ভারতকী উপ-রাস্ত্রপতিনা শ্রী এম. ভেঙ্কায়া নাইদুনা ঙসি হায়খ্রে মদুদি কোভিদ-১৯গী লায়চৎ মনুং অসিদা অহল ওইরবশিংবু অহেনবা চেকশিন থৌরাং লৌবিয়ু । অহল ওইরবশিংনা হেন্না খুদোংথিবা নংলিবা অসি উৎলদুনা মহাক্না পাউতাক পীখি মদুদি অহল ওইরবশিং অসিদা অহেনবা থৌরাং লৌখৎতুনা মখোয়দা হকশেলগী ওইবা অথুবা পীগদবনি অমসুং ইমুংগী মীওইশিং অমসুং নহাশিংগা কোভিদ-১৯গা মরী লৈবশিং চেকশিন্না তৌগদবনি করিগুম্বা ইমুং অদুদা অহল ওইরব মীওইশিং লৈরবদি হায়না হায়খি।

ফেসবুক অমগী পোস্ত  অমদা ‘ইন্দিয়াগী অহল ওইরবশিংগী অৱাশিং’, উপ-রাস্ত্রপতিনা হায় মদুদি দিস্ত্রীক্ত হোস্পিতালশিংদা অহল ওইরবশিংগী অৱাবশিং য়েংশিন্নবা তোঙানবা দিপার্তমেন্ত অমা লৈবা হায়ব অসি অতাংবনি।

অহল ওইরবশিংনা তোইনা থেংনরিবা অসিগা মরী লৈননা য়েংলগা, মহাক্না মরুওইনা হায়খি মদুদি মশাগী অনাবা লৈরবা মীশিং অসিদা হকশেলগী থৌওং অসি ওন্থোক্তুনা তোঙানবা তঙাইফদবা পীবা অদু ওইরে, লোয়ননা ইন্সুরেন্সশু পীগদবনি।

উপ-রাস্ত্রপতিনা হায় মদুদি অহল ওইরবশিংগীদমক অরাইবা অমসুং খোংয়েৎ লৈতবা মফম অমা থম্বা পাম্মী। ঐখোয়গী সহরশিং অমসুং মখোয়দা ফংফম থোকপা অদু ফংহনগদবনি, হায়না মহাক্না হায়খি।

অহল ওইরবশিংগী য়াইফনবগীদমক পীরিবা মখল কয়াগী স্কীম অসি পল্লদুনা, শ্রী নাইদুনা হায় মদুদি সরকার অসিনা থৌরাং কয়া পীরবসু , ঐখোয়না হৌজিকসু অহল ওইরবশিংনা খুদোংচাদবা থেংনবা উরি।

কয়ারক হন্না অহল ওইরবশিংনা বেঙ্ক, মীয়ামগী ওফিসশিং অমসুং চৎথোক-চৎশিনগী মফমশিংদা কুইনা লেপহনবা থেংনরি, মহাক্না নুঙাইতবা ফোংদোক্তুনা হায় মদুদি “মসিগী ৱাখল্লোন অসিনা চহি ৫০০০ লৈরক্লবা খুনাই অসিগী মায়োক্তনি হায়বদি মপু রাম অমসুং শ্রাভন কুমার”

মসিগী মতুং ইন্না, মহাক্না ফোংদোকখি মদুদি সরকারগী ওফিসিএলশিং অমসু প্রজা মীয়াম্দা মিৎয়েং চংদুনা অহল ওইরবশিংগী মরী লৈনবা থৌদোকশিংদা এৱায়র অমসুং সেনিতাইজিং তৌবা মথৌ তাই। অহল ওইরবশিংনা মাইয়োক্নরিবা অৱাশিং অসি কোক্ননবা অকনবা হক অমগী থৌওংগীদমক ৱারেপ লৌবা মথৌ তাই।
 

অহল ওইরবশিংগী লৌশিং অমসুং মখোয়গী হৈ-শিংবা পল্লদুনা, উপ-রাস্ত্রপতিনা হায় মদুদি মখোয়দা ইকাই খুম্নবা, নুংশিনা লোয়নবা, মখোয়বু য়েংশিনবা অসি মতিক চায়।

“অহল ওইরবশিংবু চেকশিনবা য়েংশিনবিবা অসি নহাশিংসু য়াওনা তৌফম থোকপা ইথৌনি” হায়না মহাকনা হায়খি।

ইন্দিয়ন এসোসেএসন ওফ পার্লিয়ামেন্ত ওন পোপুলেসন এন্দ দিবলবমেন্তনা পুথোকপা ‘ইলদর্লি পোপুলেসন ইন ইন্দিয়া’ অসিদা পীরিবা রিপোর্ত অসিদা, শ্রী নাইদুনা অশেংবা অদু উৎখি মদুদি মীওই করোর ১০ চহি ৬০গী মথক্তা লৈরি অমসুং মখোয়গী মশিং অসি য়াম্না থুনা হেনগৎলক্লি।

