কোবিদ-১৯ লাইচৎগী শিংনবা কয়া থেংনরবসু হৌখিবা চহি ৩গী মতমদা পীখিবা প্রোজেকশিংগা চাংদম্নবদা শেনবা চহি ২০-২১ মনুংদা নেস্নেল হাইৱেজ ওথোরিতি ওফ ইন্দিয়া(এন ঐচ এ আই)না খ্বাইদগী শাংবা প্রোজেকশিং পায়খৎলে। ২০২০গী এপ্রিল-অগস্ত মনুংদা লুপা করোর ৩১,০০০গী কিলোমিতর ৭৪৪ শাংবা প্রোজেক ২৬ পায়খৎলে, শেনবা চহি ২০১৯-২০দা কিলোমিতর ৬৭৬, শেনবা চহি ২০৮-১৯দা কিলোমিতর ৩৬৮ অমসুং শেনবা চহি ২০১৭-১৮দা কিলোমিতর ৫০৪গী প্রোজেকশিং পায়খৎখি। শেমগৎ-শাগৎপা, লম লৌশিনবা অমসুং থবক হৌদ্রিঙৈ মমাংগী অতোপ্পা থবকশিংগী য়াওনা হায়রিবা প্রোজেক ২৬ অসিগী অপুনবা চঙগদবা শেনফম লুপা করোর ৩১,০০০নি।  

চৎলিবা শেনবা চহি অসিদা নেস্নেল হাইৱেজ ওথোরিতি ওফ ইন্দিয়ানা কিলোমিতর ৪৫০০গী হাইৱেজ প্রোজেকশিং পায়খৎনবা পান্দম অমা থম্লি অমসুং মসি হেনবসু য়ারি।

লোকদাউন অমসুং হৌজিক লৈরিবা ফিবম অসিদা বিদ্দরশিংগী থাজবা থম্নবা নেস্নেল হাইৱেজ ওথোরিতি ওফ ইন্দিয়ানা থবক কয়া পায়খৎলে। কন্ত্রেক্তরশিংদা লেপ্তনা শেন ফংহন্নবা, ওফিস থিংলবসু নেস্নেল হাইৱেজ ওথোরিতি ওফ ইন্দিয়ানা মতম থিন্থদনা শেন পীথোক্লে অমসুং দিজিতেল প্লেতফোর্মশিং শীজিন্নদুনা লোকদাউন মনুংদা ২০২০গী মার্চতা লুপা করোর ১০,০০০ পীথোকখ্রে। চৎলিবা শেনবা চহি অসিগী অহানবা ক্বাতরদা নেস্নেল হাইৱেজ ওথোরিতি ওফ ইন্দিয়ানা ভেন্দরশিংদা লুপা করোর ১৫,০০০ হেন্না য়েন্থোকখ্রে।

মসিগী মথক্তা, কন্ত্রেক্তরশিংদা থাগী ওইনা শেনফমশিং পীথোক্লে। মসিনা মরম ওইদুনা বিদ্দরশিং থৱায় য়াওনা শরুক য়াবদগী লম্বী শেম্বগী থবক খুমাঙ চাউশিল্লে।

মালেমগী ওইনা লাইচৎ থেংনরবসু প্রোজেক মশিং য়াম্না পায়খৎতুনা নেস্নেল হাইৱেজ ওথোরিতি ওফ ইন্দিয়ানা চহি অসি ফজনা হৌরে। নেস্নেল হাইৱেজশিং য়াংনা শেমগৎনবা অমসুং নেস্নেল হাইৱেজশিংদা চৎথোক-চৎশিন নুংঙাইনবা নেস্নেল হাইৱেজ ওথোরিতি ওফ ইন্দিয়া থবক পায়খৎলে।

*****