ভারত অমসুং য়ু.এস. সাইন্তিস্তশিংগী তীম তরামাথোইনা নোবেল ঙন্না দাইগ্নোস্তিক তেস্তশিং পাংথোকপা, এন্তিভাইরেল থেরাপী, দ্রগ রিপর্পোজিং, ভেন্তিলেতর রিসর্চ, দিসিনফেক্সন মেছিনশিং, অমসুং কোবিদ-১৯গীদমক্তা সেন্সর –বেসদ সীম্তম ত্রেকিং তৌবগী আউত ওফ দ বোক্স সোল্যুশনশিংগীদমক্তা অথুবা মতমদা পুন্না স্কাউতিং তৌবা হৌরগনি।

তীমশিং অসি য়ু.এস.-ইন্দিয়া সাইন্স অমসুং তেক্নোলোজী এনদোমেন্ত ফন্দ (য়ু.এস.আই.এস.তি.ই.এফ.)না থোকখিবা এপ্রিল ২০২০দা কোবিদ-১৯ ইগ্নিশন গ্রান্তসকী মখাদা ইনভাইতেশন অমগীদমক্তা ফংখিবা প্রোপোজলশিং অদুগী অকনবা বাইনেস্নেল রিভ্যু প্রোসেসকী খুত্থাংদা মসিগী অনৌবা খোথাংশিং অসি পাইখৎনবা খনখিবনি

য়ু.এস.আই.এস.তি.ই.এফ.না এৱার্দ অসি কোবিদ-১৯গী শিংনবা অসিবু কোকহন্নবা অউত ওফ দ বোক্স, ইন্নোভেতিব ইদিয়াশিং প্রোপোজ তৌরিবা বাইলেতরেল তীম তরামাথোইদা লাউথোকখি। য়ু.এস.আই.এস.তি.ই.এফ. অসি সাইন্স অমসুং তেক্নোলোজী শিজিন্নদুনা ইন্নোভেশন অমসুং এন্ত্রপ্রনোশিপ পুরক্কদবা জোইন্ত এক্তিভিতীশিংগি প্রোমোশনগীদমক্তা ভারত সরকার (দিপার্তমেন্ত ওফ সাইন্স অমসুং তেক্নোলোজী) অমসুং য়ুনাইতেদ স্তেতস ওফ অমেরিকাগী সরকারশিংনা (স্তেতকী দিপার্তমেন্তশিংগী খুত্থাংদা) লিংখৎখি।

য়ু.এস.-ইন্দিয়াগী অপুনবা এস. অমসুং তি. বেজদ এন্ত্রপ্রেন্যুরিয়েল তীমশিং অসিনা মোনিতরিং তৌবা, দাইগ্নোসিস তৌবা, হেল্থ অমসুং সেফতী, পব্লিক আউতরীচ, ইনফোর্মেশন অমসুং কম্যুনিকেশনঅনৌবা তেক্নোলোজীশিং, তুলশিং, অমসুং কম্যুনিকেশন য়াওনা কোবিদ-১৯গা মরী লৈনবা শিংনবশিং অদু কোকহন্নবা অনৌবা তেক্নোলোজীশিং, তুলশিং অমসুং সীস্তেমশিংগী দিবেলপমেন্ত তৌবা অমসুং ইমপ্লিমেন্তেশন তৌববু য়েংশিনবা অনৌবা খোংথাংশিংদা থবক তৌগনি।

লৈবাকশিংনা কোবিদ-১৯গী লাইচৎ অসিগা লান্থেংনবনা, সাইন্স, ইঞ্জিনীয়রিং অমসুং তেক্নোলোজীগী লমদা অনৌবা ৱাখল্লোনশিং পুথোরকপনা অনৌবা তেক্নোলোজীশিং , দিভাইশিং, দাইগ্নোস্তিক তুলশিং অমসুং ইনফোর্মেসন সীস্তেমশিংগা লোইন-লোইননা লাইচৎ আসিগা লান্থেংননবা রিসোর্সশিং মেনেজ তৌবা অমসুং দিপ্লোই তৌবদা কম্যুনিতীশিং অমসুং লৈবাকশিংবু  মতেং পাংননবা স্ত্রেতেজীশিং পুথোক্তুনা মালেমগী ওইবা শিংনবা অসিদা সোল্যুশনশিং পুথোকপদা য়াম্না মরু ওইবা থৌদাং লৌগদৌরিবনি।

য়ু.এস.আই.এস.তি.ই.এফ.না মখোয়গী মিশন অমসুং ভিজন অসিগী মতুং ইন্না কোবিদ-১৯গী শিংনবশিং অসি কোকহন্নবা  প্রোমিসিং ওইবা য়ু.এস.-ইন্দিয়াগী অপুনবা এস. অমসুং তি. বেজদ এন্ত্রপ্রেনোর্যুরিয়েল ইনিসিয়েতিবশিং অসি মতেং পাংবগী ৱাখল্লোনগা লোইননা কোবিদ-১৯ ইগ্নিশন গ্রান্তশিংগী কেতেগোরীগী মখাদা প্রোপোজলশিংগীদমক্তা কৌরিবা অদুবু লাউথোকখি।

য়ুনাইতেদ স্তেতস-ইন্দিয়া সাইন্স  অমসুং তেক্নোলোজী এন্দোমেন্ত ফন্দগী মিশন অসি লাইচৎ অসিগা লান্থেংনবদা মতেং পাংনবা য়ু.এস. অমসুং ভারতকী রিসর্চরশিং অমসুং এন্ত্রপ্রেনোরশিংগী মরক্তা পার্তনরশিপ থমদুনা দিবেলপ তৌখিবা তেক্নোলোজীশিংগী কমর্সিয়েলাইজেশন তৌদুনা পব্লিক গুদ জেনরেত তৌনবা অপুনবা এপ্লাইদ আর. অমসুং দি.বু মতেং পাংনবা অমসুং য়োকখৎনবনি।

বাইলেতরেল ইন্দো-য়ু.এস. সাইন্স এন্দ তেক্নোলোজী ফোরম (আই.য়ু.এস.এস.তি.এফ.)না য়ু.এস.আই.এস.তি.ই.এফ. প্রোগ্রামগী থবক-থৌরম পুম্নমক এদমিনিস্তর তৌই। এৱার্দী প্রোজেক্তশিগী অকুপ্পা মরোলশিং অদু  www.iusstf.org তা এক্সেস তৌবা য়াগনি।

*****