২০৫০দা ওইবা য়াবা রিপোর্ত অমদা, ইন্দিয়াগী মীশিংদা ২০%দি অহল ওইরবা মীওইনা ওইরগনি। অদুগা হায়রিবা অহলশিং অসি অয়াম্বনা মথন্তা লৈবা অমসুং মচাশিংদা তাংদুনা লৈবা ওইগনি অমসুং মখোয় অয়াম্বা অৱাবা হায়ব অদু ওইরগনি।

রিপোর্ত অসিনা মসিশু হায়রি মদুদি অহল ওইরবসিং অসিগী থৱা কয়া শানদে লোয়ননা মখোয়গী মতাংদা পার্লিয়ামেন্ত ৱাহং তৌনরক্তে।

শ্রী নাইদুনা অপেনবা ফোংদোক্লি মদুদি পুন্সি মহিং অসি মেদিকেল সাইন্সনা শাংদোকহল্লে অদুবু মরক অসিদা অহলশিংনা অৱাবা কয়া অমা থেংনরি হায়বদি শেন-থুমগী অমসুং কোন্সিনবিনবা লৈতবা।

অহল ওইরশিংবু তাথি তাওই তৌবা, থওইবিদবা উবদা থম্মোয় শোকপা উৎলদুনা মহাক্না হায়খি মদুদি মসি চৎনবি অমদি মখোয়গী ধর্ম্মাগী ফলনি।

লোর্দ গানেশকী ৱারিগী মতুং ইন্না মহাক্কী মমা-মপাবু মালেম পুম্বগা মান্নৈ হায়দুনা কোইখিবা অসিদা উপ-রাস্ত্রপতিনা হায় মদুদি ইমা-ইপা অমসুং মথক-থোংবশিংবু ইকাই খুম্নবা হায়বা অসি ঙসিগী মীরোল অসিনা লোর্দ গানেশতগী তমজবা য়াই।

ইন্দিয়াগী চৎনবি অমসুং সমাজদা মমা-মপা পীরিবা থকশি-খাশি অসি উৎলদুনা মহাক্না হায় মদুদি ঐখোয়না চরন স্পার্স নত্ত্রগা মথক থোংবগী মখোং শোকপদা, ঐখোয়না মখোয়গী নুংশিবিবা, লৌশিং অমসুং মখোয়না থেংনরকপাশিং অদুবু ইকাই খুম্নবনি।

মহাক্না থায়নগী ক্বোত অমা হায়খি –‘অহলশিংবু থৱায় য়াওনা সেবা তৌবনা, পুন্সি শাংবা, মিংচৎ পুরকপা অমসুং মশা ফনা লৈগনি’ অমসুং নহাশিংদা পুক্নিং থৌগৎতুনা অসিগুম্বা ৱাখল অসি পুরক্নবা হায়রি।

অহলগী ওইবা য়ুম অমা থম্নবগী মতাংদা পুক্নিং চিংশিন্দুনা শ্রী নাইদুনা হায়খি মদুদি উৎপা অসি খক্তনা সমাজদা অহোংবা পুরক্কদবা নত্তে অদুবু ইমুংগী চাইথরকপসু উরি।

ঐখোয়না ঐখোয়গী হৌন-লোনচৎ মাংখ্রবরা, হায়না মহাক্না হংখি অমসুং মতম অমগী অপুন্বা ইমুংগী চৎনবি অমুক চৎন্নবগী মরুওইবা ফোংদোকখি।

অপুন্বা ইমুংগী ঙাক শেন্বা অদু পুথোক্লদুনা শ্রী নাইদুনা হায়খি মদুদি  অঙাংশিংনা মখোগী মপু-মবোক্কা  য়াম্না লিংবা থম্মোয়গী ওইবা মরী অমা শেম্মী। 

 “ঐখোয়না সমাজদা শান্তীগী অমদি অপুন্বগী ৱারি শারকপদা, ঐখোয়না খংগদবা অসি ইমুং অসিনা অহান্বনি মীরোল কয়াগী হৌরকফম্নি,” হায়না মহাক্না হায়খি।

সমাজ অসিদা হায়রিবা লমচৎ অসি কায়হন্দনা থম্বনা অসিনা অপুম্বগী অফবনি, হায়না শ্রী নাইদুনা হায়খি অমসুং মথক থংবাশিংনা অঙাং অমসুং নহাশিংদা মখোয়না অঙম্বা পীদুনা নুঙাইবা, হরাওবা অমসুং মপুং ফাবা পুন্সি অমা ওই।

****