব্যৱসায়ীক পৰিসৰ সম্প্ৰসাৰিত কৰাৰ সম্ভাৱনীয়তাসমূহৰ বিষয়ে আলোচনা কৰাৰ উদ্দেশ্যেই সভাখনৰ আয়োজন কৰা হৈছিল।

এই সন্দৰ্ভত তত্কালীনভাবে উত্তম নীতি-নিৰ্দেশনা যুগুতাই উলিওৱাৰ লগতে স্বাচ্ছন্দ্যৰে বাণিজ্য কৰাৰ পৰিৱেশ  ৰচনাৰ লক্ষ্যৰে ৰে’ল বিভাগৰ বিষয়া আৰু উদ্যোগ খণ্ডৰ প্ৰতিনিধিৰে যুটীয়া কৰ্ম গোট গঠনৰ সিদ্ধান্ত গ্ৰহণ কৰা হৈছে।

এই সন্দৰ্ভত মন্তব্য কৰি মন্ত্ৰীগৰাকীয়ে কয় যে, সকলো পক্ষৰে উন্নয়ণ সম্ভৱ কৰিব পৰাকৈ লাভদায়ক ব্যৱস্থা এটা গঢ়ি তোলাৰ প্ৰয়োজনীয়তা আছে।

প্ৰণিধানযোগ্য যে, ২২-০৩-২০২০ৰ পৰা ০২-০৯-২০২০ৰ মাজৰ সময়চোৱাত ভাৰতীয় ৰে’লে মুঠ ৫,১৩৯খন পাৰ্চেল ৰে’লগাড়ী চলাচল কৰাইছিল। ইয়াৰে ৫,১৩৯খনেই সময় নিৰ্দ্ধাৰিত ৰেলগাড়ী আছিল। এইসমূহ ৰে’লে এই সময়চোৱাত মুঠ ৩,১৮,৪৫৩টন পৰিমাণৰ বয়-বস্তুৰ আদান-প্ৰদান কৰিছিল আৰু ইয়াৰ বাবদ মুঠ ১১৬.১৯কোটি টকাৰ আয় কৰিছিল ৰে’ল বিভাগে।

প্ৰসংগতে প্ৰণিধানযোগ্য যে ২০২০ৰ আগষ্ট মাহত ভাৰতীয় ৰে’লে মুঠ ৯৪.৩৩ নিযুত টন পৰিমাণৰ বয়-বস্তু সৰবৰাহ কৰিছিল। এই পৰিমাণ যোৱাটো বৰ্ষৰ আগষ্ট মাহৰ তুলনাত অধিক আছিল। ইফালে ২৫-০৩-২০২০ৰ পৰা ০১-০৯-২০২০ৰ মাজৰ সময়চোৱাত ৰে’ল বিভাগে মুঠ ১,৪১,০৪৯টা ৰে’কৰে মুঠ ৪৫১.৩৮ নিযুত টন পৰিমাণৰ বয়-বস্তুৰ সৰবৰাহ কৰিছে।

*****

DJN/MKV/KB