এম/ও লেবর অমসুং ইমপ্লোইমেন্ততা এতেচ তৌবা লোয়শঙ অমা ওইরিবা লেবর ব্যুরোনা লৈবাক অসিগী ইন্দস্ত্রী ওইনা মরুওইবা সেন্তর ৭৮দা লৈরিবা কৈথেল ২৮৯দগী খনগৎলবা পোৎলমশিংগী রিতেল প্রাইসশিংদা য়ুম্ফম ওইরগা ইন্দস্ত্রীগী শিন্মীশিংগী থা খুদিংগী কঞ্জুমর প্রাইস ইন্দেক্স শেম্লি। ইন্দেক্স অসি সেন্তর ৭৮ অমসুং ভারত পুম্বগী শেমখি অমসুং লাক্কদবা থা অদুগী অরোইবা নুমিৎতা ফোঙগনি। ২০২০গী জুলাই থাগী ইন্দেক্স অসি প্রেস রিলিস অসিদা ফোঙলি।

জুলাই, ২০২০গী ভারত পুম্বগী সি.পি.আই.-আই.দবল্যু. অসি পোইন্ত ৪ হেনগৎখ্রে অমসুং ৩৩৬তা লৈখ্রে (চহুম কুন থ্রা তরুক)। থা-১গী চাদা হোংলিবা অসি মমাং চহিগী চপ মান্নবা থা অসিগী মরক্তা চাদা (+) ০.৯৫  হেনগৎখিবা অদুগা চাংদম্নবদা ২০২০গী জুন অমসুং জুলাইগী মরক্তা চাদা (+) ১.২০ হেনগৎখ্রে।

হৌজিক লৈরিবা ইন্দেক্স অসিদা মথক্তা কাখৎহল্লিবা অসি হাউসিং গ্রুপনা অপুনবগী অহোংবদা চাদা (+) ২.২৮ পোইন্ত হাপকৎলি। ফুদ ইন্দেক্সনা অপুনবা ইন্দেক্সকী চাদা (+) ১.৭৭ পোইন্ত হেনগৎহল্লি। পোৎলমশিংগী লেবেলদা গেহুগী অত্তা, হঙ্গাম থাও, শঙ্গোম (ইরোই), মরোক অতেকপা, খামেন, খোঙদ্রুম, পালক, পারভাল, অলু, খামেন অচিনবা, থুম য়াওবা অচাপোৎশিং, চাকথোং গ্যাস, মৈ থানবা শীং, বস ভরা, পেত্রোল, ফী তুবগী মমলশিং অসিনচিংবনা ইন্দেক্স হেনগৎহল্লি। অদুম ওইনমক, হেনগৎলিবা অসি চেং, ঙা অতেকপা, হামেংগী শা, পোলত্রী (য়েন), চম্প্রা, অসিনচিংবদা ইন্দেক্স  হন্থরকপনা লেংদনা লৈহনখি।

সেন্তরগী লেবেলদা জমশেদপুরনা পোইন্ত ৩৬ হেনগৎতুনা খ্বাইদগী য়াম্বা ওইখি মতুংদা হালদিয়া (পোইন্ত ২৩), তিরুচিরাপল্লী (পোইন্ত ১৩), কোদর্মা অমসুং ফরিদবাদ (পোইন্ত ১২ অমমমদা), শ্রীনগর (পোইন্ত ১১), লখনৌ অমসুং দুম-দুম তিন্সুকিয়া (পোইন্ত ১০ অমমমদা)। অতোপ্পশিংগী মরক্তা সেন্তর ২দা পোইন্ত ৮ হেনগৎপা উবা ফংখি, সেন্তর ৫দা পোইন্ত ৭, সেন্তর ৮দা পোইন্ত ৬, সেন্তর ৭দা পোইন্ত ৫, সেন্তর ১০দা পোইন্ত ৪, সেন্তর ৯দা পোইন্ত ৩, অতোপ্পা সেন্তর ৯দা পোইন্ত ২, অমসুং অতোপ্পা সেন্তর ৯দা পোইন্ত ১ হেনগৎখি। অতোপ্পশিংগী মরক্তা, সেন্তর ১দা পোইন্ত ৩ হন্থখি, অতোপ্পা সেন্তর ১দা পোইন্ত ২ অমসুং সেন্তর ২দা পোইন্ত অমা হন্থবা উখি। লেমহৌরিবা সেন্তর ৬গী ইন্দেক্সশিং লেংদনা লৈখি। 

