বাইওমেদিকেল অমসুং অতৈ এপ্লিকেসনশিং কোল্হিং কাবদগী অমদি বেক্তরিয়াশিং শৌরকপদগী ঙাকথোকপা ঙমবা মহৌশাগী ফীভমদা কায়হন্দবা মশা মথন্তা শেংদোকচবা সর্ফেস কোতিং অমসুং অহেনবা সর্ফেস ত্রীতমেন্ত য়াওদনা পুথোক্কদবা কা হেন্না য়াঙবা লেজরদবা য়ুম্ফম ওইবা থৌওং অমা সাইন্তিস্তশিংনা পুথোরকপগা লোয়ননা তশেং তশেংবা ৱাফম অমা ওইরক্লগনি‍।

ভারত লৈঙাক্কী দিপার্তমেন্ত ওফ সাইন্স এন্দ তেক্নোলোজী (দি.এস.তি.)গী মখাদা লৈবা মনীং তম্বা ইনস্তিত্যুৎ অমা ওইরিবা ইন্তরনেসনেল এদভান্স রীছর্চ সেন্তর ফোর পাউদর মেতল্লরজী এন্দ ন্যু মেতরিএল্সকী (এ.আর.সি.আই.) সাইন্তিস্তশিংনা মখোয়গী সেন্তর ফোর লেজর প্রোসেসিং ওফ মেতরিএল্সদা ঈশিং চঙহন্দবা ঙমবা শীজিন্নবা য়ারবা সুপর-হাইদ্রোফোবিক সর্ফেস শেম্নবা স্তেপ অমখক্কী ওইবা থৌওং অমা পুথোক্লে‍। অসিগুম্বা সর্ফেসশিং অসিনা ঈশিং মনীল ওন্দুনা মচুম লৈহৌহনবা য়ানবা মতম য়ৌনা কুইনা পকশিন্দুনা লৈহন্দে‍।

ইরমদমসিদা পোথোকচবা ‘মেতরিএল্স পর্ফোর্মেন্স এন্দ করেক্তরাইজেসন’ চেফোঙদা ফোঙখ্রবা লেজরগী থৌওং অসিনা পোৎচাক মখল কয়াদা অথুবা অমদি থেক্তোক থেকচিন য়াবা সুপর-হাইদ্রোফোবিক সর্ফেস শেমবা য়াহল্লি‍। থৌওং অসিদা লেজরগী থৌওংগী পেরামিতরশিং শেমদোক শেমজিন তৌদুনা পোৎচাক মখল কয়াগী মশক মওং মওং চুম্না কন্ত্রোল তৌবা অমদি কন্তেক্ত এঙ্গল কুপ্না শেমবা অমসুং ঈশিং চোৎপগী মতিক ময়াশিং শেমবা য়াহল্লি‍। মসি য়াম্না পাক চাউবা, অরায়বা, অথুবা, য়াম্না কুপ্পা অমদি মহৌশাগী ফীভমদা অকায়বা পীদবা থৌওংনি অমসুং অচৌবা সুপর-হাইদ্রোফোবিক সর্ফেস শেমবদা নীংথিনা শীজিন্নবা য়াই অমদি পাক চাউনা শীজিন্নবা য়াবগী মতিক লৈ‍।

হৌজিক্কী ওইনা সুপর-হায়দ্রোফোবিক মতিক অসি স্তেপ অনিগী থৌওং ওইবা চবৌ চবৌ লাউবা সর্ফেস অমদি হন্থবা থাক্কী সর্ফেস লৈতবা ইনর্জী কেমিকেল কোতিং তৌদুনা শেমবনি‍। অহানবা খোঙথাঙদা ফীজিকেল নৎত্রগা কেমিকেল থৌওংনা চবৌ চবৌ লাউবা সর্ফেস অমা শেমবনি, অদুগা অনিসুবা খোঙথাঙদা সর্ফেস লৈতবা হন্থবা থাক্কী ইনর্জী কেমিকেল কোতিং তৌবনি‍। অদুম ওইনমক হায়রিবা সুপর-হায়দ্রোফোবিক কোতিং সর্ফেসশিং অসিগী চন্নদবা হীরম কয়া লৈ, খুদম ওইনা হু চেনবা ফ্লুওরিনেতেদ রিএজেন্ত শীজিন্নবা অমদি হন্থবা থাক্কী মেকানিকেল স্তেবিলিতী লৈবা অসিনি‍।

মসিগী ওন্ন-তৈনবদা এ.আর.সি.আই.গী সাইন্তিস্তশিংনা পুথোরক্লিবা স্তেপ অমখক্কী ওইবা থৌওং অসিদা ফেমতোসেকেন্দ লেজর (ফেমতোসেকেন্ত খরা অমসুং ফেমতোসেকেন্দ  ১০০গী হায়বদি সেকেন্দ অমগী ১০^-১৫ মরক্কী মতমগী মনুংদা মঙাল পল্স থাদোকপা লেজর), শীজিন্নদুনা, মৈশা থাদোক্তবা অমদি মহৌশাগী ফীভমদা কায়হন্দবা থৌওংনা সর্ফেস শেমদোক শেমজিন তৌবগী থৌওং য়াওরি‍। নীংথিনা শীজিন্নবা য়ারবা অমদি ইচম চমবা থৌওং অসিনা মতম হন্থহনবা অমদি পুথোক্লিবা হৈরার্কিকেল মাইক্রো-স্কেল অমদি নেনো স্কেল স্ত্রকচরশিং অসি কোল্হিং কাহন্দনবা, বেক্তরিয়া শৌগৎলক্তনবা অমদি হঞ্জিন হঞ্জিন শেংদোক্নদনবা পাক চাউরবা হীরমশিং নীংথিনা শীজিন্নবা য়ানবগী পুক্নীং থৌগৎলগনি‍।

(পেতেন্ত:

রবি বথে, কে.এস. স্রিন অমসুং জি. পদ্মনভম, “মেথদ ফোর প্রিপ্যারিং মল্তিফংসনেল এন্দ আইসোত্রোপিক, য়ুনি-দাইরেক্সনেল সুপরহায়দ্রোফোবিক সর্ফেস য়ুজিং অল্ত্রাফাস্ত লেজর” ইন্দিয়ন পেতেন্ত ফাইল তৌখ্রবা (২৪৫১২/২০২০-দি.ই.এল.; তাং ২৭/০৫/২০২০)

চেফোঙগী লিঙ্ক:

https://doi.org/10.1520/MPC20180090

অহেনবা অকুপ্পা ৱারোলগীদমক দা: রবি এনো বথে (ravi@arci.res.in)]

ফিগর ১: মাইক্রোগ্রুবশিং অমসুং মাইক্রোস্পাইকশিংগা লোয়ননা পেরিওদিক নেনোস্ত্রকচর কুপশিন্দুনা লৈবা লেজর সর্ফেস মোদিফাইদ তৌরবা স্তেনলেস স্তীল সর্ফেসকী ৩দি ওপ্তিকেল অমসুং এস.ই.এম. মমি‍।

ফিগর ২: স্কিমেতিক দাইগ্রাম অসিনা তোঙান তোঙানবা সর্ফেসকী মওং মতৌশিংদা মায়কৈ নাইবা সুপরহায়দওফোবিক ওইবগী মওং উৎলি‍। লেজরনা শেমপোক্লবা শেমদোক্লবা স্তেনলেস স্তীল সর্ফেসতা ঈশিং মরীক্কী প্রোফাইল (কন্তেক্ত এঙ্গল – দিগ্রী ১৭০)

*****