ইলেক্ত্রোনিক্স অমসুং আই.তি. মন্ত্রালয়

সি.এস.সি লাখ ৩.৭৫গী খুৎথাংদা মীয়ামদা উমং এপ্প ফংহন্নবা এন.ই.জি.দি অমসুং সি.এস.সি ই-গভর্নান্স সর্বিসেস ইন্দিয়া লিমিতেদকী মরক্তা এম.ও.য়ু খুৎয়েক পীনখ্রে

উমং এপকী খুৎথাংদা দিপার্তমেন্ত ১৪০গী ই-গভর্নান্সকী থবকশিং সি.এস.সিশিংগী ভি.এল.ই.শিংনা মীয়ামদা ফংহনগনি

Posted On: 26 AUG 2020 6:58PM by PIB Imphal

দিজিতেল ইন্দিয়াগী মীয়ামদা শক্তি পীনবা পান্দমশিং ফংবা ঙম্নবা অমসুং ভারত শীনবা থুংনা দিজিতেলগী খুদোংচাবশিং ফংহন্নবা, নেসনেল ই-গভর্নান্স দিবিজন(এন ই জি দি), ইলেকত্রোনিক্স অমসুং আই.তি মিনিস্ত্রি অমসুং সি.এস.সি(কমন সর্বিস সেন্তর) ই-গভর্নান্স সর্বিসেস ইন্দিয়া লিমিতেদকী মরক্তা ২০২০গী অগস্ত ২৬দা এম.ও.য়ু অমা খুৎয়েক পীনখ্রে অমসুং মসিগী পান্দমদি সি.এস.সি লাখ ৩.৭৫গী খুৎথাংদা মীয়ামদা উমং এপ ফংহনবনি। উমং এপকী খুৎথাংদা দিপার্তমেন্ত ১৪০গী ই-গভর্নান্সকী থবকশিং সি.এস.সিশিংগী থবক তৌরিবা ভিলেজ লেবেল ওন্ত্রেপ্রেনিউয়রশিং(ভি.এল.ইশিং)না মীয়াম্না ফংহনগনি।মসিনা স্মার্দফোনশিং লৈতবা নৎত্রগা এপ শীজিন্নবা হৈতবা মীয়াম কান্নবা ফংলগনি। এপ অসিগী মতেংনা মীয়াম্না সরকারগী থবকশিংগী খুদোংচাবা ফংবা হেনগৎহনগনি। উমং এপকী থবকশিং অসি অহেনবা শেনফম তিংদনা সি.এস.সিশিংনা পাংথোকপা ঙমগনি অমসুং এন.ই.জি.দিনা হায়রিবা থবকশিং অসি শেন চঙহন্দনা সি.এস.সিশিংদা ফংহল্লে।

ভারতকী খুঙ্গংশিংদা তোঙান-তোঙানবা ইলেকত্রোনিক্সকী থবকশিং ফংহন্নবা অমসুং দিজিতেল ইন্দিয়াগী মরুওইবা লাল্লোং অমা ওইনা মিনিস্ত্রিগী সি.এস.সি স্কিমগী মখাদা কমন সর্বিস সেন্তরশিং লিংখৎখিবনি। উমং(য়ুনিফাইদ মোবাইল এপ্লিকেসন ফোর নিউ-এজ গভর্নান্স) অসি মোবাইল প্লেতফোর্মগী খুৎথাংদা সরকারগী তোঙান-তোঙানবা দিপার্তমেন্তশিংগী থবকশিংগী খুদোংচাবশিং ফংহন্নবা ময়াম পুম্নমক্কী মফম অমনি। উমং অমসুং সি.এস.সিশিংগী থবকশিং অসিনা দিপার্তমেন্ত ১৪০গী থবক ১০০০ হেন্না উমং প্লেতোফোর্মদা ফংগনি। উমংগা শম্নরিবা দিপার্তমেন্ত ১৪০গী খুদোংচাবশিং ওইনা, শেনফম অমতা তিংদনা মখোয়গী থবকশিং মীয়ামদা ফংহনবা ঙমগনি।

উমং অসি ইলেকত্রোনিক্স অমসুং আই.তি মিনিস্ত্রিগী নেসনেল ই-গভর্নান্স দিবিজন(এন ই জি দি)না পুথোকপনি। মসি ২০১৭গী নবেম্বর ২৩দা প্রধান মন্ত্রীনা লৈবাক মীয়ামদা কৎথোকখি। মসি মাইপাক্না শীজিন্নবা হৌবগা অতেনবা মতমগী মনুংদা, ২০১৮গী ফেবুৱারিদা য়ু.এ.ইগী দুবাইদা পাংথোকপা ৬সুবা ৱাল্দ গভর্নমেন্ত সমিৎতা ‘বেস্ত এম-গভর্নান্স সর্বিস’ য়াওনা মনা ৬ মোবাইল এপ অসিনা ফংখি। উমং শেমগৎপগী পান্দমদি মোবাইল এপ্পা অমগী খুৎথাংদা মীয়ামদা সরকারগী থবকশিং লাইনা ফংহনবনি।

উমং মোবাইল এপ অসি এন্দ্রোইদ, আই.ও.এস, ৱেব ব্রাউজর খুদিংমক অমসুং কাইওএসগী অখন্নবা সর্বিস ৫৭দা ফংগনি। মোবাইল নম্বর ৯৭১৮৩-৯৭১৮৩দা মিস কোল পীরগা নৎত্রগা https://web.umang.gov.in/uaw/i/v/ref দা চঙলগা এপ অসি লৌথবা য়াগনি। উমং এপ করোর ৩.১২ হেন্না লৌথখ্রে। হৌজিক উমংদা কেন্দ্রগী দিপার্তমেন্ত ৭০, রাজ্য ২৬গী রাজ্যগী দিপার্তমেন্ত ৭১গী থবক ১,০১১(কেন্দ্রগী ২৯৪, রাজ্যগী দিপার্তমেন্তশিংগী ৪৪১, বিল পেমেন্তগী ৭১) ফংলে অমসুং মাংলোমদা চঙশিল্লি। উমংদা হৌজিক ফাওবদা থবক করোর ১০০ হেন্না পাংথোকখ্রে অমসুং করোর ২০০ হিৎ তৌখ্রে।

উমং অমসুং সি.এস.সিগী অপুনবা থবকশিং অসিনা লৈবাক অসিগী নাগরিক করোর কয়া শক্তি পীরগনি অমসুং মমাংদা অমুক্তা ওইখিদ্রিবা মওংদা থবক কয়া লাইনা ফংহল্লে।

*****



(Release ID: 1648840) Visitor Counter : 25