সেন্তর ৩১গী ইন্দেক্সেশিং অসি ভারত পুম্বগী ইন্দেক্সকী মথক্তা লৈখি অমসুং সেন্তর ৪৫গী ইন্দেক্সশিং অসিনা লৈবাক্কী চাংচৎকী মখাদা লৈ। চিন্দৱারা অমসুং জলনধরগী সেন্তরশিংগী ইন্দেক্সশিং অসি ভারত পুম্বগী ইন্দেক্সকা মান্ননা অদুমক লৈখি।

পোৎলম পুম্নমক্তা য়ুম্ফম ওইবা ইয়র-ওন-ইয়রগী ইনফ্লেসন অসি মমাং থাগী চাদা ৫.০৬ ওইখিবা অমসুং মমাং চহিগী থা অসিমক্তদা ওইখিবা চাদা ৫.৯৮অদুগা চাংদম্নবদা ২০২০গী জুলাই থাদা চাদা ৫.৩৩ ওইখি। মসিগা মান্ননা চান্নবা চিঞ্জাক্কী ইনফ্লেসন অসি মমাং ধাগী চাদা ৫.৪৯ অমসুং মমাং চহিগী থা অসিমক্তদা চাদা ৪.৭৮ ওইখিবা অদুগা চাংদম্নবদা চাদা ৬.৩৮তা লৈখি।

সি.পি.আই.-আই.দবল্যু. (চান্নবা চিঞ্জাক অমসুং জেনরেল ইন্দেক্সশিং)দা য়ুম্ফম ওইবা ৱাই-ও-ৱাই ইনক্লেসন

ভারত পুম্বগী কাংলুপকী মতুং ইন্না জুন অমসুং জুলাই, ২০২০গী সি.পি.আই.-আই.দবল্যু.

সি.পি.আই.-আই.দবল্যু.: চান্নবা চিঞ্জাক অমসুং জেনরেল ইন্দেক্সশিং

জুলাই, ২০২০গী সি.পি.আই.-আই.দবল্যু.গী মতাংদা ৱা ঙাংলদুনা লেবর অমসুং ইমপ্লোইমেন্তগী মিনিস্তর ওফ স্তেৎ (আই/সি) শ্রী সন্তোশ গঙ্গৱর হায়খি সি.পি.আই.-আই.দবল্যু.দা হেনগৎলকপা অসিনা সরকারগী ইমপ্লোইয়ীশিং অমসুং পেন্সনরশিংগী মথক্তা ওর্গনাইজ সেক্তরদা থবক তৌরিবা ইন্দস্ত্রীএল শিন্মীশিংগী খুৎশুমল/তোলোপশিংদা কান্নবা অমা ওইরগনি। মহাক্না হায়খি চহিগী ইনফ্লেসন ৱাংখৎলক্লিবা অসিগী মরু ওইবা মরমদি য়ুমগী ভরা অমসুং অলু, খামেন অশিনবা, হীদাক-লাংথক, বস ভরা, পেত্রোল অসিনচিংবা পোৎলমশিংদা মমল ৱাংখৎলকপনা ওইহল্লি।

লেবর ব্যুরোগী দিরেক্তর জেনেরেল শ্রী দি.পি.এস. নেগীনা ইন্দেক্স অসি রিজিজ তৌরদুনা হায় “সি.পি.আই.-আই.দবল্যু সরকারগী এমপ্লোয়ীশিং অমসুং পেন্সনরশিং নত্তনা ওর্গনাইজ সেক্তরদা মথৌ তৌরিবা ইন্দস্ত্রীগী শিন্মীশিংগী খুৎশুমলশিং/তোলোপশিংদা পোজিতিব ইফেক্ত অমা লৈগনি। কোবিদ-১৯না মরম ওইরগা প্রাইস দেতা খোম্বদা ফিল্দ স্তাফনা খুদোংচাদবা কয়া থেংনরবসু লেবর ব্যুরোনা অপনবা য়াওদনা সেদ্যুল তৌখিবা মতমগী মনুংদা থাগী ইন্দেক্সশিং পুথোকখি। ইন্দেক্সতা হেনগৎলকপা অসি মরুওইনা হাউজিং অমসুং চানবা চীঞ্জাক্কী কাংলুপননি। হাউজিং ইন্দেক্স অসি চহি খুদিংগী জনুৱারী অমসুং জুলাই থাদা থা তরুক্কী রিভাইস তৌই। চীঞ্জাকশিংগী মনুংদা আলু অমসুং খামেন অশিনবনা হেনগৎপগী মশক তাক্লি। মসিগী মথক্তা ফ্যুল আইতেমশিং হায়বদি চাকথোং গ্যাস অমসুং পেত্রোলসু মমল হেনগৎখি।

******