ইলেক্ত্রোনিক্স অমসুং আই.তি. মন্ত্রালয়

আই.তি.গী মন্ত্রী রবি শঙ্কর প্রসাদনা “চুনোতি” - নেক্স-জেনরেসন স্তার্ত-অপ চেলেঞ্জ কন্তেস্ত হৌদোকখ্রে

প্রোগ্রাম অসিনা মান্নবা লমশিংদা থবক তৌরিবা স্তার্ত-অপ ৩০০ রোম খনগৎতুনা মখোয়দা হৌদোক্নবা শেন্থং লুপা লাখ ২৫ ফাওবা অমসুং অতোপ্পা খুদোংচাবশিং ফংহন্নবা পান্দম থম্লি

বিহারগী মুজাফরপুরগী এন.আই.ই.এল.আই.তি.গী আই.তি. কেপাসিতী বল্দিং সেন্তর উরেপ উয়ুং তমখ্রে

শ্রী প্রসাদনা নহাশিং, হৈশিংলবা ভারতকী ইন্নোবেতরশিং থোরক্তুনা চুনোতি চেলেঞ্জকী খুদোংচাবশিং ফংহৌনবা অমসুং অনৌবা সোফৱেয়র প্রদক্তশিং অমসুং এপশিং শেম্নবা হায়খি

Posted On: 28 AUG 2020 4:18PM by PIB Imphal

কেন্দ্রগী ইলেক্ত্রোনিক অমসুং ইনফোর্মেসন তেক্নোলোজীগী মন্ত্রী শ্রী রবি শঙ্কর প্রসাদনা ভারতকী তাইয়র- II তাউনশিংদা অখন্নবা মীৎয়েং থম্বগা লোয়ননা স্তার্তঅপশিং অমসুং সোফৱেয়র প্রদক্তশিং থৌগৎনবা “চুনোতি” - নেক্স-জেনরেসন স্তার্ত-অপ চেলেঞ্জ কন্তেস্ত ঙসি হৌদোকখ্রে।সরকারনা প্রোগ্রাম অসিগীদমক চহি অহুমগী মতমগী মনুংদা লুপা কোতি ৯৫.০৩গী বজেৎ খাক্তুনা থমখি। মসিনা মান্নবা লমশিংদা থবক তৌরিবা স্তার্ত-অপ ৩০০ রোম খনগৎতুনা মখোয়দা হৌদোক্নবা শেন্থং লুপা লাখ ২৫ ফাওবা অমসুং অতোপ্পা খুদোংচাবশিং ফংহন্নবা পান্দম থম্লি।

চেলেঞ্জ অসিগী মখাদা ইলেক্ত্রোনিক্স অমসুং আই.তি.গী মন্ত্রালয়না মখাদা পীরিবা লমশিং অসিদা থবক তৌরিবা স্তার্তঅপশিংদা বর্তন তৌগনি:

