খ্বাইদগী নৌবা মন কী বাত্তা ৱা ঙাংখিবদা শ্রী নরেন্দ্র মোদীনা গান্ধীনগরগী চিলদ্রেন য়ুনিভর্সিতী, নুপী অমসুং অঙাংগী চাউখৎ থৌরাং মন্ত্রালয় অমসুং মাইক্রো-স্মোল অমসুং মিদিয়ম ইন্তর্প্রাইজেস মন্ত্রালয়গা লোয়ননা অঙাংশিংগী অনৌবা শান্নপোৎশিং করম্না শাগনি অমসুং ভারত অসি শান্নপোৎশিং পুথোকপগী অচৌবা হব অমা করম্না ওইহনগনি হায়বগী মতাংদা খন্নখিবগী মতাংদা ফোঙদোকখি। মহাক্না শান্নপোৎশিং অসি থবক হেনগৎহনবা খক নত্তনা মখোয়না ঐখোয়গী হৌগৎলক্লিশিংদা আশা পীরি। ঙসি, মসিনা নুংঙাইহনবা খক নত্তনা, ৱাখল লৌশিং হেনগৎহনবা অমসুং অপাম্বা য়োখৎলি, হায়না মহাক্না ফোঙদোকখি।

প্রধান মন্ত্রীনা গুরুদেব রবিনদ্রনাথ তেগোরনা শান্নপোৎশিংগী মতাংদা হায়রম্বা অদু নীংশিংখি। মহাক্না গুরুদেবনা শান্নপোৎশিংগী মরমদা হায়রম্বা অদু থমখি – মদুদি খ্বাইদগী ফবা শান্নপোৎ অসি অঙাংশিংনা শান্নবদা পুন্না শেমজিন্দুনা মপুং ফাহনবা অদুগুম্বা শান্নপোৎ অদুনি। শান্নপোৎনা অঙাংশিংদা নুংঙাইবা পোকহনবা অমসুং মখোয়গী হৈশিংবা হেনগৎহনগদবনি হায়না গুরুদেবনা হায়রম্মি হায়দুনা মহাক্না ফোঙদোকখি।

প্রধান মন্ত্রীনা হায় নেস্নেল এজুকেসন পোলিসী অসিদা অঙাংশিংগী পুন্সিগী তোঙান তোঙানবা হীরমশিংদা শান্নপোৎশিংগী কান্নবা অদুসু য়াওহনখি। মহাক্না হায় স্কিল লৈরবা খুৎশা হৈবা কয়া লৈ মখোয়দা অফবা শান্নপোৎশিং শান্নবগী লৌশিংবা অদু য়াওরি অমসুং লৈবাক অসিগী কর্নাতকাগী রামনগরমগী চন্নাপত্না, অন্ধ্র প্রদেশকী কৃষ্ণগী কোন্দপলি, তামিল নাদুগী থাঞ্জাবুর, অসামগী ধুলবরি, উত্তর প্রদেশগুম্বা শরুক খরদা তোই ক্লস্তরশিং শেমগৎলি। মহাক্না মখা তারদুনা হায় মালেমগী তোই ইন্দস্ত্রী অসি লুপা কোতি লাখ ৭ হেল্লি মসিদা ভারতকী শরুক্তি য়ামদে।

অফবা ক্বাইলিতীগী ইতি-কোপ্পকা শান্নপোৎশিং শাদুনা মফম অদুগী মাংলুরবা শান্নপোৎ অসি অমুক হন্না শারিবা বিশাখাপত্নমগী শ্রী সি ভি রাজুগী থবক অসি প্রধান মন্ত্রীনা থাগৎখি। লোকেল শান্নপোৎশিংগীদমক ভোকেল তৌবা মতম ওইরে হায়না মহাক্না ওন্তর্প্রিনোরশিং পুনশিন্দুনা শান্নাপোৎশিং শানবা খঙহনখি।

কম্প্যুতর গেমশিংগী ওইরক্লিবা মওং অসিগী মতাংদা প্রধান মন্ত্রীনা ঐখোয়গী ইরিহাসকী ৱাখল্লোনশিংদা য়ুম্ফম ওইবা গেমশিং শান্নবা অপাম্বা ফোঙদোকখি।

*****