হাউশিং অমসুং অর্বান পোবর্তী এল্লিবেসন মন্ত্রালয়
পি.এম. সভানিধিগী ওনলাইন দাসবোর্দ হাংদোকখ্রে
পাউ ফাওননবা অমসুং স্কিম য়েংশিন্নবা মফম অমনি
স্কিম অসিগী মখাদা এপ্লিকেসন লাখ ৭.১৫ হেন্না ফংলে; লাখ ১.৭ হেন্না সেঙ্কসন তৌখ্রে
Posted On:
28 AUG 2020 4:02PM by PIB Imphal
ঙসি ভিদিও কনফরেন্সকী খুৎথাংদা হাউজিং অমসুং অর্বান এফেয়ার্স মিনিস্ত্রিগী সেক্রেতরী, দুর্গা সনকর মিশ্রানা প্রধান মন্ত্রী স্ত্রিৎ ভেন্দরস অত্মানির্ভর নিধি (পি.এম. সভানিধি)গী ওনলাইন দাসবোর্দ হাংদোকখ্রে। ওনলাইন দাসবোর্দ অসিনা মরী লৈনবশিংদা ই-পাউ ফংহনগনি অমসুং সহরগী থাক ফাওবদা পি এম স্বানিধি স্কিম খুমাং চাউশিনবা য়েংশিনগনি।
২০২০গী জুলাই ২দগী পি এম স্বানিধি পোর্তেলদা ওনলাইন্দা এপ্লিকেসনশিং পীশিনবা হৌখিবদগী হৌজিক ফাওবদা এপ্লিকেসন লাখ ৭.১৫ হেন্না ফংলে অমসুং রাজ্যশিং অমসুং য়ু.তিশিংদা এপ্লিকেসন লাখ ১.৭০ হেন্না সেঙ্কসন তৌখ্রে।
কোবিদ-১৯ লোকদাউন্না মরম ওইদুনা শোকহল্লবা লম্বী মতাইদা পোৎ য়োনবশিংগী লোন পীনবা ২০২০গী জুন ১দা মিনিস্ত্রিনা পি এম স্বানিধি স্কিম হৌদোকখি। সহরগী মফমশিংদা ২০২০গী মার্চ ২৪ নৎত্রগা মসিগী মমাংদা লম্বী নাকলদা পোৎ য়োল্লম্বা মীওই লাখ ৫০ হেনবদা কান্নবা পীনবা স্কিম অসিনা পান্দম থমলি।
স্কিম অসিগী মখাদা ভেন্দরশিংনা লুপা ১০,০০০ ফাওবগী লোন লৌবা য়াগনি অমসুং চহি অমা চঙনা থাগী ওইনা লোন শিংগৎপা য়াগনি। মতম চানা/মতম ঙনখৎনা লোন শিংদোকপশিংগী ওইনা চহিদা চাদা ৭গী শেন্দোইগী সবসিদি বেনিফিসিরিশিংগী বেঙ্ক একাউন্তশিংদা হাপচিনগনি। লোন ঙন্না শিংদোকপগী চৈরাক অমতা পীরোই। স্কিম অসিনা দিজিতেল পেমেন্তশিং পুক্নিং থৌগৎপা ওইনা থা অমদা লুপা ১০০ ফাওবগী কেস-বেক ইন্সেনতিপ পীগনি। ভেন্দরশিংনা মতম চানা/ঙন্না লোন শিংদোক্তুনা মখা তানা লোন লৌনবগী খুদোংচাবা লৌদুনা শেন-থুমগী ফিবম ফগৎহনবা য়াগনি।
*****
(Release ID: 1649258)
Visitor Counter : 196