কর্নাতকাগী শ্রী বি.এস. য়েদুরপ্পা অমসুং রাজ্যগী রেলৱেগী মন্ত্রী শ্রী সুরেশ সি. অঙ্গদনা নেলামঙ্গলাদগী (বেঙ্গালুরুগী মনাক্ত লৈবা) বালে (সোলাপুরগী মনাক্তা) ফাওবগী সাউথ ৱেস্তর্ন রেলৱেগী খ্বাইদগী ইহান হানবা আর.ও.আর.ও. সর্বিস লমথাখ্রে।

থৌরম অসিদা ৱা ঙাংবদা কর্নাতকাগী মুখ্য মন্ত্রী শ্রী বি.এস. য়েদুরপ্পানা হায়খি, “ঐখোয়গী নুংশিরবা প্রধান মন্ত্রী শ্রী নরেন্দ্র মোদীনা মলতিমোদেল কন্নেক্তিবিতীদা মিৎয়েং চংলি। মফম অসিদা লৈরিবা এ.পি.এস.সি. মার্কেৎনা  আর.ও.আর.ও.দা খুদোংচাবা কয়া পীগনি”। কর্নাতকাগী শ্রী বি.এস. য়েদুরপ্পানা শ্রী সুরেশ সি. অঙ্গদপু হীরম অসিগী মতাংদা লুচিংবগী থাগৎপা ফোঙদোকখ্রে অমসুং রাজ্য সরকারদগী তেংবাং খুদিংঙ্ক পীগনি হায়খ্রে।

রাজ্যগী রেলৱে মন্ত্রী শ্রী সুরেশ সি. অঙ্গদনা থৌরম অসিদা ৱা ঙাংবদা অসুম্না হায়খি, “মলতিমোদেল কন্নেক্তিবিতী অসি প্রধান মন্ত্রীগী মঙলান্নি। বেঙ্গালুরু অমসুং সোলাপুরগী মরক্তা ত্রক লিশিং লিশিং চৎলি। আর.ও.আর.ও.গী খুত্থাংদা চৎপা অসিনা শুপ্নগী পুং ১১খক চনহলগনি। মসিগী চাংয়েংগী চত্থোক চৎশিন তৌবা অসি কোবিদকী মরমদগী থেংথখ্রবনি। লৌউবশিং অমসুং মখোয়গী লৌউ-শিংউবগী পোত্থোকশিংদা তেংবাংনবা হৌদোকখিবা কিসান রেল অসিনা লৈবাক খুদিংগী মফম খুদিংদা য়ৌবা ঙমগনি”। আর.ও.আর.ও. সর্বিস অসিনা লমদম অসিদা য়াম্না থুনা চাউখৎহল্লগনি।

মহাক্না ঙসিগী আর.ও.আর.ও. সর্বিসকী কস্তমরশিংদা খোঙথাং অসি পায়খৎপগীদমক্তা থাগৎপা ফোঙদোকখি। মহাক্না রেল ৱেগী স্তাফ খুদিংবুসু অসিগুম্বা চাউরবা থবক অমা পাঙথোকপগী থাগৎপা ফোঙদোকখি।

রোল ওন রোল ওফ (আর.ও.আর.ও.) অসি তোঙান তোঙানবা পোত্থোকশিং য়াওরবা লম্বীগী ত্রান্সপোর্তপু রেল ৱেগী ৱেগোন্দা পুবগী থৌওং অমনি। প্রধান মন্ত্রীনা মহাক্কী নিংতম্বা নুমিৎকী ৱা ঙাংবদা মলতিমোদেল কন্নেক্তিবিতীনা ভারতপু চাউখৎপগী অনৌবা থাক অমদা পুরগনি হায়না হায়খ্রবনি।

