জল শক্তি মন্ত্রালয়
জল জীবন মিসন্না রিসর্স অমসুং চাউখৎ থৌরাংদা খুমাং চাউশিল্লহল্লি
Posted On:
03 SEP 2020 12:27PM by PIB Imphal
জল জীবন মিসন অসি ইং কুমজা ২০২৪ ফাওবদা খুঙ্গংশিংগী য়ুমথোং খুদিংদা ফঙ্কস্নেল হাউসহোল্দ তেপ কন্নেক্সন পীবা ঙম্নবা রাজ্যশিংগা লোয়ননা খোঙলোয় ওইদুনা ইমপ্লিমেন্ত তৌখিবনি। মিসন অসিনা থক্নবা ঈশিংগী চাং মরাং কায়না (নোমদা মীওই অমদা লিতর ৫৫গি চাংদা) সপ্লাই তৌনবা অমসুং অফবা ক্বালিতীদা খুঙ্গংগী য়ুমথোং খুদিংদা চাং নাইনা অমসুং মতম শাংনা ফংহনবা ঙম্নবা পান্দম থম্লি।
ওগস্ত ১৫, ২০২০দা লাল কিলাগী লানবনদগী লৈবাক মীয়ামদা নিংখা তম্বা নুমিৎতা প্রধান মন্ত্রীনা জল জীবন মিসন অসি চহি অমা মপুং ফরকপগী লাউথোকখিবদা হায়খি মদুদি লৈবাক পুম্বদা য়ুমথোং কোতি ২দা মতম অসিগী মতুংদা থক্নবা তোতি ঈশিং ফংহনবা ঙমখ্রে। নুমিৎ খুদিংগী ইমুং লাখ ১ হেনবদা তোতি ইশিং ফংহনখ্রে।
খুঙ্গংগী থক্নবা ঈশিংগী সপ্লাই তৌবা অসি অরুবা হীরম অমনি মসিদা খুন্নাইগী, মহৌশাগী অমসুং তেক্নিকেলগী ওইবা তোঙান তোঙানবা খুদোংচাদবশিং থেংনরি শম্না হায়রবদা ঈশিংগী ক্বালিতীগী জিও-জেনিক অমসুং এনথ্রোপোজেনিক্কী সমস্যাশিং, শাথিনা ইদাফো-ক্লাইমেতিক ওইবশিং অমসুং খুদোংথিবা থোক্কনবা মফমশিংদা থক্নবা ঈশিং সপ্লাই মতম শাংনা তৌহনবা, ৱাতর সর্ভিস দেলিভরীগী চাং ওনবা অমসুং য়েংশিনবা, অহোংবা লাকপ য়েংশিনবা, শেল-চংদনা গ্রে ৱাতর ত্রীৎমেন্ত তৌবা অমসুং অমুক হন্না শীজিন্নবা য়াহনবা অসিনচিংবনি। মরম অসিনা জল জীবন মিসন অসি খোঙজেল য়াংনা অমসুং চাউনা ইমপ্লিমেন্ত তৌবা মতমদা থেংনবা খুদোংদাবশিং অমসুং লৌশিং ৱাৎপা অসি য়েংলগা লোয়ননা তুংলমচৎকী খুঙ্গংগী ঈশিং ৱাৎহন্নদনবা ৱাতর সপ্লাইগী সেক্তরদা কান্নগদবা রিসর্স তৌবা অমসুং অনৌবা ৱাখল্লোন পুথোকপা অসি য়াম্না মরু ওইবা অমা ওইরক্লি।
হৌজিক হান্নদগী হেন্না নেস্নেল জল জীবন মিসন্না খুঙ্গংগী মফমশিংদা ৱাতর সপ্লাই সেক্তরনা থেংনরিবা সমস্যাশিং অসি কোকহন্নবা মতেং পাংলগনি, খুমাই চাউশিনহল্লগনি অমসুং রিসর্স হেনগৎহল্লগনি। নেস্নেল জল জীবন মিসন্না শেল-চংদবা সোলুসনশিং অমসুং লৌশিংগী অৱাৎপা মেনখৎনবা সেক্তর অসিদা থবক তৌরিবা নহা ওইরিবা ইন্নোবেতরশিং, রিসর্সরশিং, একাদেমিয়া, ওন্তর্প্রিনোরশিং, স্তের্তঅপশিংদগী প্রোপোজেলশিং কৌরি। মখা তানা, বিভাগ/নেস্নেল মিসন/ এস.দবল্যু.এস.এম.না খুঙ্গংগী ৱাতর সপ্লাইগী মপুং ফানা কান্নহন্নবা অমসুং শেন-থুমশিং ফীভম য়েংশিন্নবা ইভিদেন্স-বেজ-তেক্নিকেলগী ওইবা খোঙথাং লৌখৎনবা কান্নগদবা রিসর্স অমসুং চান্নবা ইভাল্যুএসন পাঙথোক্কনি। জল জীবন মিসনগী মখাদা লৈবা আর এন্দ দি প্রোজেক্তশিং অসিনা সাইন্তিস্তশিং অমসুং আর এন্দ দি ইন্সতিত্যুৎশিং, ইন্নোবেতরশিং, ওন্তর্প্রিনোরশিংগা লোয়ননা খোঙলোয় ওইদুনা কান্নগদবা লৌশিং ফংহন্দুনা থক্নবা ঈশিং পীরিবা সেক্তর অসিনা থেংনরিবা তোঙান তোঙানবা খুদোংচাবশিং অসি কোকহনবদা মতেং পাংদুনা মীওই কয়াগী পুন্সি ফগৎহল্লগনি।
আর এন্দ দিগী গাইদলাইনশিং অসি বিভাগকী পর্তেল হায়বদি https://jalshakti-ddws.gov.in/দা ফংগনি। থৱায় য়াওবা তোঙান তোঙানবা মীওই/ এজেন্সী/ ইন্সতিত্যুসন পুম্নমক্না খুদোংচাবা অসি লৌবীদুনা প্রোপোজেলশিং থারকপা য়াগনি।
*****
(Release ID: 1650956)
Visitor Counter : 203