হকশেল অমসুং য়াইফ-য়ুম্বাল মন্ত্রালয়

দা: হর্শ বর্ধননা ৩৫শুবা নেস্নেল আই দোনেসন থাখায় থৌরমদা দিজিতেল ওইনা ৱা ঙাঙখ্রে

“মতিক চাবা মহৈ ফংনবা অমদি প্রধান মন্ত্রীগী ২০২২ ফাওবগী ভিজন ওফ নিউ ইন্দিয়া ফংনবা পান্দম থমদুনা মীৎয়েঙ চঙবা মথৌ তাই”

Posted On: 25 AUG 2020 8:23PM by PIB Imphal

কেন্দ্রগী হকশেল অমসুং য়াইফ য়ুম্বাল মন্ত্রী দা: হর্শ বর্ধননা ৩৫ শুবা নেস্নেল আই দোনেসন থাখায় থৌরমদা দিজিতেল ওইনা ৱা ঙাঙখ্রে অমসুং এইম্স নই দিল্লী অমসুং নেস্নেল আই বেঙ্ক অনিনা শীন্দুনা পাঙথোকপা ইন্তরএক্তিব ৱেবিনার থৌরম মপু ওইনা শরুক য়াখ্রে‍।

এইম্স (দিল্লী) অমসুং কেন্দ্রগী হকশেল অমসুং য়াইফ য়ুম্বাল মন্ত্রালয় অনিনা পাঙথোকখিবা নেস্নেল ব্লাইন্দনেস এন্দ ভিজুএল ইম্প্যারমেন্ত সর্ভে ২০১৯গী মতুং ইন্না ভারত্তা চহী ৫০গী মখাদা লৈবা অনাবশিংগী মরক্তা মীৎ তাঙবগী খ্বাইদগী মরুওইবা মরমদি কোর্নিএল ব্লাইন্দনেসনা ওইদুনা কেসশিং অদুগী চাদা ৩৭.৫ ওই অমসুং চহী ৫০গী মথক্কী মীওইশিংদনা অনিশুবা মরম ওইরি হায়না মীয়ামদা নীংশিংলদুনা মহাক্না হায়খিবদা “কোর্নিএল ব্লাইন্দনেস অসি মালেমগী ওইনা মীৎ তাঙবগী খ্বাইদগী চাউবা মরম ওইরি‍। ৱর্ল্দ হেল্থ ওর্গনাইজেসনগী রিপোর্তকী মতুং ইন্না মালেমগী অপুনবা মীশিংগী চাদা ৫দি কোর্নিএল ব্লাইন্দনেসনা মরম ওইদুনা মমীৎ তাঙই‍। ভারত্তা চাউরাক্না মীওই লাখ ৬৮দি য়াম্দ্রবদা মীৎ নাম্ম কোর্নিএল ব্লাইন্দনেসনা শোকহল্লি; মসিগী মনুংদা মীওই লাখ ১০দি মীৎ অনিমক তাঙই‍।”

কোর্নিএল ব্লাইন্দনেসকী হৌজিকফাওবদা লৈরিবা অমত্তা ঙায়রবা লায়েং পথাপ্তি কোর্নিএল ত্রান্সপ্লান্ত ওইবা মরম্না, কোর্নিএল তিসুগী দিমান্দ অমসুং সপ্প্লাইগী লৈরিবা অহোবা অসু মেনশিন্নবা পাক শন্না খঙহনবগী চাং হেনগৎহন্নবা ৱাফম শরুক য়াখিবা ময়ামদা মহাক্না থমখি‍। হৌখিবা থা খরসিদা কোবিদ লাইচৎ অমসুং মসিগা মরী লৈনবা অকিবনা মরম ওইরগা দোনেসনগী চাং হন্থরকপা অসিগী মতাংদা ৱা ঙাঙলদুনা মহাক্না ফোঙদোকখিবদা, “লাইচৎ অসিগী চৈথেং ফংলিবা ইমর্জেন্সী নত্তবা মেদিকেলগী থৌওংশিংগী মরক্তা খ্বাইদগী শাথিনা শোকহল্লিবশিংগী মরক্তা মীৎকী বেঙ্কিং সিস্তেম অসিনি‍। ভারত য়াওনা লৈবাক কয়ামরুমগী মীৎ বেঙ্কিংগী চৎন-পথাপশিংনা লোকদাউনগী থৌরাংশিং মপুং ফানা চঙশিল্লিঙৈ মরক্তা দোনরশিংদগী কোর্নিয়া লৌথোকপা অমদি ইলেক্তিব কোর্নিএল ত্রান্সপ্লান্তেসন সর্জরীশিং মতম খরগী ওইনা লেপ্ননবা পাউতাক পীরি‍। মসিনা মরম ওইরগা এপ্রিল-মেদা মশীং পাদ্রসু য়াবা চাংদা কোর্নিয়া লৌথোকপগী থবক চত্থখি অমদি কোর্নিএল ত্রান্সপ্লান্ত সর্জরী চাদা ৯০গী চাংদা হন্থখি‍।” তোনর কোর্নিয়াদগী ভাইরস অসি লৌনরকপগী থাজাবা য়াম্না ৱাৎলি হায়বা কেদিকেল কম্ম্যুনিতীগী পাউতাকশিং মহাক্না হন্না নীংশিংখি‍।