আর.ও.আর.ও. সর্বিস অসি লম্বীগী ত্রান্সপোর্ত অমসুং রেলগী ত্রান্সপোর্তকী অফবা মওংশিংগী পুন্সিন্নবনি অমসুং মসিনা অফবা অমসুং হকথেংনবা রেল লিঙ্ককী খুত্থাংদা মিনিমেল হেন্দলিংগা লোয়ননা য়ুম য়ুমদা য়ৌহনবগী সেবা পীগনি। য়ুমথোং খুদিংদা পোত্থোকশিং য়ৌহনবদা লম্বীগী ত্রান্সপোর্তনা খুদোংচাবা হেল্লি। অদুবু লম্বীশিংদা ত্রাফিক হেনগৎলকপা অসিনা পেসেঞ্জরগী গারীশিংদা অয়েৎপা অমসুং থেংথহল্লে। মসিনা চত্থোক চৎশিন তৌবদা তেক্ত কায়দবা ওইহন্দ্রে। মসিগা লোয়ননা রাজ্যশিংগী চেক পোস্ততা চা-চাং য়েংশিনবগী থৌওংশিং অসিনা থেংথহনবতা নত্তনা চত্থোক চৎশিন তৌবগী মতমদসু শাংদোকহল্লে।

অতোপ্পা নাকল অমদনা রেলৱেনা ময়ায় ওইরপ্তগী য়াম্না চাউবা ফ্রাইৎ পুথোক পুশিন তৌবদা য়েত্তবা অমসুং অকোয়বদা নুংঙাইবা ওইবা ত্রান্সপোর্ত তৌবগী খুদোংচাবা পীরি। রেল ত্রান্সপোর্ত অসিনা ফুএল য়াম্না চংদবা ওইবতা নত্তনা লম্বীদগী হেন্না তেক্ত কায়দবা মওংসু ওই।

আর.ও.আর.ও.গী খুদোংচাবশিং:

রোল-ওন-রোল-ওফ অসি মখাদা পীরিবা কান্নবশিং পীবা মলতিমোদেল দেলিবরীগী মওং অমনিঃ

• তঙাই ফদবা পোত্থোকশিং থুনা পুথোক পুশিন তৌদুনা ত্রকশিংনা শহরগী মরক্তা ত্রাফিক চিনবা মরমদগী পন্থুংফম য়ৌবদা থেংবগী মতম অদু হন্থহল্লি
• লম্বী চিনবা হন্থহল্লি
• তাংলবা ফুএল কনবদা তেংবাংই
• কার্বোন থাদোকপা হন্থহল্লি
• লম্বী শাংনা চৎপগী মওং হন্থহন্দুনা ত্রক থৌবা মীওইশিংদা ৱাবা হন্থহল্লি
• চেক পোস্ত নত্ত্রগা তোল গেৎশিংদা থেংনবা খূদোংচাদবশিং লৈহন্দে
• হৌজিক লৈরিবা রোদৱেজ অমসুং রেলৱেজ-ইন্তর-মোদেল ত্রান্সপোর্তপু পরিং নাইহল্লি
• তঙাই ফদনা চংবা পোত্থোকশিংবু লেপ্তনা য়ৌহল্লি
• পোত্থোক হাপ্পা অমসুং লৌথবদা চংবা মতম অসি পুং ৩নি
• আর.ও.আর.ও. অসিনা “ভোকেল ফোর লোকেল”গী খোল্লাওবু নৌহৌননা হৌদোক্লগনি
• ত্রকশিংগী খুত্থাংদা পিসমিল/দিসেন্ত্রালিজদ লোদিং তৌবদা অউক্নিং থৌগত্তুনা এম.এস.এম.ই.শিংবু চাউখৎহনগনি
• আর.ও.আর.ও.না “ওপরেসন গ্রীন”গুম্বা সরকারগী খোঙথাংশিং অসিনা তি.ও.পি. (খামেন অশিনবা, অলু অমসুং তিলহৌ)গী মমল লেংদনা লৈহনগনি
• লৌউ-শিংউগী পোত্থোক পুথোকপা মফমশিংগা এগ্রোগী পোত্থোক শিজিন্নবা মফমশিংগী মরক্তা নকশিনহল্লগনি
• লৌউবশিংদা মখোয়গী পোত্থোকশিংগী অচুম্বা অমসুং চানবা মমল ফংহনগনি
• পোত্থোক ৱাৎপা অমসুং পোত্থোক হেনবা মফমশিং শম্নহন্দুনা খল মান্নবা ফিভম অমা পুরক্কনি

