ঙসি কমর্স অমসুং ইন্দস্ত্রি মিনিস্তর পিয়ুস গোয়ালনা রাজ্যশিংগী ইন্দস্ত্রি মিনিস্তরশিং অমসুং য়ু.তিশিংগী লৈঙাকপশিংগা ভর্চুএল মীফম অমা পাংথোকখ্রে। মীফম অদুদা লৈবাক অসিদা ইন্দস্ত্রিএল মেনুফেকচরিং চাউখৎহনবা, শেন থাদবা হেনগৎহনবা, ‘জিলা অমা পোৎথোক অমা’ থৌরাং ফগৎহনবা অমসুং ‘অত্মানির্ভর ভারত’ ফগৎহন্নবা খন্নখি।

য়ুনিয়ন মিনিস্তরনা জি.এস.আই য়াওরবা লৈবাক অসিগী লেন্দ বেঙ্ক (https://iis.ncog.gov.in/parks) হৌদোকখি। মসি ইন্তেগ্রেসন ওফ ইন্দস্ত্রিএল ইনফোরমেসন সিস্তেম(আই আই এস)না স্তেৎ জি.আই.এস সিস্তেমশিংগা লোয়ন্না পায়খৎপনি। মহাক্না হায়খি রাজ্যশিং/য়ু.তিশিংনা ২০২০গী দিসেম্বর ফাওবদা মসিদা য়াওগনি । মসি প্রোতোতাইপনি অমসুং রাজ্যশিংদগী দরকার ওইবশিং ফংলবা মতুংদা হেন্না ফগৎহনগনি।

আই.আই.এস পোর্তেল অসি রাজ্যশিংগী ইন্দস্ত্রিগী লমশিংগী জি.এস.আই য়াওরবা দেতাবেজনি। মসিদা রাজ্য/য়ু.তি ৩১গী ইন্দস্ত্রিএল পার্ক ৩,৩০০০ হেনবগী লম হেক্তর ৪৭৫,০০০ রোমগী মেপ য়াওরি। মসিদা উমং, খোঙবাল, রো মেতরিএলগী মেপশিং, লম্বী-থোঙশিং য়াওরি। আই.আই.এসনা ইন্দস্ত্রিগী থবকশিং চাউখৎহন্নবা অমসুং লন-থুমশিং ফজনা শীজিন্ননবা থবক পায়খৎলি। থৌরাং অসি ইনভেস্ত ইন্দিয়া, নেসনেল সেন্তর ওফ জিও-ইনফোরমেতিক্স, নেসনেল ই-গভর্নান্স দিবিজন, ইলেকত্রোনিক্স অমসুং ইনফোরমেসন তেক্নোলোজি মিনিস্ত্রি অমসুং বাস্কারাচার্য়া ইন্সতিতুৎ ফোর স্পেস এপ্লিকেসনস এন্দ জিও-ইনফোরমেতিক্সনা শৌগৎলি।

মিনিস্তর গোয়ালনা হায়খি,লৈবাক অসিদা ইন্দস্ত্রিগী থবক হেনগৎহন্নবা ‘তিম ইন্দিয়া’গী থৌনাদা রাজ্যশিংনা পুন্না থবক তৌমিন্নগদবনি। অত্মানির্ভর ভারত অমা হায়বদি মশাগী ওক্নবা পুথোকচবা লৈবাক অমা ওইনবা থাজবগা লোয়ন্না মালেমগা থবক তৌমিন্নবা হেনগৎহনগদবনি। চহি মঙাদা ভারতনা দোল্লর ত্রিল্লিয়ন ৫গী ইকোনোমি ফংনবা পান্দম থম্লি। মসিগীদমক থবক পীবা ঙমগদবা মেনুফেকচরিংনা মরুওইবা থৌদাং অমা লৌরি।