ভারত্তা হোস্পিতাল কোর্নিয়া রিত্রাইভেল প্রোগ্রামগী খুত্থাঙদা নন-কোবিদ অনা লায়েংশঙশিংদা আই বেঙ্কিংগী থৌওংশিং মখা চত্থবা হৌরকপদা মহাক্না নুংঙাইবা ফোঙদোকখি অমদি তিসু ফংগদৌরিবা অমসুং মদুগী হেন্দল তৌগদৌরিবশিং শাফনবগীদমক্তা কোর্নিএল তিসু রিত্রাইভেলগী মতাংদা চেকশিন থৌরাংশিংগী মচা খায়বা পাউতাক ৱারোল পুথোরকপগীদমক্তা মহাক্না আই বেঙ্ক এসোসিএসন ওফ ইন্দিয়া (ই.বি.এ.আই.)বুসু হরাউ তয়াম্বা ফোঙদোকখি‍।

অদুম ওইনমক মহাক্না থৌরমদুদা শরুক য়ারিবশিংদা ভারতকুমবা মীশিং য়ামবা লৈবাক অমদদি হৌজিক লৈরিবা স্তেতিস্তিক্স অসি পেন্নিংঙাই ওইদা হায়বা চেকশিনৱা থমখি‍। হৌখিবা চহী হুম্ফুরোমসিদা তৌবা ঙম্লমদবশিং ফংননবা প্রধান মন্ত্রীগী থৌরাং অসিদগী পুক্নীং থৌনা ওইদুনা কোর্নিএল দোনেসন অমসুং ত্রান্সপ্লান্তকী চাং খংচোং চোংদুনা মশীং য়ামহন্নবা থৌরমদুদা শরুক য়াখিবশিংদা মহাক্না ফোঙদোকখি‍। ত্রোমা সেন্তরশিং অমসুং মোর্চুৱরীশিংদা কলেক্সন কাঙবু মওং চুম্না থম্বনচিংবা খুজিন থৌরাং মরাং কায়না লৌখৎপগী তঙাইফদবা লৈ‍। মতিক চাবা মহৈ ফংনবা অমদি প্রধান মন্ত্রীগী ২০২২ ফাওবগী ভিজন ওফ নিউ ইন্দিয়া ফংনবা পান্দম থমদুনা মীৎয়েঙ চঙবা মথৌ তাই,” হায়না মহাক্না মখা তাখি‍।

এইম্স দাইরেক্তর প্রোফেসর রন্দীপ গুলেরিয়া, এইম্সকী রাজেন্দ্র প্রসাদ আই সেন্তরগী চীফ দা: অতুল কুমার, নেস্নেল আই বেঙ্ক চেয়রমেন দা: জীবন এস. তিতিয়াল অমসুং তোঙান তোঙানবা মেদিকেল এসোসিএসনশিং অমসুং ইনস্তিত্যুসনশিংগী দোক্তরশিং অমসুং ওফিসিএলশিংসু থৌরমদুদা দিজিতেল ওইনা শরুক য়াখি‍।

****



(Release ID: 1648645) Visitor Counter : 57