নহারোল অমসুং শান্ন-খোৎনবগী মন্ত্রালয়

স্পোর্তস মিনিস্ত্রিনা হোৎনবদগী হৌজিক অনৌবা মশান্না ২০গী শান্নরোইশিং স্পোর্তস কোতাগী মখাদা সরকারগী থবক চঙবা য়ারগনি

অনৌবা মশান্নশিং হাপচিনবা অসিনা লৈবাক অসিদা শান্নবা চাউখৎহন্নবা অফবা ফিবম অমা শেমগৎপদা মতেং পাংলগনি: শ্রী কিরেন রিজিজু

Posted On: 02 SEP 2020 5:46PM by PIB Imphal

অনৌবা মশান্না ২০গী শান্নরোইশিং স্পোর্তস কোতাগী কান্নবা পীনবা স্পোর্তস দিপার্তমেন্তনা পুখৎলকপা ৱাফম ২০২০গী সেপ্তেম্বর ১দা ভারত সরকারগী পর্সোনেল অমসুং ত্রেনিং দিপার্তমেন্তনা অয়াবা পীরে। হৈথোই-শিংথোইবা শান্নরোইশিং কেন্দ্র সরকারগী ওফিসশিংদা থবক হাপ্পা য়ারবা মশান্নশিংগী মশিং ৪৩দগী ৬৩দা হেনগৎলে অমসুং মসিদা মমাংঙৈগী মশান্নশিং হায়বদি মাল্লাখাম্ব, থৌরি চিংনবী, রোল বোল য়াওরি।

ৱারেপ অসিগী মতাংদা, য়ুথ এফেয়ার্স অমসুং স্পোর্তসকী য়ুনিয়ন মিনিস্তর কিরেন রিজিজুনা হায়খি ঐখোয়গী শান্নরোইশিংগী য়াইফবা অসি সরকারগী মরুওইবনি অমসুং মসিগী শরুক অমা ওইনা পর্সোনেল অমসুং ত্রেনিং দিপার্তমেন্তগী লিস্তা অহেনবা মশান্নশিংগী য়াওহন্না ৱাফম পুখৎখি। মসিনা নেসনেল অমসুং ইন্তরনেসনেলগী থাক্তা শান্নবা শান্নরোইশিংগী পুক্নিং থৌগৎপা খক নত্তনা লৈবাক অসিদা শান্নবা চাউখৎহন্নবা অফবা ফিবম অমা শেমগৎপদা মতেং পাংলগনি।

মমাংদা, ভারত সরকারগী তোঙান-তোঙানবা মিনিস্ত্রিশিংদা স্পোর্তস কোতাদা থবক চঙবদা মশান্না ৪৩গী শান্নরোইশিং খক্তা য়ারমখি। মশান্নশিং লিস্ত শেমদোক্নবা ৱাফম য়ুথ এফেয়ার্স অমসুং স্পোর্তস মিনিস্ত্রিনা পর্সোনেল অমসুং ত্রেনিং দিপার্তমেন্তদা পুখৎপদগী ২০১৩গী ওক্তোবরদা লিস্ত অদু অমুক হন্না শেমদোকখি। মমাংঙৈগী মশান্নশিং য়াওনা হৌজিক মশান্না ২০ হাপচিল্লে। এসিয়ান গেমস, ওলেম্পিক অমসুং অতোপ্পা চেম্পিয়নশিপশিংদা ফজনা শান্নবা হায়রিবা নৌনা হাপচিল্লবা মশান্নশিংগী শান্নরোইশিং স্পোর্তস কোতাগী মখাদা কান্নবা ফংলগনি।

পর্সোনেল অমসুং ত্রেনিং দিপার্তমেন্তনা হন্না শেমদোক্লবা লিস্ত অদুদা য়াওরবা অনৌবা মশান্না ২০ অদুদি: বেজবোল, বোদি বিল্দিং, সাইক্লিং পোলো, দেফ স্পোর্তস, ফেন্সিং, কুদো, মাল্লাখাম্ব, মোতরস্পোর্তস, নেত বোল, পেরা স্পোর্তস(পেরালেম্পিক্স অমসুং পেরা এসিয়ান গেমসতা য়াওবা মশান্নশিং), পেনকেক সিলাত, রোল বোল, রুগবি, সেপাক তাক্রো, সোফ তেন্নিস, সুতিং বোল, তেনপিন বোল্লিং, ত্রাইথলোন, থৌরি চিংনবী অমসুং ৱুসুনি।

*****



(Release ID: 1650834) Visitor Counter : 2