পেত্রোলিয়ম অমসুং নেচরেল গ্যাস অমসুং স্তীলগী মন্ত্রী, শ্রী ধর্মেন্দ্র প্রধান্না ঙসি কেন্দ্রগী এজুকেশন মন্ত্রী, শ্রী রামেশ পোখ্রিয়াল নিশাঙ্ককা লোইননা কোরাপুত্তা লৈবা সেন্ত্রেল য়ুনিভর্সিতী ওফ ওরিশা (সি.য়ু.ও.)দা একাদেমিক ব্লোক, লাইব্ররী অমসুং স্তাফ ক্বার্তরশিংগীদমক্তা উরেপ উয়ুং তমখ্রে।

শ্রী প্রধান্না ফেকল্তী অমসুং মহৈরোইশিংবু থাগৎপা ফোংদোকখি অমসুং সি.ও.য়ু.না ওরিশাদা অৱাংবা থাক্কী মহৈ-মশিং তম্বগীদমক্তা প্রিমিয়র সেন্তর অমা ওইনা মপুংফানা লিংখৎপা ঙমখিবা অসিদা হরাওবা ফোংদোকখি। ওরিশাদা অৱাংবা থাক্কী মহৈ-মশিংদা  পুক্নীং-থৌনা হাপ্পগী মতাংদা ঙাংলদুনা, শ্রী প্রধান্না হায়খি, “পি.এম. মোদিনা ওরিশাদা অৱাংবা থাক্কী মহৈ-মশিংদা হান্নদগী অখন্নবা মীৎয়েং চংখি। মহাক্কী লুচিং মখাদা, মহৈ-মশিং তম্বগী প্রিমিয়র ইন্সতিত্যুতশিং খুদম ওইনা আই.আই.এম., আই.আই.তি., আই.আই.এস.ই.আর., সিপেত, এন.আই.এস.ই.আর., আই.সি.তি.-আই.ও.সি.এল. কয়া অমা লিংখৎখি।”

নেস্নেল এজুকেশন পোলিসীগী মতাংদা ৱা ঙাংলদুনা, শ্রী প্রধান্না হায়খি, “অনৌবা এজুকেশন পোলিসী অসিনা রিজন অসিগী হোলিস্তিক দিবেলপমেন্তকীদমক্তা রিজনগী ওইবা ইন্দসত্রি-একাদেমিয়া-গোবর্মেন্ত পার্তনর্শিপ অমা পুরকপা ঙমগনি। কোরাপুত অসি ত্রাইবল দাইভর্সিতীদা মরাং কাইনা লৈ অমসুং এন.ই.পি.২০২০না ব্রোদ-বেজদ অমসুং ক্রিয়েতিব করিক্যুলাদা মীৎয়েং থম্বনা সি.ও.য়ু.না মরাইবক থিরবা মহৈরোইশিংগীদমক্তা খুদোংচাবশিং পীবা অমসুং ওরিশাদা রিসর্চতা য়ুমফম ওইবা ত্রাইবল অমসুং এনথ্রোপোলোজিকেল স্তদীশিংসু প্রোমোত তৌবা ঙমহনগনি।”

শ্রী প্রধান্না কোরাপুতকী য়াম্না শিংথানীংঙাই ওইবা ফার্মগী পোত্থোকশিং খুদম ওইনা মালেম শিনবা থুংনা মমিং চৎলিবা কোরাপুরগী শিংগীদমক্তা হেন্না ফবা অমসুং হেন্না চা্বা মার্কেতশিং ফংহন্নবা এগ্রিকলচরেল রিসর্চ অমসুং এনত্রপ্রেনরশিপ শিজিন্নদুনা অনৌ-অনৌবা খোংথাংশিং পাইখৎনবা সি.য়ু.ও.গী মহৈরোইশিং অমশুং ফেকল্তীবুসু পুক্নীং থৌগৎখি। “সি.য়ু.ও.না ওরিশা অমসুং ভারতপু লৌশিংগী লম্বিদা লুচিংগনি অমসুং আত্মানির্ভরভারত অমগী লময়ানবা অমা ওইগনি”, হায়না মহাক্না মখা তাখি।

থৌরম অদুদা ৱা ঙাংলদুনা, মন্ত্রী, শ্রী আর. পি. নিশাঙ্কনা হায়খি “ইন্সতিত্যুশন অসিনা মখোয়গী পান্দম অমসুং থৌওংশিং অদুবু নেস্নেল এজুকেশন পোলিসী ২০২০গী মতুং ইন্না ওন্থোক্তুনা চাউখৎপা পুরকখিবা অসি উবদা ঐহাক্না য়াম্না হরাওই। ঐহাক্না থাজৈ মদুদি কোর সাইন্স অমসুং অনৌবা সোসিয়েল সাইন্স কোর্সশিং হাপচিল্লকপা অসিনা সি.য়ু.ওরিশাগী লৈরিবা ফেকল্তীশিংদা মখাতানা হেন্না ফরবা দাইমেন্সনশিং হাপকৎলক্কনি। ঐনা খঙবদা হরাওই মদুদি য়ুনিভর্সিতী অসিনা ওরিশাগী জিলা ১২দা য়াম্না চাউবা স্কিল দিবেলপমেন্ত প্রোগ্রামদা খোং থাংজিল্লি। ঐনা মসিগী নুংঙাই য়াইফরবা থৌরম অসিদা ফেকল্তী, মহৈরোইশিং, অমসুং  সি.য়ু.ওরিশাগি এদমিনিস্ত্রতিব স্তাফতা অফবা য়াইফবা ওইরসনু হায়না য়াইফ পাউজেল পীরি। ”

*****