মতম কুইনদগী লৈরক্লিবা প্রোব্লেম অসিদা এম.এস.এম.ই.শিংবু মতেং পাংনবা, ইকুই কুইদনা ভারত সরকারনা পাম্বৈ কয়া অমা লৌখৎখ্রে। কেন্দ্রগী শেল-থুমগী মন্ত্রীনা আত্মানির্ভর ভারত পেকেজকী শরুক অমা ওইনা গোবর্নমেন্তকী এন্তাইতীশিংনা নুমিৎ ৪৫নিগী মনুংদা অসিগুম্বা পেমেন্তশিং অসি তৌগদবনি হায়না লাউথোকখ্রে।

এম.এস.এম.ইগী মন্ত্রালয়না লা্থোকখ্রিবা অসিবু হকচিন্না চৎলি অমসুং মসিগী ৱাফম অসিবু কেন্দ্রগী মন্ত্রালয়শিং অমসুং সেন্ত্রেল পব্লিক সেক্তর এন্তর্প্রাইজশিং (সি.পি.এস.ই.শিং) অমসুং রাজ্য সরকারশিংগা লোইননা য়েংশিনখি। মরু ওইনা য়াম্না এক্তিব ওইবা মওংদা মসিগী মখা তাবা থবকশিং সি.পি.এস.ই.শিংগী হেদশিংগা লোইননা পাইখৎলি।

পনবা য়াবা ইন্তরভেন্সনশিং অদুদি:

রিপোর্তিং তৌবা অদু লাইহন্নবা, চাং নাইনবা অমসুং অপনবা লৈতনবা, মসিগীদমক্তা ওইবা ওনলাইন রিপোর্তিং ফোর্মেত অমা থাগী পেমেন্তশিং অমসুং থাগী পেন্দেন্সী অদু রিপোর্ত তৌনবগীদমক্তা শেমখ্রে। রিপোর্ত তৌরকখিবগী মতুং ইন্না মন্ত্রালয়শিং অমসুং সি.পি.এস.ই.শিংনা হৌখিবা থা অহুম খক্তদা লুপা কোতি ৬৮০০গী মথক্তা পীখ্রে। থাগী দ্যুশিং অদুগী শরুক মরি থোকপগী অহুম ময়া নক্না কেন্দ্রগী মন্ত্রালয়শিং অমসুং সি.পি.এস.ই.শিংনা থা অদুমক্কী মনুংদা পীথোকখ্রে হায়বা পাউ লৈখি। লমহৌরিবা শেনফম অদু বিজনেস অদুগী হান্নগী মতম অদুগী মনুংদা অমসুং নুমিৎ ৪৫নি য়ৌদনা পীরবা য়াই।

পেমেন্ত অমসুং রেগ্যুলর রিপোর্তশিংগীদমক্তা রাজ্য সরকারশিংগা লোইননা এক্তিব ফোলো অপ তৌরি। অসিগা চপ মান্নবা  ওনলাইন রিপোর্তিং সীস্তেমসু রাজ্যশিংগী রিপোর্তিংগীদমক্তা শেমখ্রে অমসুং থমখ্রে;

অতোপ্পা ইন্তর্ভেন্সন অমনা, দিপার্তমেন্ত ওফ এক্সপেন্দিচরনা অপীবা মতম অদুদগী হেন্দোক্তুনা পেমেন্ত থেংথবদা মসিগী পেমেন্ত অসি তৌদ্রিবা ফাওবা, বায়র ওর্গনাইজেশন অদুনা থা অমদা ১%গী পেনল ইন্তরেস্ত পীগনি হায়বগী ও.এম. অমা চৎনহন্নবা  থোকখি;

এম.এস.এম.ই.গী মন্ত্রালয়না হায়বদগী তৌখিবা লেন্দমার্ক ইন্তরভেন্সন অমা শেল-থুমগী মন্ত্রালয়দা লৈরিবা সরকারনা তি.আর.ই.দি.এস. প্লেতফোর্মশিংদা ওন-বোর্দিং তৌনবগী চার্জশিং অদু লৌথোকখ্রে। প্লেতফোর্ম অসি পেমেন্তশিং ঙাইরিবা অদুগুম্বা সপ্লাইশিংগীদমক্তা এম.এস.এম.ই.শিংগী বিল দিসকাউন্তিং তৌনবগীদমক্তা শেমখিবনি। খঙজিনগদবা অমনা হান্নদি এম.এস.এম.ই.শিংনা ওন-বোর্দিং তৌনবগী চার্জ ওইনা লুপা ১০,০০০, তি.আর.দি.এস. মেকানিজমশরুক অমা ওইরিবা মরী লৈনবা এক্সচেঞ্জেশিংদা পীবগী মথৌ তারম্মি। সরকারনা হোজিক্তি ২০২১গী মার্চফাওবা এম.এস.এম.ই.শিংগীদমক্তা ওইবা ওন-বোর্দিং চার্জশিং অদু লৌথোকখ্রে। সি.পি.এস.ই.শিং অমসুং লনাইগী কমপনী কয়া অমা তি.আর.ই.দি.এস. মেকানিজমদা হান্নদগী ওন-বোর্দ তৌখ্রে। এম.এস.এম.ই.গী মন্ত্রালয়নসু অসুম্না তৌনবা হায়খি;

