খাদি এন্দ ভিলেজ ইন্দস্ত্রীস কম্মিসন (কে.ভি.আই.সি.)না ইন্দিয়ন রেদ ক্রোস সোসাইতী (আই.আর.সি.এস)তা সপ্লাই তৌনবা অফবা ক্বালিতীগী ফেস মাস্ক লাখ ১০.৫গী হৌজিক ফাওবদা খ্বাইদগী চাউবা ওদর অমা অমুক হন্না ফংখ্রে। অনৌবা পর্চেস ওদর অসি মমাংগী ফেস মাস্ক লাখ ১.৮০গী ওদর লাকখিবা অদুগী থা অমগী মতুংদা লাকপনি মসিগী মনুংদা কে.ভি.আই.আই.না সোসাইতী অসিদা ফেস মাস্ক লাখ ১.৬০ হন্না সপ্লাই তৌখ্রে।

লুপা কোতি ৩.৩০গী অনৌবা পর্চেস ওর্দর অসি হন্দক্তা ফংখিবনি অমসুং সপ্লাই অসি চয়োল অসিদা খক্তা হৌগনি। কে.ভি.আই.সি.না অহানবা ওর্দরগী সপ্লাই অসি নুমিৎ খরানি অসিদা মপুং ফানা পীবা ঙমগনি। ফেস মাস্কশিং অসি অহানবা ওর্দরদা সপ্লাই তৌখিবা অদুগা মান্নগনি। আই.আর.সি.এস.তগী লাকপা অনৌবা ওর্দর অসি কে.ভি.আই.সি.না অফবা ক্বালিতী ওইবা মাস্কশিং মতম চানা সপ্লাই তৌখিবননি।

এম.এস.এম.ই.গী কেন্দ্রগী মন্ত্রী, শ্রী নিতিন গদকরীনা কে.ভি.আই.সি.না মাস্ক শাবগী থবক থৌরমশিংগী খুত্থাংদা লৈবাক অসিদা সস্তেনেনল ইমপ্লোইমেন্ত ফংহন্ননবা হোৎনরিবশিংবু থাগৎখি। মহাক্না হায়খি অমরোমদা ফেস মাস্কশিংনা কোরোনা লায়না অসিগী মায়োক্তা খ্বাইদগী কান্নবা ঙাকথোক্নবা খুৎলায় অমা ওইরি; আর্তিসেনশিংদা মসি পুথোকপনা থবক চাউনা ফংহল্লগনি।

ওইরক্লিবা অসিনা লোকেল প্রদক্সনদা চাউনা কান্নবা অমা ওইহল্লি মরমদি মসিনা খাদি আর্তিসেনশিংদা অহেনবা ৫০,০০০রোমগী মীওই অমগী নোংমগী থবক পীরগনি। ওর্দর অসি পীনবা খুৎনা শাবা লংজমগী খাদি ফী মিতর লাখ ১গী মথক্তা মথৌ তাগনি মসি তোঙান তোঙানবা রাজ্যশিংদগী খাদি ইন্সতিত্যুসন কয়ানা সপ্লাই তৌগনি। মসিনা ফীশা-লোনশা তৌবগী থবকশিংদা ইনোৎ হাপ্লগনি অমসুং আর্তসেনশিংদা থবক পীরগনি।

কে.ভি.আই.সি.গী চ্যেরমেন শ্রী বিনাই কুমার সক্সেনানা আই.আর.সি.এস.তগী লাকপা অনৌবা পর্চেস ওর্দর অদু তরাম্না ওক্লদুনা মহাক্না হায়. “তরেং অসি শেন্মীৎলোনগী ওইনা নিংখা তম্নবগী খুৎলায়নি। অৱাবা মতম অসিগী মনুংদা অসিগুম্বা আচৌনা ওর্দরশিং লাকপনা ফীশা-লোনশাগী থবক থৌরমশিং লেপহন্দে অমসুং ঐখোয়গী খাদি আর্তিসেনশিংদা শেন-থুমগী সস্তেনেবিলিতী পুরক্লি।

অঙাকপা ওইনা, হৌজিক ফাওবদা কে.ভি.আই.সি.না খাদি ফেস মাস্কশিং সপ্লাই তৌনবগী খ্বাইদগী চাউবা ওর্দর মসিনা ওইরি। মমাংদা, জম্মু অমসুং কাশমির সরকার লোকদাউন মনুংদা মাস্ক লাখ ৭ লৈখি। কে.ভি.আই.সি.না রাস্ত্রপতি ভৱন, প্রধান মন্ত্রীগী লোয়শঙ, কেন্দ্র সরকারগী মন্ত্রালয়শিংদগী অমুক হন্না ওর্দরশিং ফংখি অমসুং কে.ভি.আই.সি.গী ই-পোর্তেলগী খুত্থাংদা প্রজা মীয়ামদগীসু ওর্দরশিং লাকখি।

কে.ভি.আই.সি.কী মাস্কশিং অসি অঙাংবনা পাইপিং চৎপগা লোয়ননা ব্রাউন মচুগী  ১০০% খুৎনা শাবা লংজমগী অনি ফাইবা ফীনা শাবনি। কে.ভি.আই.সি.না মরোলঅনি ওইবা লংজমগী মাস্কশিং অসি ইন্দিয়ন রেদ ক্রোস সোসাইতীনা পীবা মখোয়গী সেম্পলশিংগী মতুং ইন্না অখন্ননা শাবনি। মাস্কশিং অসিগী ওই থংবা নাকলদা আই.আর.সি.এস.কী লোগো নম্মী অমসুং খাদি ইন্দিয়াগী তেগনা য়েৎ থংবা নাকলদা নপ্পি।অতোপ্পা খাদিগী ফেস মাস্কগুম্না, আই.আর.সি.এস.কীদমক শাবা মাস্কশিং অসি শু-চম্বা য়াবা, অমুক হন্না শীজিন্নবা য়াবা, ঊনশাদা শোক্তবা অমসুং বাইওদেগ্রেদেবল ওই।

*****