১. মীয়ামগী ইদু-তেক, এগ্রি-তেক অমসুং ফিন-তেক তৌরিবশিং

২. সপ্লাই চেন, লোজিস্তিক্স অমসুং ত্রান্সপোর্তেসন মেনেজমেন্ত

৩. ইনফ্রাস্ত্রকচর অমসুং রিমোৎ মোনিতরিং

৪. মেদিকেল হেল্থক্যের, দাইগনোস্তিক, ঙাকথোক্নবা অমসুং ৱাখলগী ওইবা তেংবাং

৫. থবকশিং অমসুং স্কিলিং, লিঙ্গুইতিক তুলশিং অমসুং তেক্নোলোজীশিং

চুনোতিগী খুত্থাংদা খনগৎলবা স্তার্তঅপশিংদা ভারত শিনবা থুংনা লৈরিবা ভারতকী সেন্তরশিংগী সোফৱেয়র তেক্নোলোজী পার্ক্কী খুত্থাংদা সরকারনা তোঙান তোঙানবা তেংবাং ফংহল্লগনি। মখোয়দা ইনক্যুবেসনগী খুদোংচাবশিং, মেন্তরশিপ, সেক্যুরিতী তেস্তিং ফেসিলিতীশিং, ভেনচর কেপিতেলিস্ত ফন্দিং ফংহনবা, লেগেল, হ্যুমেন রিসোর্স (ঐচ.আর.), আই.পি.আর. অমসুং পেতেন্তগী হীমশিংগী পাউতাকশিংগা লোয়ননা ইন্দস্ত্রীগা শম্ননবা খুদোংচাবশিং ফংগনি। লুপা লাখ ২৫ ফাওবগী হৌদোক্নবা শেন্থংগী মথক্তা, স্তার্তঅপশিংদা মাংজিল থারিবা ক্লাউদ সর্ভিস প্রোভাইদরশিংদগী ক্লাউদ ক্রেদিৎশিংসু ফংহনগনি। আইদিএসন স্তেজতা লৈরিবা স্তার্ত-অপশিংবু পীরিবা আইদিয়া অদুগী মতাংদা মখোয়গী বিজিনেস প্লান অমসুং সোলুসন শেমগৎনবা থা তরুক ফাওবগী প্রি-ইনক্যুবেসন প্রোগ্রাম অমসুং মেন্তরগী মখাদা খনগৎকনি। ইন্তর্ন অমমমদা (পরি-ইনক্যুবেসনগী মখাদা লৈবা স্তার্ত-অপ্তা) থা অমগী লুপা ১০,০০০/- থা তরুক্কী মতম ফাওবা পীগনি।

স্তার্তঅপশিংনা এস.তি.পি.আই.গী ৱেবসাইৎ চংলগা থাজিল্লকপা য়াগনি নত্রগা লিঙ্ক অসিদা নম্লগা য়াগনি https://innovate.stpinext.in/

কেন্দ্রগী মন্ত্রীনা বিহারগী মুজাফরপুরগী নেস্নেল ইন্সতিত্যুৎ ওফ ইলেক্ত্রোনিক্স এন্দ ইনফোর্মেসন তেক্নোলোজী (এন.আই.ই.এল.আই.তি.)গী দিজিতেল ত্রেনিং অমসুং স্কিলিং সেন্তরগী উরেপ উয়ুং তমখ্রে সেন্তর অসি ভারত সরকারগী ইলেক্ত্রোনিক অমসুং ইনফোর্মেসন তেক্নোলোজী মন্ত্রালয়না লুপা কোতি ৯.১৭ চংদুনা দেবেলপ তৌগনি। ইন্সতিত্যুসন অসিগীদমক বিহার সরকারনা লম এক্র অমা পীখ্রে। সেন্তর অসিদা দিজিতেল লেবোপরেতরী অমগা লোয়ননা খ্বাইদগী নৌবা ত্রেনিং ফেসিলিতী লৈহনগনি। সেন্তর অসিনা ও লেবেল, সি.সি.সি., বি.সি.সি., প্রোগ্রামিং অমসুং মল্তিমীদিয়া ত্রেনিংগুম্বা তোঙান তোঙানবা কোর্সশিং ফংহনগনি।

বিহারগী উপ মুখ্য মন্ত্রী য়াওবা ভর্চ্যুল থৌরম অমদা, কেন্দ্রগী মন্ত্রী রবি শঙ্কর প্রসাদনা হায়খি, “নহাশিং, হৈশিংলবা ভারতকী ইন্নোবেতরশিং থোরক্তুনা চুনোতি চেলেঞ্জকী খুদোংচাবশিং ফংহৌনবা অমসুং অনৌবা সোফৱেয়র প্রদক্তশিং অমসুং এপশিং শেম্নবা হায়জরি। লোঞ্চ তৌরিবা অসি প্রধান মন্ত্রী নরেন্দ্র মোদীনা অপাম্বা ফোঙদোকখিবা অত্মা নির্ভার ভারতকী মখাদা লৌখৎপা অচৌবা খোঙথাং অমনি”।

*****



(Release ID: 1649320) Visitor Counter : 2