আর্ম ফোর্সেস ত্রাইব্যুনেল (এ.এফ.তি.) চেয়রপর্সন জস্তিস রাজেন্দ্র মেনোননা আর্ম ফোর্সেস ত্রাইব্যুনেলগী রিজনেল বেঞ্চ তরামক্কী হিয়রিং ভিদিও কন্ফরেন্সিংগী খুত্থাঙদা মফমসিদা ঙসি হৌদোকখ্রে‍।

আর্ম ফোর্সেস ত্রাইব্যুনেলগী প্রিন্সিপাল বেঞ্চ অসি জুন ৮, ২০২০দগী হৌরগা হৌজিকফাওবা ফিজিকেল হিয়রিং পাঙথোক্তুনা লাক্লিবা অমত্তা ঙায়রবা ৱায়েলশঙনি। মফম লাপ্না লৈখিবা অমদি অতৈ অতোপ্পা সিক্যুরিতীগী ওইবা মরমশিংনা থবক্তগী পোত্থাখ্রবা অমদি হৌজিক হৌজিক থবক তৌরিবা আর্ম ফোর্সেস পর্সোনেলশিংনা থেংনরিবা খুদোংচাদবা ফীভমশিংগী য়েংদুনা প্রিন্সিপাল বেঞ্চ অদুদা ফিজিকেল হিয়রিং চত্থদুনা লাকপনি‍।

চেয়রপরন্সন্না থোইদোকপা থৌদোক ৱাথোক য়াওদনা হিয়রিংশিং চত্থখিবগীদমক প্রিন্সিপাল বেঞ্চ অদুদা চপ চাবা লু-নানবগী থাক থম্নবা পাউতাক পীদুনা লাক্লিবা প্রিন্সিপাল রেজিস্ত্রার দা: রাজেস কুমারবু শীংথানখি‍। লৈবাক শিনবা থুংনা লোকদাউন লাউথোক্ত্রিঙৈ মমাঙদগী হৌনা ৱায়েলশঙ মনুংসু এ.এফ.তি.গী শিন্মীশিংখক্তনা নোংমদা অনিরক শেংদোক্তুনা লাকখি‍। ৱায়েলশঙ মনুংদা চঙবসু তঙাই ফদনা চঙদবা য়াদবশিংখক্তমক সোসিএল দিস্তেন্সিং নীংথিনা ঙাক্তুনা চঙহনখি অমদি থবক্তা অপনবা লৈহনখিদে‍। এ.এফ.তি.দা শরুক য়ারিবা উকিলশিংগা জজকা মনুং মপান ফাওনা উবা সীতনা খায়দোকই অমদি ৱায়েলশঙগী স্তাফ অমসুং জজশিংগী মরক্তা সোসিএল দিস্তেন্সিং মতীক চানা ঙাকখি‍।

প্রিন্সিপাল বেঞ্চ অমসুং লৈবাক্কী মফম শিনবা থুংনা শন্দোক্তুনা লৈরিবা রিজনেল বেঞ্চ ১০ য়াওরিবা এ.এফ.তি.গী অপুনবা বেঞ্চ ১১গীদমক্তা লৈঙাক্না জুদিসিএল অমসুং এদমিনিস্ত্রেতিব মেম্বর ৩৪ সেংসন তৌই‍। অদুম ওইনমক মেম্বর মরিখক্তমক প্রিন্সিপাল বেঞ্চকী চেয়রদা, জুদিসিএল মেম্বর অমা অমসুং এদমিনিস্ত্রেতিব মেম্বর অনি মথঙশিৎনা চান্দিগর, মুম্বাই অমসুং চেন্নাইগী বেঞ্চশিংগী চেয়রদা লৈ‍।

রিজনেল বেঞ্চশিংগী অথুবা এপ্লিকেসনশিং প্রিন্সিপাল বেঞ্চতা হিয়রিং চত্থজরবসু, রিজনেল বেঞ্চশিংদসু অতৈ ৱাফমশিংগী ৱায়েল চত্থনবা থৌশিল অমা য়াৎপগী তঙাইফদবা লৈখি‍। মতৌ অসুম্না ভর্চুএল হিয়রিংগী চৎনবা য়াবা থৌসিল অসি হৌদোকখিবনি‍।

ভিদিও কন্ফরেন্সিংদা ৱায়েল চত্থবগী থৌরাং অসিগা লোয়ননা তোঙান তোঙানবা রিজনেল বেঞ্চশিংদা অচুমবা ৱায়েলগীদমক মখোয়গী এপ্লিকেসনশিং ঙাইদুনা লৈরিবা আর্ম ফোর্সেস পর্সোনেলশিংদা চাউনা কান্নবা পুরক্লে‍। মেম্বর জুদিসিএল জস্তিস মোহম্মদ তাহির অমসুং মেম্বর এদমিনিস্ত্রেসন ভাইস এদমিরেল পি মুরুকেসন (রিতাইয়র্দ) অমদি লেফ্তনেন্ত জেনেরেল সি.এ. কৃষ্ণন (রিতাইয়র্দ)না রিজনেল বেঞ্চশিংগী এপ্লিকেসনশিং ভিদিও কন্ফরেন্সিংগগী খুত্থাঙদা হিয়রিং চত্থগনি‍।

******