কেন্দ্রগী হকশেল অমসুং য়াইফ য়ুম্বালগী মন্ত্রী, দা. হর্শ ৱর্ধন্না ঙসি দা. লুসিয়া, একজিক্যুতিব দাইরেক্তর, স্তোপ তি.বি. পার্তনরশিপকা দিজিতেল ওইনা ৱারি-ৱাতাই শানখি।

কেন্দ্রগী মন্ত্রীনা হায়খি মদুদি তি.বি. মুৎথৎপা হায়বসি ভারত সরকারগীদমক্তদি খ্বাইদগী হেন্না মরু ওই। সরকার অসিনা রেপিদ মোলিক্যুলর তেস্তশিংগী খুত্থাংদা লেম্না দাইগ্নোসিস তৌবদগী এক্সেস হেনগৎহনবা, দ্রগ রেজিস্তেন্সকী মতাংদা ইনফোর্মেশন পীবা অমসুং খ্বাইদগী ফবা ক্বালিতীগী দ্রগশিং অমসুং রেজিমেনশিংগা লোইননা তি.বি. লৈবা মীপুম খুদিংমক্কীদমক্তা লেম্না লাইয়েংবা, পেসেন্তশিংদা ফাইনান্সিয়েল অমসুং ন্যুত্রিশনেল সপোর্ত পীনবা কন্না হোৎনরি হায়না মহাক্না হায়খি। দা. হর্শ ৱর্ধন্না মখাতানা হায়খি মদুদি সরকার অসিনা প্রাইভেত সেক্তর এনগেজমেন্ত কনখৎহন্নবা ইন্তরফেস নন-গোভর্নমেন্তেল এজেন্সীশিংগা নোতিফিকেশন অমসুং এথেরেন্স অমসুং লিঙ্কিংগীদমক্তা দিজিতেল তেক্নোলোজীশিং শিজিন্নবগী মতাংদা কন্না হোৎনরি।

দা. হর্শ ৱর্ধন্না মরু ওইনা পনখি মদুদি লৈবাক অসিনা হৌখিবা থা নিপান অসিদা কোবিদকী লাইচৎ অসিগা লান্থেংনরবা ফাওবদা রাজ্যশিংদা লৈরিবা হেল্থ দিপার্তমেন্ত অমসুং হেল্থ ওফিসিয়েলশিংদা ২০২৫ ফাওবদা তি.বি. মুথৎনবগী পান্দম অসিগী মতাংদা তৌইনা খঙহল্লি। “কোবিদকা লান্থেংনবগী মাইকৈদা ঐখোয়না হোৎনরিবশিং অসিগী খুত্থাংদা, ঐখোয়না মালেমদা উৎলি মদুদি ভারতনা অতোপ্পা লৈবাকশিংগী রোল মোদেল ওইবা য়াগনি হায়বা মরমদি ঐখোয়না মাস্কশিং অমসুং পি.পি.ই. কিতশিংগী লমদম অসিদা পুথোকপগী মতাংদা মীপাল তাংদনা ইরোমদোম লেপচবা ঙমখ্রে” , হায়না মহাক্না হায়খি।

“ভারতনা, ঐখোয়গী ইকাইখুম্নরবা প্রধান মন্ত্রী, শ্রী নরেন্দ্র মোদিগী লমজিং-লমতাক মখাদা ২০২৫ ফাওবদা ভারত্তা ত্যুবরক্যুলোসিস লোইশিন্নবাগীদমক্তা খ্বাইদগী হেন্না মরু ওইবা পীখি, মসি ২০৩০গী সস্তেনেবল দিবেলপমেন্ত গোলস (এস.দি.জি.)গী চহি মঙা মাংওইনননি, অমসুং তি.বি.-ফ্রী ৱার্লদগীদমক্তা লুচিংবা অমা ওইনা চোংথোক্তুনা”, দা.হর্শ ৱর্ধন্না দিজিতেল ওইনা ৱারি-ৱাতাই শানখিবা অদুদা হায়খি। হনদক্কী চহি খরা অসিদা, ভারতনা শিংথংনীংঙাই ওইবা অমসুং এম্বিসিয়স ওইবা পোলিশিশিং অমসুং প্লানশিংগা লোইননা তি.বি.-ফ্রী ৱার্লদ অমগীদমক্তা লুচিংবা অমা ওইনা উৎনবা মরু ওইবা খোংথাং কয়া অমা হান্নদগী পাইখৎখ্রে হায়না মহাক্না মরু ওইনা পনখি।

দা. লুসিয়ানা তি.বি.গা লান্থেনবদা শিংথানীংঙাই ওইবা মওংদা হোনরিবশিং অসিগীদমক্তা ভারত সরকারবু থাগৎপা ফোংদোকখি।

*****