আর.ও.আর.ও. ত্রেন সর্বিস অসি ইং ১৯৯৯দা কোঙ্কান রেলৱেজতা অহানবা ওইনা ইন্দিয়ন রেলৱেজতা হৌদোকখিবনি অমসুং মতমদুদগী হৌজিকফাওবা মাই পাক্না চেল্লি।

লৈবাক অসিদা কোবিদ-১৯ শন্দোকপা থীংনবা লাউথোকখিবা অদুদগী আর.ও.আর.ও. মোদেলনা ত্রান্সপোরত তৌবা মীওই কয়াগী মতেং পাংদুনা লাক্লি।

সোলাপুরদা য়ুম্ফম ওইবা ফর্ম, এম./এস. জিতেন্দ্রা রীএলিতী অমসুং ইনফ্রাস্ত্রকচর প্রাইবেৎ লিমিতেদ কম্পেনী (জে.আর.আই.পি.এল.)না সোলাপুর অমসুং বেঙ্গালুরুগী মরক্তা আর.ও.-আর.ও.গী ত্রেন সর্বিসকী খুদোংচাবা কয়াগী মতাংদা য়েংশিনখি। সাউথ সেন্ত্রেল অমসুং সাউথ ৱেস্তর্ন রেলৱেনা অয়াবা পীবগী মতুং ইন্না সেন্ত্রেল রেলৱেনা পীখৎলকখিবা ফিসিবিলিতী রিপোর্তকী মতুং ইন্না রেলৱে বোর্দনা কম্মর্সিএল হব ওইরিবা নেলামঙ্গালা (বেঙ্গালুরুগী মনাক্তা) অমসুং বালে (সোলাপুরগী মনাক্তা)গী মরক্তা আর.ও.আর.ও. সর্বিস লৈহনবগী অয়াবা পীখ্রে।

বেঙ্গালুরু অমসুং সোলাপুর শরহশিং অসি এগ্রো-পোত্থোকশিং মরাং কায়না লৈবা হীরমসিগী ওইনা কার্বার য়াম্না নুংঙাইবা মফমশিংনি। শহরশিং অসিগী মরক্তা লম্বীদা পোত্থোক পুথোক পুশিন তৌবা পাক চাউবা ত্রাফিক লৈ।

য়াম্না কুপ্না নৈনরবা তুংদা শহর অনি অসিগী মরক্তা লৈগদবা আর.ও.আর.ও. ত্রেন সর্বিস অসিগী লম্বী অসিনা রাজ্য মরি, কর্নাতকা, আন্ধ্র প্রদেশ, তেলঙ্গানা অমসুং মহারাস্ত্রা, ফাওদুনা চৎকনি হায়না ৱারেপ লৌখ্রে।

তেক্নিকেলগী ওইবা ৱাফমঃ আর.ও. আর.ও. ত্রেন সর্বিসকী মরু ওইনা খন্নবা তেক্ত কায়দবগী হীরম অসি রেলৱে ৱেগোন্দা হাপ্লবা ত্রক অমগী খ্বাইদগী ৱাংবা লেংথোক লেংশিন তৌবগী চাং অসিনি। রেল ৱেগী লম্বীশিংগী ওইবা ৱেগোন অমদা ত্রক অমা হাপ্পবা তুংদা মসিগী অৱাংবা অমসুং অপাকপগী চৎনবা য়াবা অপীবা চাং অমা লৈ অমসুং মসিদা ত্রক হাপ্পা মতমদা অপীবা চাং অসিদগী হেল্লোইদবনি।

