কলচর মন্ত্রালয়না ভারতকী আর্কিওলোজিকেল সর্ভেগী অনৌবা সর্কল ৭ হৌদোকখ্রে। মসিগী পাও অসি কলচর অমসুং তুরিজম(আই.সি.)গী কেন্দ্র রাজ্য মন্ত্রী শ্রী প্রলহাদ সিংহ পতেলনা ঙসি মহাক্না ত্বিত তৌখিবা ভিদিও মেসেজ অমদা হায়খিবনি। শ্রী প্রলহাদ পতেলনা কলচর মন্ত্রালয়না আর্কিওলোজিকেল মোনুমেন্তশিং অসি মশানা ৱাফম লাউথোকচবা আর্তিফেকশিং অসি রেজিস্ত্রেসন তৌবগা কোন্ননা প্রিজর্বেসন অমসুং রেজিস্ত্রেসন তৌনবগী থবক অসিদা খুদোং চাবা পীনবা অমসুং মপাঙ্গল কনখৎহন্নবা প্রধান মন্ত্রীনা হায়খিবগী মতুং ইন্না মসিগী থবক অসি পায়খৎখিবনি হায়না ফোংদোকখি। মধ্য প্রদেশ, তমিল নাদু, উত্তর প্রদেশ. কর্নাতকা, নোংচপ বঙ্গাল অমসুং গুজরাত্তা অনৌবা সর্কলশিং শেমখ্রে হায়না মন্ত্রীনা ফোংদোকখি। ত্রিকী, রাজগঞ্জ, রোজকোৎ, জবলপুর, ঝান্সী অমসুং মীরুত অসি অনৌবা সর্কল ওইনা শেমখ্রে হায়না মহাক্না ফোংদোকখি। হম্পি মিনি সর্কল অসি মপুং ফাবা সর্কল অমা ওইনা ওন্থোকখিবদগী আর্কিওলোজীদা কর্নাতকাগী হম্পি সহর অসি অন্তর্রাস্ত্রীয়গী ওইনা মমিং চৎপা মফম অমনি হায়না মন্ত্রীনা ফোংদোকখি। হান্ননা লৈবাক অসিদা এ.এস.আ. সর্কল ২৯ লৈরম্মি।

তমিল নাদুগুম্বা চোলা নিংথৌগী লাইশঙ অমসুং অথোইবা নিংশিংবা লিশিং কয়া লৈবা অচৌবা রাজ্যগুম্না ত্রিকী অসি চেন্নই সর্কলগা কোন্ননা অনৌবা সর্কল অমা ওইনা শেমগৎখ্রে। শেংলবা মওংগী ওইনা কর্নাতকা অসি মরুওইবা রাজ্য অমনি।  কর্নাতকাগী হম্পি সহর অসি ইপা-ইপানাৎ-ইপুনাৎকী ওইবা আর্কিওলোজীগী ওইবা মিৎয়েংদা অন্তর্রাস্ত্রীয়গী ওইনা মরুওইবা মফম অমা ওইবনা হম্পি সর্কল অসি হৌজিক মপুং ফাবা সর্কল অমা ওইনা শেমগৎখিবনি। নোংচুপ-বঙ্গালগী রাজগঞ্জ অসি কোলকত্তাগা কোন্ননা অনৌবা সর্কল ওইনা শেমগৎখ্রে, মসিনা বঙ্গালগুম্বা অচৌবা রাজ্য অমদা জিওগ্রাফীগী ওইনা খুদোংচাদবা অদু লৈহল্লোই। গুজরাতকী রাজকোৎ অসি বরোদরাগা কোন্না অনৌবা সর্কল ওইনা লাউথোকখ্রে।

মধ্য প্রদেশতা জবলপুর অসি ভোপালগা কোন্ননা অনৌবা সর্কল অমা ওইনা লাউথোকখ্রে হায়না মন্ত্রীনা ফোংদোকখি। মসিদা জবলপুর, রেৱা, শাহদুল অমসুং সাগর দিবিজনশিংদগী অরিবা ফুরা-দলানশিং য়াওগনি। বুন্দেলখন্দা ঝান্সী অমসুং নোংচুপ থংবা উত্তর প্রদেশতা মীরুত অসি উত্তর প্রদেশকী লখনৌ অমসুং আগ্রাগা কোন্ননা অনৌবা সর্কল অনি লাউথোকখ্রে হায়নসু মন্ত্রীনা ফোংদোকখি। 

*****