এম.এস.এম.ই. সপ্লায়রশিংনা ক্বিক এক্সেস লো-কোস্ত-ফাইনান্স ফংবা ঙমহল্লিবা তি.আর.দি.এস.কী মতাংদা ওইবা এস.আই.দি.বি.আই. ব্রাউসর অদু য়েংনবা অসিদা ক্লিক তৌবীয়ু

এম.এস.এম.ই.শিংগী ইজ ওফ বিজনেস লৈনবগীদমক্তা, উধ্যমগী অনৌবা রেজিস্ত্রেশনগিদমক্তা মন্ত্রালয়গী পোর্তল (https://udyamregistration.gov.in/) অসি অথিংবা অপনবা অমত্তা লৈতনা তি.আর.ই.দি.এস. অমসুং জি.ই.এম.গা ইন্তিগ্রেত তৌখ্রে। মরম অদুনা সরকারগী পোর্তলদা এম.এস.এম.ই. ওইনা রেজিস্তর তীবা খক্তনা য়াগনি অমসুং কানগনি। তি.আর.ই.দি.এস. অমসুং জি.ই.এম.মেকানিজমশিংগা ইন্তিগ্রেত তৌবা অদু মশা-মথন্তা তৌখিগনি। অমুক্কা হন্না হায়রবদা, এম.এস.এম.ই./উধ্যম ওইনা রেজিস্ত্রেশন তৌবা অসি ওনলাইন ওই অমসুং লেম্না শেল অমত্তা তিংদনা তৌই। মসিদা চে চংদে অমসুং মপুং ফানা সেল্ফ-দিক্লেয়রেশন্দা য়ুম্ফম ওই। খুদম নত্রগা চে-চাং অমত্তা মথৌ তাদে;

ঐখোয়না এম.এস.এম.ই.শিংদা উধ্যম রেজিস্ত্রেশন পোর্তলদা রেজিস্তর তৌনবা থৌগৎলি। সেপ্তেম্বর ১ ফাওবদা অনৌবা সীস্তেম অসি জুলাইদা হৌদোকখিবদগী রেজিস্ত্রেশন লাখ ৪.০০গী ময়া নক্না তৌখ্রে;

এম.এস.এম.ই.শিংগী মন্ত্রালয়না অমুক্কসু হন্না খঙহল্লকখ্রে অমসুং এন্তর্প্রাইজশিং অমসুং এন্ত্রপ্রেনরশিংদা রেজিস্ত্রেশন তৌবগী মিংদা শেল লৌরিবা শাশিন্নবা ৱেবসাইতশিংদগী চেকশিন্না লৈনবা হায়খ্রে। রেজিস্ত্রেশন অদু সরকারগী ৱেবসাইত্তা  অমসুং মসিগী খুত্থাংদা খক্তমক তৌগদবনি হায়না হায়জরি।

পনবা য়াবদি, এম.এস.এম.ই. দিবেলপমেন্ত এক্ত ওফ ২০০৬না অসিগুম্বা দ্যুশিং অসি নুমিৎ ৪৫নিগী মনুংদা পীথোক্কদবনি হায়না পীরি। অদুবু, গুদস অমসুং সার্বিসশিংগী এম.এস.এম.ই. সপ্লায়রশিংনা মখোয়গী পেমেন্তশিং অদু অকক্নবা মতমগি মনুংদা ফংদে হায়বা উবা ফংঙি। প্লিক অমসুং প্রাইভেত এন্তাইতীশিংনা মসিগী তাইম লিমিৎ অসি হেন্দোক্তে অমসুং মরম অদুনা মখোয়না এম.এস.এম.ই.শিংদা অৱংবগী মচাক অমা ওইহল্লি।

*****