নেস্নেল একাদমী ওফ আর.য়ু.দি.এস.ই.তি.আই. (এন.এ.আর.)গী অনৌবা ত্রেনীং ইনস্তিত্যুৎ শঙলেনগী উরেপ উয়ুং তমবগী থৌরম ওনলাইন্দা ঙরাঙ পাঙথোকখ্রে‍। এন.এ.আর.না রুরেল দেভেলপমেন্ত মন্ত্রালয়গীদমক্তা রুরেল সেল্ফ এমপ্লোইমেন্ত ত্রেনীং ইনস্তিত্যুৎকী স্তাফশিং (লৈবাকসিগী দিস্ত্রিক্ত ৫৬৬তা আর.এস.ই.তি.আই. ৫৮৫ চাইথোক্তুনা লৈরিবা), স্তেত/য়ু.তি. রুরেল লাইবলিহুদ মিসনগী স্তাফশিং অমসুং মরী লৈনবা বেঙ্ককী শিন্মীশিং শেন্নবা, লমজিংবিবা অমদি মতিং হেনগৎহনবগী থৌদাং লৌই‍।

থৌরমদুদা শরুক য়াখিবশিংগী মফমদা ৱা ঙাঙলদুনা, ভারত লৈঙাক্কী রুরেল দেভেলপমেন্ত সেক্রেতরী শ্রী নাগেন্দ্র নাথ সিনহানা আর.এস.ই.তি.আই.শিং অসি স্তেত লৈঙাকশিং, কেন্দ্র লৈঙাক অমসুং কম্মর্সিএল বেঙ্কশিং পুল্লগা খুঙ্গঙগী লায়রবগী  খুদোংচাদবশিং কোহন্নবা পায়খৎপা তোপ তোপ্পা থৌরাংনি হায়না ফোঙদোকখি‍। লৈবাকসিদা থবক ফংদবগী খুদোংচাদবশিং কোকহন্নবা থৌরাংশিংদা আর.এস.ই.তি.আই.শিংগী মরুওইবশিংগী মতাংদসু মহাক্না পনখি‍। আর.এস.ই.তি.আই.গী থৌওংশিং চাং মান্নহনবগী থবক্তা এন.এ.আর.গী থৌদাং থাগৎলদুনা, মহাক্না এম.এ.আর.দা মায়কৈ অসিদা লৌখৎলিবা থৌরাংশিং খোঙজেল য়াঙহন্নবা পাউতাক পীখি অমদি এন.এ.আর.গী অনৌবা কেম্পস লিংখৎপা অসিনা হীরমসিদা চাউনা মতেং ওইরগনি হায়না থাজবসু থমখি‍।

হৌজিক্কী ওইনা, হায়রিবা ত্রেনীংশিং অসি বেঙ্গলুরু অমদি স্তেত/য়ু.তি.শিংদা অৱায়বা শঙলেনশিংদা পাঙথোক্লি‍। ফজরবা লৈকোলগী ময়োল্লম বেঙ্গলুরুদা লুপা করোর ২৫ চঙনা শেমগৎকদৌরিবা কেম্পস অসিনা কেপাসিতি বিল্দিংগী অচৌবা খুদোংচাদবশিং কোকহল্লগনি‍। থৌরম অদু এন.এ.আর.গী প্রেসিদেন্ত পদ্মবিভুসন দা: দি. বীরেন্দ্র হগ্গরে অমসুং কনারা বেঙ্ককী একজেক্যুতিব দাইরেক্তর মিস এ. মনিমেখলাইনা অতৈ মীওইশিংগা লোয়ননা শরুক য়াখি‍।

এন.এ.আর.গী প্রেসিদেন্ত দা: দিও বীরেন্দ্র হেগ্গরেনা মায় পাক্লবা আর.য়ু.দি.এস.ই.তি.আই.গী মোদেলবু লৌশিন্নবগীদমক লৈঙাক্না ইচঙ থৌনা চঙশিল্লক্লিবা থৌরাংবু থাগৎখি অমদি মসিবু আর.এস.ই.তি.আই.গী মওংদা ওন্থোক্তুনা লৌখৎলকপা থৌরাংশিংনা খুঙ্গঙগী থবক ফংদ্রিবা নহাশিংগী পুন্সিদা কমদৌনা অওনবা পুরকপগে হায়বদু নৌহৌননা নীংশিংখি‍। মহাক্না লৈবাক অসিদা লৈরিবা বেঙ্ক পুম্নমক্না আর.এস.ই.তি.আই.গী থৌওংবু লৌশিনহনবদা খুঙ্গঙ চাউখৎ-থৌরম মন্ত্রালয়না লৌরিবা অচৌবা থৌদাংবুসু শীংথাখি‍।মসিনা লৈবাকসিদা ওন্ত্রপ্রিন্যুরসিপ দেভেলপমেন্ত ত্রেনিংগী খ্বাইদগী চাউবা নেতৱর্কশিংগী মরক্তা অমা লিখৎলকখি‍।

কনারা বেঙ্ককী একজেক্যুতিব দাইরেক্তর মিস এ. মনিমেখলাইনা হৌখিবা চহীশিংসিদা এন.এ.আর.গী থৌদাংশিংবু শীংথাখি অমদি এন.এ.আর.গী তুংগী থবক থৌরমশিংদা কনারা বেঙ্কনা শৌগৎকনি হায়না থাজবা পীখি‍। মহাক্না খুঙ্গঙ চাউখৎ-থৌরম মন্ত্রালয়, দা: হেগ্গরে অমসুং আর.এস.ই.তি.আই.বু স্পোন্সর তৌরিববা বেঙ্কশিংবু থাগৎখি অমদি এন.এ.আর.বু আর.এস.ই.তি.আই.গী ইহৌদা লৈরিবা স্তেকহোল্দর পুম্নমক্কী অপুনবগী ফুদম অমনি হায়না ফোঙদোকখি‍।

থৌরমদুদা শরুক য়াখিবশিংনা অমত্তা ওইনা উরেপ উয়ুং তম্বদুদা শরুক য়াদুনা এন.এ.আর.গী অনৌবা তাঙ্কক অমগী অহৌবা খোঙফমবু শক্তাকখি‍।

*****