হীরম অসিগী মতাংদা মরী লৈনবা মীওইশিংনা চৎনবা য়াবা বর্তিকেল ক্লিয়ারেন্সতা য়ুম্ফম ওইদুনা খন্নখি অমসুং মসিগী মতুংদা লম্বী অসিদা আর.ও.আর.ও. ত্রেনশিংনা খ্বাইদগী ৱাংলবদা এম.এম. ৩৩০০গী মনুংদা লৈবা ত্রকশিংখক্তমক পুদুনা চৎপা হায়বগী ৱারেপ তাখি।

অসিগুম্বা ত্রকশিং অসি অপাকপা ৱেগোনশিংদা হাপ্নবা লোদিং অমসুং অনলোদিং রাম্প ইসি নাকল অনিমক্তা তঙাই ফদে। স্তেৎহাই ৱেশিং নকপা, ত্রেন মনিং হন্দোক হঞ্জিন তৌবগী খুদোংচাবা মফম লৈবা অমসুং তর্মিনেল অমগী লাইন কেপাসিতীগী হীরমশিংগী মতুংদা খন্নরবা মতুংদা তর্মিনেল অনিমক খনবগী থৌওং পাঙথোকই। এজেন্সী অসিনা মশাগী শেলদগী সোলাপুরগী মনাক্তা লৈবা বালে স্তেসন অমসুং বেঙ্গালুরুগী মনাক্তা লৈবা নেলামঙ্গালা স্তেসনগী রেম্প শাবগী থবকশিং পায়খৎখি। কন্সাইনমেন্ত হাপ্ত্রিঙৈদা মসিগী অৱাংবা ওন্নবা হাইৎ গেজ, ৱেৎব্রিজ, ত্রকশিং খামদোক খামজিন তৌবা য়ানবা মতিক চাবা অহাংবা, নুংথিল অমসুং নুমিদাংগী মতমদা থবক তৌবা য়ানবা মতিক চাবা মৈ লৈবনচিংবা লোজিস্তিক্কী ওইবা হীরমশিং অসিসু লোকেল এজেন্সীগা তান্দুনা তর্মিনেল অনিমক্তা পীখি।

বেঙ্গালুরু-সোলাপুরগী আর.ও.আর.ও. সর্বিস অসি ইন্দিয়ন রেলৱেগী অমখক্তা ঙাইবা লন্নাইগী মীওইশিংনা চলায়বা আর.ও.আর.ও. ত্রেন সর্বিসনি। মসিনা সোলাপুর অমসুং বেঙ্গালুরুগী মরু ওইবা মার্কেতৎশিংদা তেংবাংবতা নত্তনা হাইৱে অসিদা লম্বী চিলহনবা হন্থহন্দুনা লম্বী অসিদা চৎলিবা লন্নাইগী গারিশিংদসু নুংঙাইহল্লগনি।

বেঙ্গালুরুদগী থাজবা থম্লিবা মরু ওইবা পোত্থোকশিং অদুদি মরু-মরাং, উহৈ অকংবা, য়ুবী অহিংবা, কোফী মরুনচিংবনি অমসুং সোলাপুরদগী থাজবা থম্লিবা অসিনা তিলহৌ, হৱাই, উহৈনচিংবা লৌউশিংউগী পোত্থোকশিং হাপ্লকপা অসিনি। ফেব্রুৱারি ২০২০গী মতুংদগীদি লৌউশিংউগী পোত্থোকশিং পুথোক পুশিন তৌবা অসি য়াম্না মরু ওইবনি হায়না লৌনখ্রবনি।

কান্নবা পীরবা সেক্তরশিং-

• আর.ও.আর.ও.গী খুদোংচাবশিং অসি য়েংলুরবা মতুংদা রাজ্য সরকারনা আর.ও.আর.ও.দা মতিক চাবা তেংবাং পীগনি হায়বা থাজবা পীখ্রে। মসিগী অয়েৎপা লৈতবা আর.ও.আর.ও. সর্বিস অসিনা লৌউ-শিংউ অমসুং ইন্দস্ত্রী অনিমক্তা কান্নবা পীগনি অমসুং মসিনা স্তেকহোলদরশিংগী নাকল অনিমক্তা মাই পাকপা ওইহল্লগনি।

*****