সাইন্স অমসুং তেক্নোলোজী বিভাগকী সেক্রেতরীশিং – হান্নগী অমসুং হৌজিক্কি অনিমক্না বিভাগ অসিগী গোল্দন জুবিলী পাল্লন তৌনবা শিনখিবা ‘রিমেম্বরিং ৫০ গোল্দন ইয়র্স ওফ দি.এস.তি.’গী হৌদোকপগী পেনেল দিস্কসন্দা হৌজিক ফাওবদা দি.এস.তি.না মাই পাকপা ঙমখ্রবশিং অদু থমখি অমসুং লৌখৎকদবা খোঙথাংশিংগী মতাংদা খন্নখি। 

 “লৈবাক অসিগী এস অমসুং তিগী ইকোসিস্তেমদা দি.এস.তি.না অচৌবা শাফু অমা পীরি। লম খুদিংমক্তা দি.এস.তি.না হোৎনরিবা অমসুং মনুং হঞ্জিন্দুনা তৌরিবশিং অসি য়াম্না চাউবগা লোয়ননা সাইন্স অমসুং তেক্নোলোজীগী খুত্থাংদা ভারতপু অওনবা পুরক্নবা তশেংবা এজেন্সী অমা ওইহল্লি।”, হায়না ভারত সরকারগী হান্নগী দি.এস.তি. সেক্রেতরী অমসুং হৌজিক প্রিন্সিপল সাইন্তিফিক এদভাইজর (পি.এস.এ.), কে বিজে রঘভননা দি.এস.তি. গোল্দন জুবিলী দিস্কোর্স সিরিজকী শরুক ওইরিবা পেনেল দিস্কসনদা ফোঙদোকখি।

“ভারতকী ওইনা, অতোপ্পা মালেমগী সাইন্সকী লমদা লুচিংলিবশিংগা লম্বা তৌনবা ঙম্নবা পাম্বৈ অদুদি য়াম্না চংদনা থবক হেন্না তৌবনি অসুং মসি তৌনবা হোৎনবদা ইন্তেলেকচুএল কেপাসিতী শীজিন্নগদবনি। মসি জি.দি.পি.দা য়েংলকপদা ঐখোয়গী ইনবেসমেন্তগা চান্নহনগদবনি। তেক্নোলোজীগী তোঙান তোঙানবা হীরমশিংদা য়েংলুবদা, ভারতনা ঐখোয়গী ইনবেসমেন্তদা কান্নগদবা মরোমদোম লেপচবা ঙম্বা অনৌবা ৱাখল্লোনগী মফম লৈগদরা হায়বসু য়েংশিনগনি” হায়না তুংলমচৎকী লম্বী অমা য়াৎলদুনা মহাক্না মখা তাখি।

দি.এস.তি.গী সেক্রেতরী প্রোফেসর অশুতোশ শর্মনা হায়খি দি.এস.তি. লিংখৎখিবা অসিনা ভারতকী সাইন্স, তেক্নোলোজী অমসুং ইন্নোবেসনদা অওনবা পুরক্নবা তাঙ্কক অমা ওইখি অমসুং মসিনা ভারতকী এস অমসুং তি.গী স্তেকহোল্দর বেস অসি স্কুলগী মহৈরোয়শিংদগী হৌরগা পিঐচ.দি., অদগী নহা ওইরিবা সাইন্তিস্তশিং, আর অমসুং দি লেবশিং, য়ুনিভর্সিতীশিং অমসুং কোলেজশিং ফাওবদা চাউথোকহনখি।

মহাক্না দি.এস.তি.না শাখিবা অচৌবা ইন্সতিত্যুস্নেল স্ত্রকচর খরগী মতাংদা ফোঙদোকখি – ইন্দিজিনস তেক্নোলজীশিং কম্মর্সিএলাইজেসনগী থৌদাং লৌরিবা তেক্নোলোজী দিবেলপমেন্ত বোর্দ (তি.দি.বি.) অমসুং সাইন্স এন্দ ইঞ্জিনীয়রিং রিসর্চ বোর্দ (এস.ই.আর.বি.) অসিনা সাইন্তিস্ত কয়াবু থৌনা হাপ্লি। মহাক্না হায়খি কোবিদ ১৯ লায়চৎ অসিগী মনুংদা উরিবা অসিগুম্না হৌজিক ফাওবদা শাগৎখিবা অচৌবা ফাউন্দেসন অমসুং চহি ৫০মুক অসিদা শেমগৎখিবা হ্যুমেন রিসোর্স পুম্নমক অসি খোঙজেল য়াংখৎহন্দিনা অমসুং চাউথোকহনবা য়াগনি।

হান্নগী সেক্রেতরী দি.এস.তি. (২০০৬-২০১৪), প্রোফেসর তি. রামাসমিনা হায়খি দি.এস.তি.না ভারতকী সাইন্স সিস্তেমগী প্রনাভয়ু নত্রগা ওক্সিজেনগী থৌদাং লৌরি। “লৈবাক অসিগী প্রজাশিংনা সাইন্সনা তৌবা ঙম্বা অসিগী হরাওবা ফোঙদোকফম থোকই, লৈবাক অসিগী মসিগী কান্নবা ফংদ্রিবা মীওইশিংদসু য়ৌহন্নবা ভারতনা পুমনৌ নৌবা এস অমসুং তিগী পোলিসীগী ফ্রেমৱার্ক পুথোক্নবা ঙসি লৈরিবা খুদিংচাবা অসি দি.এস.তি.না লৌহৌগদবনি,” হায়না মহাক্না ফোঙদোকখি।

হান্নগী দি.এস.তি.গী সেক্রেতরী (১৯৯৫-২০০৬) প্রোফেসর ভি এস রামামুর্থীনা মহাক্না দি.এস.তি.দা লৈরিঙৈ মতমগী মতাংদা ফোঙদোক্লদুনা হায়, “ঐখোয়না এজুকেস্নেল ইন্সিতিত্যুসনগী মপান্দা অহানবা তেক্নোলোজী বিজিনেস ইনক্যুবেতর লিংখৎখি অমসুং হৌজিক চহি অসিদা অসিগুম্বা ইনক্যুবেতর ১০০ দি.এস.তি.না লিংখৎলগনি। মসিগী চাং অসিদা ঐখোয়না মখা তাবা পাম্লি।”

“ঐখোয়না ঐখোয়গী মীশিংগা চান্নবা রিসর্চরশিং অমসুং তেক্নোলোজিস্ত মশিং য়াম্না মথৌ তাই। কোবিদকী মতম অসিদা ঐখোয়গী তেক্নোলোজীগী মপাঙ্গল অদু তশেংনা উৎপা ঙমখি অমসুং মতম চানা মথৌ তাবশিং ফংহনখি। মসিনা ঐখোয়বু মাংলোনদা চংশিনবদা মতেং পাংগনি,” হায়না মহাক্না ফোঙদোকখি।  

বিভাগ অসিগী চহি ৫০ শুবগী পাল্লন তৌবগী মথং মথং পাঙথোকপা প্রোগ্রামশিংগী শরুক অমা ওইরিবা দিস্কোর্স সিরিজ অসি ভারত সরকারগী সাইন্স অমসুং তেক্নোলোজী বিভাগকী অমসুং বিজ্ঞান প্রসারগী য়ুনিৎ অমা ওইরিবা নেস্নেল কাউন্সিল ফোর সাইন্স অমসুং তেক্নোলোজী কম্ম্যুনিকেসন (এন.সি.এস.তি.সি.)না ভর্চ্যুল ওইনা শিনখি।

*****