হকশেল অমসুং য়াইফ য়ুম্বাল মন্ত্রালয়না উত্তর প্রদেশ, ঝারখন্দ, ছতিসগর অমসুং ওরিশাগী রাজ্য মরিদা অৱাংবা থাক্কী কেন্দ্রগী কাংবু থাজিন্নবা ৱারেপ লৌখ্রে। হায়রিবশিং অসি কোবিদকী কেস মশিং থুনা হেনগৎপা অমসুং মোর্তেলিতী চাং ৱাংখৎলকপগী ফিভম কয়া থেংনরকখিবা রাজ্যশিংনি।

কাংবু অসিনা রাজ্যশিংদা কন্তেনমেন্তকী থবক কনশিনহনবা, সর্বেলিএন্স, তেস্তিং অমসুং পোজিতিবা কেসশিংগী ক্লিনিকেল মেনেজমেন্ত নীংথিনা পীবদা তেংবাংগনি। মখোয়না রাজ্যশিংদা মতমগা চানবা দাইগ্নোসিস তৌবা অমসুং মসিগী মরমদা মতুং তাবা ওইনা পাউ ফাওবগী হীরম কয়াদা নীংথিনা থবক পাঙথোকপদা তেংবাংগনি।

রাজ্য খুদিংগী ওইনা থাগদবা কাংলুপশিং অসিদা এপিদেমিওলোজিস্ত অমসুং পব্লিক হেলথ এক্সপর্ত অমমম য়াওগনি।

রাজ্য মরিশিং অসিদা মশিং য়াম্বা এক্তিব কেস ওইনা উত্তর প্রদেশনা ৫৪,৬৬৬ লৈদুনা ওরিশা (২৭,২১৯), ছতিসগর (১৩,৫২০) অমসুং ঝারখন্দা (১১,৫৭৭)না লৈদুনা মথংদা লৈরি। ঙসি ফাওবগী অপুনবা কেস মশিং ওইনা উত্তর প্রদেশনা ২,২৫,৬৩২ লৈদুনা ওরিশা (১,০০,৯৩৪), ঝারখন্দ (৩৮,৪৩৫) অমসুং ছতিসগর (৩০,০৯২)না কেসকী মশিং লৈদুনা মথং মথং লৈরি। মী লৈখিদবগী খ্বাইদগী য়াম্বা মশিং অসি উত্তর প্রদেশতা ৩৪২৩ লৈরি অমসুং ওরিশা, ঝারখন্দ অমসুং ছতিসগরদা মথংশিৎনা ৪৮২, ৪১০ অমসুং ২৬৯ লৈরি।

মখা তানা থবক চত্থবগী থৌওং অমা ওইনা কেন্দ্র সরকারনা মতম মতমগী মতুং ইন্না তোঙান তোঙানবা রাজ্যশিংদা মখোয়গী ওথোরিতীশিংগা পাউ ফাওননবা কাংবুশিং শেম্লি অমসুং মখোয়না থেংনবা শিংনবশিং অসিগী হকথেংনবা পাউ লৌদুনা মখোয়গী থৌদাংশিং অসিদা থেংনবা খুদোংচাদবা কয়াগী ৱারোইশিন পীনবা তেংবাংদুনা লাক্লি।

****