তুরিজম মন্ত্রালয়
আই.ঐচ.এম. শ্রীনগর অমসুং আই.ঐচ.এম. চেন্নাইনা এক ভারত শ্রেশথা ভারতকী ৱাখল্লোন য়োকখৎনবা ‘পুক্নিং হুরবা তামিল নাদু, জম্মু অমদি কাশমির অমসুং লদাখকী নাৎকী ওইবা জগোইশিং’গী ওনলাইন প্রোগ্রাম পাঙথোকখ্রে
Posted On:
26 AUG 2020 4:14PM by PIB Imphal
হন্দক্কী চয়োল অসিদা তুরিজম মন্ত্রালয়গী আই.ঐচ.এম. শ্রীনগর অমসুং আই.ঐচ.এম. চেন্নাইনা এক ভারত শ্রেশথা ভারতকী ৱাখল্লোন য়োকখৎনবা ‘পুক্নিং হুরবা তামিল নাদু, জম্মু অমদি কাশমির অমসুং লদাখকী নাৎকী ওইবা জগোইশিং’গী ওনলাইন প্রোগ্রাম পাঙথোকখ্রে। ই.বি.এস.বি.গী মখাদা আই.ঐচ.এম. চেন্নাইগী মহৈরোয়শিং অমসুং আই.ঐচ.এম. শ্রীনগরগী মহৈরোয় ৩না রাজ্যশিং অসিগী নাৎকী ওইবা জগোই উৎখি।
মহৈরোয়শিংনা অরাপ্পদা জগোই শাবা অদু রেকোর্দ তৌরগা মদু ওনলাইন্দা থাদোরকই। জগোইশিং অদু ওনলাইন প্লেৎফোর্ম শীজিন্নদুনা উৎখি অমসুং রাজ্য অনি অসিগী নাৎকী ওইবা জগোইশিংগী মরু ওইবা অদু থাগৎলদুনা নোদেল ওফিসরনা ৱা ঙাংখি। লোয়শঙ অনিমক্কী মহৈরোয়শিং অমসুং স্তাফ পুম্নমক্না থৌরম অসি মীৎয়েং তাখি অমসুং থাগৎখি। ৱলমদম অসিগী মমিং লৈরবা নাৎকী জগোইশিং অসিগী মতাংদা ৱাফমশিং থমখি খুদম ওইনা কুদ, দুমহাল, রৌফ, হফিজা, ভন্দজাশানগুম্বা কাশমিরগী লুহোংবদা অমসুং মরু ওইবা থৌরমশিংদা শাবা জগোইশিং। অসিগুম্না পপেৎ শোগুম্বা অচম্বা মখলগী জগোইশিংদগী পোইক্কাল কুথিরাই অত্তমদা জগোই শারিবা মীওইশিংনা মায়িল অত্তম শানবা ৱাহোংগী ফীরোমশিং শেৎপা, পোইক্কল কুথিরাইদা শগোল শাবা, কালাই অত্তমদা শন শাবা, পামপু অত্তমদা লিনগী ফীরোম শেৎপা অমসুং কারাদি অত্তমদা শওম শাবা অসি তামিল নাদুগী ত্রাইবেল জগোইশিংদা য়াওরি।
শরুক য়ারিবশিংনা উৎলিবা তোঙান তোঙানবা জাতিশিংগী থৌরমশিং অসি থাগৎপা ফোঙদোকপগা লোয়ননা থৌরম অসি লোয়শিনখি। থৌরম অসিদা শরুক য়াখিবা অমসুং জগোই শাখিবা পুম্নমক্তা ই-সর্তিফিকেৎ খুশিন্নখি, থৌরম অসিদা পুন্না মহৈরোয় ১৯২ শরুক য়াখি।
ওনলাইনগী সেসনশিং অসি য়ুত্যুব লিঙ্ক: https://youtu.be/_nmxgeju68E অসিদা লোয়ননা ই.বি.এস.বি. পোর্তেল অমসুং ভারত সরকারগী তুরিজম মন্ত্রালয়গী সোসিএল মীদিয়া হেন্দলশিংদা ফংগনি।
|
|
পুক্নিং হুরবা তামিল নাদু, জম্মু অমদি কাশমির অমসুং লদাখকী নাৎকী ওইবা জগোইশিং”, ওগস্ত ২১, ২০২০
|
পুক্নিং হুরবা তামিল নাদু, জম্মু অমদি কাশমির অমসুং লদাখকী নাৎকী ওইবা জগোইশিং”, ওগস্ত ২১, ২০২০
|
|
|
পুক্নিং হুরবা তামিল নাদু, জম্মু অমদি কাশমির অমসুং লদাখকী নাৎকী ওইবা জগোইশিং”, ওগস্ত ২১, ২০২০
|
পুক্নিং হুরবা তামিল নাদু, জম্মু অমদি কাশমির অমসুং লদাখকী নাৎকী ওইবা জগোইশিং”, ওগস্ত ২১, ২০২০
|
*****
(Release ID: 1648749)
Visitor Counter : 155