ਸਿਹਤ ਤੇ ਪਰਿਵਾਰ ਭਲਾਈ ਮੰਤਰਾਲੇ ਨੇ ਚਾਰ ਰਾਜਾਂ — ਉੱਤਰ ਪ੍ਰਦੇਸ਼ , ਝਾਰਖੰਡ , ਛੱਤੀਸਗੜ੍ਹ ਤੇ ਉਡੀਸ਼ਾ , ਵਿੱਚ ਉੱਚ ਪੱਧਰੀ ਕੇਂਦਰੀ ਟੀਮਾਂ ਭੇਜਣ ਦਾ ਫੈਸਲਾ ਕੀਤਾ ਹੈ । ਇਹਨਾਂ ਰਾਜਾਂ ਵਿੱਚ ਕੋਵਿਡ ਦੇ ਕੇਸਾਂ ਦੀ ਗਿਣਤੀ ਵਿੱਚ ਇੱਕਦੰਮ ਉਛਾਲ ਆ ਰਿਹਾ ਹੈ ਅਤੇ ਕੁੱਝ ਵਿੱਚ ਮੌਤ ਦਰ ਬਹੁਤ ਉੱਚੀ ਹੈ । ਇਹ ਟੀਮਾਂ ਕੋਰੋਨਾ ਦੇ ਪਾਜਿ਼ਟਿਵ ਕੇਸਾਂ ਦੇ ਅਸਰਦਾਰ ਢੰਗ ਨਾਲ ਕਲੀਨਿਕਲ ਪ੍ਰਬੰਧਨ ਟੈਸਟਿੰਗ ਨਿਗਰਾਨੀ ਤੇ ਕੰਟੇਨਮੈਂਟ ਨੂੰ ਮਜ਼ਬੂਤ ਕਰਨ ਲਈ ਸੂਬਾ ਸਰਕਾਰਾਂ ਦੇ ਯਤਨਾਂ ਵਿੱਚ ਸਹਿਯੋਗ ਦੇਣਗੀਆਂ । ਇਹ ਰਾਜਾਂ ਨੂੰ ਸਮੇਂ ਸਿਰ ਮਰੀਜ਼ਾਂ ਦੀ ਬਿਮਾਰੀ ਦਾ ਪਤਾ ਲਾਉਣ ਲਈ ਅਸਰਦਾਰ ਪ੍ਰਬੰਧ ਕਰਨ ਤੇ ਉਹਨਾਂ ਦਾ ਲਗਾਤਾਰ ਖਿਆਲ ਰੱਖਣ ਲਈ ਦਿਸ਼ਾ ਦੇਣਗੀਆਂ ।
ਇਹਨਾਂ ਬਹੁ ਖੇਤਰੀ ਟੀਮਾਂ ਵਿੱਚ ਇੱਕ ਮਹਾਮਾਰੀ ਵਿਗਿਆਨੀ ਤੇ ਇੱਕ ਜਨਤਕ ਸਿਹਤ ਮਾਹਰ ਹੋਵੇਗਾ ।
ਇਹਨਾਂ ਚਾਰਾਂ ਸੂਬਿਆਂ ਵਿੱਚੋਂ ਉੱਤਰ ਪ੍ਰਦੇਸ਼ ਵਿੱਚ ਸੱਭ ਤੋਂ ਵੱਧ 54,666 ਐਕਟਿਵ ਮਰੀਜ਼ ਨੇ ਜਦਕਿ ਉਡੀਸ਼ਾ ਵਿੱਚ 27,219 , ਛੱਤੀਸਗੜ੍ਹ ਵਿੱਚ 13,520 ਅਤੇ ਝਾਰਖੰਡ ਵਿੱਚ 11,577 ਐਕਟਿਵ ਕੇਸ ਹਨ । ਅੱਜ ਤੱਕ ਉੱਤਰ ਪ੍ਰਦੇਸ਼ ਵਿੱਚ ਕੁੱਲ ਕੇਸ 2,25,632 , ਉਡੀਸ਼ਾ 1,00,934 , ਝਾਰਖੰਡ 38,435 ਅਤੇ ਛੱਤੀਸਗੜ੍ਹ ਵਿੱਚ 30,092 ਕੇਸ ਦਰਜ ਕੀਤੇ ਗਏ ਹਨ । ਸੱਭ ਤੋਂ ਜਿ਼ਆਦਾ ਮੌਤਾਂ 3,423 ਉੱਤਰ ਪ੍ਰਦੇਸ਼ ਵਿੱਚ ਦਰਜ ਕੀਤੀਆਂ ਗਈਆਂ ਨੇ ਜਦਕਿ ਉਡੀਸ਼ਾ , ਝਾਰਖੰਡ ਅਤੇ ਛੱਤੀਸਗੜ੍ਹ ਵਿੱਚ ਕ੍ਰਮਵਾਰ ਕੁੱਲ ਮੌਤਾਂ 482 , 410 ਅਤੇ 269 ਦਰਜ ਕੀਤੀਆਂ ਗਈਆਂ ਹਨ ।
ਯਤਨ ਜਾਰੀ ਰੱਖਦਿਆਂ , ਕੇਂਦਰ ਸਰਕਾਰ ਸਮੇਂ ਸਮੇਂ ਤੇ ਵੱਖ ਵੱਖ ਰਾਜਾਂ ਵਿੱਚ ਅਧਿਕਾਰੀਆਂ ਨਾਲ ਸਲਾਹ ਮਸ਼ਵਰਾ ਕਰਨ ਲਈ ਕੇਂਦਰ ਦੀਆਂ ਟੀਮਾਂ ਨੂੰ ਭੇਜਦਾ ਰਿਹਾ ਹੈ ਤਾਂ ਜੋ ਉਹਨਾਂ ਨੂੰ ਪੇਸ਼ ਆ ਰਹੀਆਂ ਚੁਣੌਤੀਆਂ ਨੂੰ ਸਮਝ ਕੇ ਸਾਹਮਣੇ ਆ ਰਹੇ ਮੁੱਦਿਆਂ ਨੂੰ ਜਾਰੀ ਕਾਰਵਾਈਆਂ ਰਾਹੀਂ ਮਜ਼ਬੂਤੀ ਨਾਲ ਹੱਲ ਕਰਕੇ ਅਤੇ ਜੇ ਕੋਈ ਰੁਕਾਵਟ ਹੈ ਤਾਂ ਉਸ ਨੂੰ ਹੱਲ ਕੀਤਾ ਜਾ ਸਕੇ ।
 

ਐੱਮਵੀ/