রেলৱে মন্ত্রালয়
রেলৱেজ অমসুং কম্মর্স অমদি ইন্দস্ত্রীগী মন্ত্রী শ্রী পিয়ুশ গোয়লনা দেদিকেতেদ ফ্রাইৎ কোরিদোর কোর্পোরেসন ইন্দিয়া লিমিতেদ (দি.এফ.সি.সি.আই.এল.)গী চত্থরিবা থবক অদু য়েংশিনখ্রে
পীরিবা মতমগী মমাংদা/মনুংদা থবক লৌখৎপা অমসুং লোয়শিনবা ঙম্নবা হোৎনবা পাম্লিবা কন্ত্রেক্তরশিংদা মখল খরগী কান্নবশিং ফংহন্নবা দি.এফ.সি.সি.আই.এল.না হোৎনরি
দি.এফ.সি.সি.আই.এল.না প্রোজেক্ত অসি য়েংশিন্নবা ‘কি.মি. বাই কি.মি.’ ওইবা রিএল তাইম দেশবোর্দ অমা থম্লগনি অমসুং রেলৱেজ ওফিসিএলশিংনা মখা তাবা খোঙথাং লৌখৎতুনা অথুবদা সমস্যাশিং কোকহনগনি
দেশবোর্দকী খুত্থাংদা ৱাখৎ কোকহন্ননবা মেকানিজম শেমগৎপা
মিসন মোদ অমদা রাজ্যশিংগা লোয়ননা পুন্না হোৎনবা য়াওনা সমস্যা পুম্নমক কোকহল্লগনি। মন্ত্রালয়না প্রোজেক্তশিং খোঙজেল য়াংশিন্নবা অমসুং হীরমশিং অসিগা মরী লৈনবা সমস্যাশিংবু কোকহন্নবা মরী লৈনবা রাজ্যশিংদা চেরোল থাখ্রে
প্রোজেক্তকী থবক্কী খোঙজেল চয়োলগী ওইনা লেপ্তনা য়েংশিল্লগনি
Posted On:
01 SEP 2020 1:18PM by PIB Imphal
রেলৱেজ অমসুং কম্মর্স অমদি ইন্দস্ত্রীগী মন্ত্রী শ্রী পিয়ুশ গোয়লনা দেদিকেতেদ ফ্রাইৎ কোরিদোর কোর্পোরেসন ইন্দিয়া লিমিতেদ (দি.এফ.সি.সি.আই.এল.)গী চত্থরিবা থবক অদু য়েংশিনখ্রে, থৌরম অসিদা সি.আর.বি. অমসুং এম.দি./ দি.এফ.সি.সি.আই.এল. অমসুং কন্ত্রেক্তচ্যুল এজেন্সীশিং য়াওনা দি.এফ.সি.সি.আই.এল.কী রেলৱেজ বোর্দকী মকোক থোংবা ওফিসিএলশিংনা শরুক য়াখি।
মীফম অসিদা মকোক থোংবা ওফিসিএলশিংনা প্রোজেক্ত অসিগী হৌজিক ওইরিবা ফীভম অদু উৎখি।
শ্রী গোয়লনা দি.এফ.সি.সি.আই.এল.গী মেনজমেন্ত তিম অমসুং কন্ত্রেক্তরশিংদা ৱেস্তর্ন দি.এফ.সি. (১৫০৫ রুৎ কি.মি) অমসুং ইস্তর্ন দি.এফ.সি. (১৮৫৬ রুৎ কি.মি)গী সেক্সন পুম্নমক্কী থবকশিংগী খোঙজেল য়াংশিন্নবা লৌখৎপা য়াবা খোঙথাং পুম্নমক লৌখৎনবা য়াথং পীখ্রে। য়েংশিন্নবা মীফমদা সেক্সন অমমমগী থবক্কী মতাংদা কুপ্না খন্নখি অমসুং অপনবা পুম্নমক কোকহন্দুনা থবক ফজনা চত্থনবা য়াথংশিং পীখি।
প্রোজেক্তকী খোঙজেল য়াংশিন্নবা মন্ত্রীনা মশিং য়াম্লবা খোঙথাং লৌখৎনবা পাউতাক পীখি, মসিদা য়াওরিবা অদুদি:-
a) কন্ত্রেক্তর, ভেন্দর অমসুং সপ্লাইয়র পুম্নক্কা লোয়ননা চয়োলগী ওইনা চাং নায়না মীফমশিং পাঙথোকপা।
b) পীরিবা মতমগী মমাংদা কন্ত্রেক্তরশিংনা থবক লৌখৎপা অমসুং লোয়শিনবা ঙম্নবা হোৎনরিবশিংদা মখল খরগী কান্নবশিং ফংহন্নবা হোৎনবা
c) দি.এফ.সি.সি.আই.এল.না প্রোজেক্ত অসি য়েংশিন্নবা ‘কি.মি. বাই কি.মি.’ ওইবা রিএল তাইম দেশবোর্দ অমা থম্লগনি। মসি রেলৱেজ ওফিসিএলশিংনা এক্সেস তৌবসু য়াহনগনি। দেশবোর্দ অসি লৈবনা কন্ত্রেক্ত ইমপ্লিমেন্তেসন পুম্নমক্কী ৱারোইশিন অথুবদা পুরকপদা মতেং পাংগনি অমসুং দেশোর্দ অসিগী খুত্থাংদা কন্ত্রেক্তকা মরী লৈনবা সমস্যাশিং কোকহন্নবা ইন্সতিত্যুস্নেল মেকানিজম ওইনা মথৌ তৌগনি।
মীফম অসিদা কন্ত্রেক্তর পুম্নমক্কী থবকশিং কুপ্না য়েংশিন্নবা ৱারেপ লৌখি। মিসন মোদ অমদা রাজ্যশিংগা লোয়ননা পুন্না হোৎনবা য়াওনা সমস্যা পুম্নমক কোকহল্লগনি। মন্ত্রালয়না পন্দুনা লৈরিবা লমগী, আর.ও.বি.শিংগী অমসুং লো অমসুং ওর্দরগী সমস্যাশিং কোকহন্নবা মরী লৈনবা রাজ্যশিংদা চেরোল থাখ্রে।
দেদিকেতেদ ফ্রাইৎ কোরিদোরশিং (দি.এফ.সি.) অসি ভারত সরকারনা লৌখৎপা খ্বাইদগী চাউবা রেল ইনফ্রাস্ত্রকচর প্রোজেক্ত (অপুনবা রুৎ কি.মি ৩৩৬০গী অশাংবা ওইবা) অমনি। মসিদা পুন্না চংগদবা শেনফম অসি লুপা কোতি ৮১,৪৫৯নি।দেদিকেতেদ ফ্রাইৎ কোরিদোরশিং প্লানিং তৌনবা, চাউখৎপা পুর্নবা, ফাইনান্সিএল রিসোর্সশিং মোবিলাইজ তৌনবা, শানবা, য়েংশিন্নবা অমসুং চল্লাইনবা থবকশিং অসি অখন্ননা য়েংশিন্নবা দি.এফ.সি.সি.আই.এল. অসি লিংখৎখি।
*****
(Release ID: 1650361)
Visitor Counter : 99