মহাক্না হায়খি রাজ্যশিংনা কেন্দ্রনা পীবা পব্লিক প্রোকিউয়রমেন্ত পোলিসি-মেক ইন ইন্দিয়া ওর্দর চৎনগদবনি। মসি অত্মানির্ভর ভারত ফংনবা অমসুং মেনুফেকচরিং ফগৎহন্নবা অফবা খুৎলায় অমনি। মসিগী মখাদা লুপা করোর ২০০ মখাগী পোৎ-চৈশিং লৈনবা মালেমগী তেন্দর পাংথোকপা দরকার ওইদ্রে। এম.ই.এ, এম.ঐচ.এ অমসুং প্রোকিউরিং মিনিস্ত্রিশিংদগী অয়াবা লৌরবা ভারতক কংফালগী লমদা য়ুম্লোন্নবা লৈবাকশিংগী বিদ্দরশিংনা তঙাইফদনা রেজিস্তার অমা তৌরবা মতুংদা সরকারগী পোৎ-লৈবদা শরুক য়াবা য়াগনি। ভারতকী কম্পেনিশিংনা ললোন-ইতিক পাংথোকপদা অথিংবা থম্বা লৈবাকশিংগী ওইনা অথিংবা থমগনি। মসি অথুবদা চৎনবা হৌনবা রাজ্যশিংনা সেনিয়র ওফিসার অমা হাপকদবনি। অত্মানির্ভর ভারত য়োকখৎনবা অমসুং মশিং য়াম্লবা থবকশিং ফংহন্নবা মসিদা রাজ্য অমতনা অয়েৎপা পীরোইদবনি অমসুং হৌজিক ফাওবদা মনিপুর, নাগালেন্দ অমসুং সিক্কিম সরকারশিং ওর্দর অসি চৎনরে।

মিনিস্তরনা হায়খি ভারত্তা ললোন-ইতিক্কী থবকশিং পায়খৎনবা অয়াবশিং লৌনবা সিঙ্গল-ৱিন্দো সিস্তেম অমা শেমগৎনবা রাজ্যশিংদা মতেং পাংগদবনি। মসিনা ইনভেস্তরশিংনা অয়াবা লৌনবা ওফিসশিংদা কোইচৎ চৎপা লৈহল্লোই। মসিনা অকক্নবা মতমগী মনুংদা অয়াবা পীবা ঙমগনি অমসুং ইনভেস্তরশিংদা মতম মতমগী অনৌবা পাউশিং পীগনি। মতম অমতা ই-পাউশিং অমসুং চে-চাংশিং থাগৎপা য়ানবা এপ্লিকেসন ফোর্ম অমা খক শীজিন্নরগনি। মসিগী থবক অসিদা লোকেল বোদিশিং শরুক য়াহনগনি অমসুং মসিগী ৱিন্দো অসি ঐখোয়গী মতেং পাংনবা অমসুং কোওপরেতিপ ফেদেরেলিজমগী শক্তম অমা ওইরগনি।

গোয়ালনা হায়খি ‘জিলা অমা পোৎথোক অমা’ থৌরাংনা ভারত অসি পোৎ-চৈ শাবগী অচৌবা মফম অমা ওইহনগনি। জিলা অমগী তোপতোপ্পা মশক, থৌনা অমসুং অখন্নবা অমা লৈজৈ অমসুং ‘জিলা অমা পোৎথোক অমা’ অসিনা জিলা অমগী শেন-থুমগী ফিবম ফগৎহনগনি অমসুং থবক ফংহনগনি অমসুং খুঙ্গংগী ওন্ত্রেপ্রেনিউয়রশিপ শেমগৎকনি। থৌরাং অসিনা সহরশিংগী ৱাংমদা ইন্দস্ত্রিগী থবকশিং পাকথোক চাউথোকহনগনি।ভারতকী খুঙ্গংশিংদা লৈবা মেনুফেকচরিং ক্লস্তরশিংদগী পুথোরকপা পোৎথোকশিং পেকেত য়োম্বা, ব্রান্দ শেমগৎপা অমসুং মালেমগী কৈথেলশিংদা য়োনবদা কেন্দ্রনা মতেং পাংগনি। মপান্দগী পুশিল্লকপগী মহুৎশীনবা ঙমগদবা অমসুং মপান্দা থাদোকপা য়াবা পোৎথোকশিং রাজ্যশিংনা মশক খঙদোক্কদবনি। রাজ্যশিং/য়ু.তিশিংনা জিলা অমগী মশক নাইবা পোৎথোকশিং মশক খঙদোক্কদবনি অমসুং জিলা থাক্কী মপান্দা য়োন্নবগী লাল্লোংশিংদা য়াওহনগদবনি অমসুং রাজ্য থাক্কী মপান্দা থোক্নবগী লাল্লোংশিংগা পুনশিনগদবনি।

