রেলৱেজ, কমর্স অমসুং ইন্দস্ত্রি মিনিস্তর পিয়ুস গোয়ালনা ইন্দিয়াগী মকোক্তা লৈবা কুরিয়র/লোজিস্তিক্স সর্বিস প্রোবাইদরশিংবু রেলৱেজগী পোৎ পুবা অমসুং পার্সেল সর্বিসশিংগা খুৎশম্নদুনা চৎনবগী মতাংদা মীফম অমা কৌখ্রে।

মীতিং অসিদা রেলৱেজনা মরম চাবা, অথুবা, লৌবা ঙম্বা অমসুং অরাইবা মওংদা  কুরিয়র/লোজিস্তিক্স এজেন্সিদা পার্সেল সর্বিসকীদমক পীগনি হায়না খঙহনখি ।

মীতিং অসি মরুওইনা ইন্দিয়ন রেলৱেজতা প্রাইভেত পার্সেলগী থবকশিং অসি চাওথোক্নবা খন্নবা অমসুং থিদোকপা অসিনি।

খ্বাইদগী ফবা চৎন্ন-কাংলোন অমসুং ব্যুজিনেস লায়না তৌনবা, রেলৱেজগী ওফিসিএলশিং অমসুং মীহুৎশিং য়াওবা জোইন্ত ৱার্কিং গ্রুপ অমা শেমখ্রে।

থৌরম অদুদা ৱা ঙাংলদুনা মিনিস্তরনা হায় মদুদি মাইকৈ অনিদা কান্নবা ব্যুজিনেস লায়না তৌনবা অমসুং চাওখৎপদা তঙাইফদনা চংই।

মসি অমসু খঙজিনবা য়াই মদুদি ২২.০৩.২০২০দগী ০২.০৯.২০২০ ফাওবা ইন্দিয়ন রেলৱেজনা চেল্লিবা অপুনবা ত্রেন মশিং ৫,২৯২ অসিদা ৫,১৩৯ অমদি তাইম-তেবল ত্রেন্নি। অপুনবা তোন ৩,১৮,৪৫৩ অসি ত্রেন অসিদা পোৎ হাপ্তুনা লুপা করোর ১১৬.১৯ তানবা ঙমখি।

মসি পনবদা মতিক চায় মদুদি ইন্দিয়ন রেলৱেজনা ২০২০গী ওগস্ত থাদা অপুনবা পোৎ মিলিয়ন তোন ৯৪.৩৩ পুদুনা মমাং চহিগী চপ মান্নবা থাদা পুখিবা অদুদগী হেন্দুনা চৎল্লি। ২৫.০৩.২০২০দগী ০১.০৯.২০২০ ফাওবা ইন্দিয়ন রেলৱেজনা পুন্না ১,৪১,০৪৯ রেক্সা লোয়ননা মিলিয়ন তোন ৪৫১.৩৮ পোৎ পুখি।  পোৎ পুথোকপদা কন্সেসন/দিস্কাউন ময়াম অমা ইন্দিয়ন রেলৱেজদা পীবনা হেন্না মিয়েং চিংশিল্লি। অথুবা মতম্দা পোৎ পুবা চাওখৎনবা হোৎনরগনি।   

*****