কেন্দ্রগী শেল-থুম অমসুং কোর্পোরেৎ এফিয়র্স মন্ত্রী শ্রীমতি নির্মলা সিতারমন্না সেদ্যুল কম্মর্সিএল বেঙ্ক অমসুং এন.বি.এফ.সি.শিংগী মকোক থোংবশিংগা লোইননা ভিদিও কনফরেন্সকী খুত্থাংদা কোবিদ-১৯গা মরী লৈনবা খুদোংচাদবশিংগী লোন রিজোলুসন ফ্রেমৱার্ক থবক ওইনা পায়খৎপগী মতাংদা মখোয়গী ফিরেপকী মতাংদা য়েংশিন্নবগীদমক ঙসি মীফম অমা পাঙথোকখ্রে। মীফম অদুগী মনুংদা, শীমতি সিতারমন্না শেল শান্দোক্লিবশিংদা লোন শিংবগী য়ৈথোকখিবা মতম অদু হেক লোইবগা পুতিবশিংদা মতেং পাংবীগদবনি অমসুং কোবিদ -১৯না মরম ওইদুনা মখোয়গী শেল শিংবদা থাজবা থমখিবদু শান্দোক্লিবশিংনা য়েংশিনবদা অৱাবা পীরোইদবনি হায়খি। মহাক্কা ৱারী ৱাতাই শান্নখিবদুগী মনুংদা, শেল-থুম মন্ত্রীনা মখাগীশিং অসিদা মীৎয়েং থমখি –

• শেল শান্দোক্লিবশিংনা বোর্দনা য়ারবা ৱারেপকী পোলিসী, কনাবু পুহনবা য়াবগে হায়বদু মখোয়দা খঙহন্দুনা থমগদবনি
• শেল শান্দোক্লিবশিংনা মতীক চাবা ললোন ইতিক খুদিংমক্কী তুং কোইনা চৎনবা য়াবা থৌরাংশিং অথুবদা থবক ওইনা লৌখৎকদবনি

শেল-থুম মন্ত্রীনা শেল শান্দোক্লিবশিংনা সেপ্তেম্বর ১৫, ২০২০ ফাওবদা রিজোলুসন স্কিমশিং পুথোক্কদবনি অমসুং ৱাখল তাহনবা য়াবা তুং কোইনা চৎপা য়াবা মীদিয়া কেম্পেনশিং মতুং তারকপদা শীনগদবনি। মহাক্না শেল শান্দোক্লিবশিংদা মখোয়গী ৱেবসাইত্তা হিন্দি, ইংলিশ অমসুং লম-লমগী লোলদা রিজোলুসন ফ্রেমৱার্ক্কী ৱাহং অমসুং পাউখুমশিং চাং নাইনা থাগৎকদবনি অমসুং মখোয়গী ওফিস অমসুং ব্রাঞ্চশিংদা চাইথোক্কদবনি।

শেল শান্দোক্লিবশিংনা মখোয়গী রিজোলুসন পোলিসীশিং শেম শাদুনা লৈরে, অমসুং মতীক চাবা শেল পুরিবশিং মশক খঙদোক্তুনা খঙহনবা হৌখ্রে, অমসুং রিজর্ব বেঙ্ক ওব ইন্দিয়া (আর.বি.আই.)না অপীবা মতমগী মনুংদা লোইশিন্নবা হোৎনগনি হায়না থাজবা পীখি।

শেল-থুম মন্ত্রীনা 'আত্মনির্ভর ভারত অভিয়ান'গী মখাদা লাউথোকখিবা ই.সি.এল.জি.এস., পি.সি.জি.এস. ২.০ অমসুং সব-ওর্দিনেৎ দেৎ স্কিমশিংগী মখাদা তোঙান-তোঙানবা শেল শান্দোকপশিংগী হৌজিক ফাওবদা লৈরিবা খুমাং চাউশিনবগী চাং য়েংশিনখি অমসুং শেল শান্দোক্লিবশিংদা কুমহৈগী কুম লাক্ত্রিঙৈ মমাংদা শেল পুরিবশিংবু য়ারিবমখৈ অৱাবা কোকহনবগী থৌরাংশিং শাংদোক্না পাউতাক পীখি। তাং ৩১.০৮.২০২০ ফাওবদা ই.সি.এল.জি.এস.কী মখাদা লুপা কোতি লাখ ১.৫৮ কাইথখ্রে মসিগী মনুংদা লুপা কোতি ২৫,০৫৫.৫দি পব্লিক সেক্তর বেঙ্কনা লৈনবগীদমক অয়াবা পীখ্রে, মসিগী মনুংদা, লুপা কোতি ১৩,৩১৮.৫গী চাদা ৫৩না এ.এ.-গী মখাদা রেত্তিং পীবা বোন্দ/সি.পি.শিংগী পোর্তফোলিওগা মরী লৈননা কাইথখ্রে। স্কিম অসি রেত্তিং নেম্বা  বোন্দ/সি.পি.শিংগীদমক য়াম্না মরু ওই।

শেল-থুম মন্ত্রীনা বেঙ্ক অমসুং এন.বি.এফ.সি.শিংনা লোকদাউনগী মনুংদা প্রধান মন্ত্রী গরিব কল্যান য়োজনা অমসুং আত্মনির্ভর ভারতকা মরী লৈনবা খোংথাং কয়া লৌখৎনবা হোৎনখিবগীদমক থাগৎপা ফোংদোকখি। শেল-থুম মন্ত্রীনা শেল শান্দোক্লিবশিংদা কম্পেনীশিং অমসুং ললোন ইতিক তৌরিবশিংগী তঙাইফদবশিংদা মতেং পাংবীনবা অমসুং কোবিদ-১৯গা মরী লৈনবা খুদোংচাদবশিংদগী ললোন ইতিক্কী থবকশিং নৌনা হিংগৎনবগীদমক হোৎননবা পুক্নিং চিংশিনখি।

*****