মিনিস্তরনা হায়খি গভর্নমেন্ত ই মার্কেতপ্লেস(জি ই এম)গী খুৎথাংদা লৈবাক অসিগী কম্পেনিশিংদগী সরকারগী পোৎ লৈনবা পুক্নিং থৌগৎপা ওইনা জি.ই.এমদা অনৌবা পোৎথোকশিং রেজিস্তার তৌবা মতমদা পোৎ অদু শারিবা লৈবাক্কী মমিং তঙাইফদনা হাপকদবনি। লৈবাক অসিদা শাজবা পোৎথোকশিং লৈবাক অসিদা য়োকখৎপা খক নত্তনা মালেমগী থাক্ত য়োকখৎকদবনি। মালেমগী কৈথেলদা য়োন্নবা ভারত্তা শানবা, জিলা অমসুং ক্লস্তর থাক্কী মপান্দা থাদোক্নবা লাল্লোং অসিনা খুৎহৈবশিং অমসুং অপীকপা কম্পেনিশিং মালেমগী সপ্লাই চেনশিংদা য়াওহনবা ঙমগনি।

রাজ্য সরকারশিংনা এগ্রি এক্সপোর্ত পোলিসি চৎনবগী মতাংদা মিনিস্তরনা হায়খি রাজ্য ১৪ খক এক্সন প্লান শেম্বা লোইরে অমসুং লেমহৌরিবা রাজ্যশিং অথুবদা লোইশিন্নবা তকশিনখ্রে। থবক অসিগীদমক নোদেল এজেন্সিশিং অমসুং নোদেল ওফিসারশিং হাপ্নবা অমসুং স্তেৎ লেবেল মোনিতরিং কমিতিশিং শেম্নবা রাজ্যশিংদা খঙহনখ্রে।

শ্রী গোয়ালনা হায়খি হৌজিক ভারতনা আইরন ওর অমসুং মিনরেলশিং মপান্দা থাদোক্লি। লৌউ-শিংউগী পোৎথোকশিং খক্তদা মগুন হেনগৎহনবগী মথক্তা অতো্প্পা ইন্দস্ত্রিগী পোৎথোকশিং মতেং পাংদুনা পাকচাউনা পুথোক্নবা রাজ্যশিংনা হোৎনবা দরকার ওই।

য়ুনিয়ন মিনিস্তরনা হায়খি কেন্দ্রদা ইমপ্বার গ্রুপ ওফ সেক্রেতরিস অমসুং প্রোজেক দিবলপমেন্ত সেলশিং তোঙান-তোঙানবা মিনিস্ত্রিশিংগী লিংখৎলে। মসিগা মান্নবা থবকশিংনা পায়খৎনবা রাজ্যশিংদা খঙহনখ্রে।

আইনগী কাংলোনশিং ইন্নবা হোৎনবা অসিদা ললোন-ইতিক্কী থবকশিংদা শেন অমসুং মতম য়াম্না চঙহল্লি। মসিনা শেঞ্জা-থুমজাগী থবকশিং পুক্নিং থৌগৎলি। লাইন্সেস, সর্তিফিকেদ, অয়াবা, ইন্সপেক্সন, রিতর্ন ফাইল তৌবা, রেজিস্তার তৌবগী থবকশিং নিয়মশিং অমুক হন্না য়েঙশিনবা দরকার  ওইরে। থবকশিং লাইথোকহনবা অসিনা মপান লৈবাকশিংদগী শেন হেন্না থারক্কনি অমসুং মসিনা লৈবাক অসিগী ইনভেস্তরশিং ললোন-ইতিক পাংথোকপদা লাইহনগনি।

কমর্স অমসুং ইন্দস্ত্রিগী রাজ্য মন্ত্রী সোম প্রকাসনা হায়খি ভারত অসি মেনুফেকচরিং অমসুং শেন থাদনবগী মফম অমা ওইনা শেমগৎপদা রাজ্যশিংগী মরুওইবা থৌদাং অমা লৈ। জিলা অমমমগী পোৎথোক অমমম মশক খঙদোক্তুনা য়োকখৎনবা হোৎনগদবনি।

রাজ্যশিংগী মিনিস্তরশিংনংআ মীফম অদুদা মখোয়গী রাজ্যশিংনা পায়খৎলিবা থবকশিং অমসুং মাইপাকপশিং অমসুং দরকার ওইবশিং ফোংদোকখি। মীফম অদুদা তোঙান তোঙানবা হিরমশিংদা দি.পি.আই.আই.তিগী ওফিসারশিংনা অকুপ্পা মরোলশিং পাউদমখি।

******