কেন্দ্রগী এজুকেসন মন্ত্রী শ্রী রমেশ পোখ্রিয়াল 'নিশঙ্ক'না নেস্নেল বাল ভাবনগী য়েংশিন মীফম অমা ঙসি নই দিল্লীদা পাঙথোকখ্রে। মীফম অদুদা সেক্রেতরী, এস.ই.অমসুং এল., শ্রীমতি অনিতা কারৱল, জোইন্ত সেক্রেতরী, স্কুল এজুকেসন, শ্রী আরা.সি. মীনা অমসুং নেস্নেল বাল ভাবনগী মকোক থোংবা ওফিসিএলশিংসু শরুক য়াখি।

মীফম অদুগী মনুংদা এজুকেসন মন্ত্রীনা নেস্নেল বাল ভাবনগী থবক থৌরমশিং য়েংশিনখি অমসুং ওফিসিএলশিংদা এন.বি.বি.গী থবকশিং হৌজিক ওইরিবা ফিবমশিং য়েংদুনা থবক য়াঙখৎহন্নবা খঙহনখি। মহাক্না এন.বি.বি.না হৌখিবা চহী অনীরোমসিদা লৈখিবা চাউখৎপশিং, হৌজিক হৌজিক লৈরিবা মেম্বরশিপকী অকুপ্পা মরোল অমসুং ত্রেনিং প্রোগ্রামশিংগী মতাংদা য়েংশিনখি।

মন্ত্রীনা ওফিসিএলশিংদা মহৈরোইশিংগী ওইবা কলচরেল একচেঞ্জগী থৌরমশিং ৱেবিনারগী খুথাংদা পাঙথোক্তুনা লৈবাক অসিদা লৈরিবা তোঙান-তোঙানবা নাৎশিংগী মতাংদা খঙহন্নবা হোৎননবা খঙহনখি। শ্রী পোখ্রিয়ালনা ওফিসিএলশিংদা বাল ভাবনগী থবকশিংবু মালেমগী থাক্তা পুখৎনবগী থৌরাংশিং লৌখৎনবা খঙহনখি।

শ্রী নিশঙ্কনা নেসনেল বাল ভাবন অসি ঐখোয়গী অঙাংশিংনা তোঙান-তোঙানবা ক্রিএতিব ওইবা থবকশিং তম্নবগী খ্বাইদগী ফরবা মফম অমনি হায়না ফোংদোকখি, অমসুং ঐখোয়না থবক থৌরমশিং অসিবু রিজনেল সেন্তরশিংদা পাকথোক চাউথোকহন্দুনা অহেনবা অঙাংশিংদা কান্নবা ফংহন্নবা হোৎনগদবনি হায়না হায়খি। মহাক্না হায়খি মদুদি, অঙাংশিংদা ক্রিএতিব ওইবা থৌরমশিং হেনগৎনবগীদমক নেসনেল বাল ভাবন্না অঙাংশিংগীদমক নেসনেলগী থাক্তা মনা পীবীনবা খঙহনখি অমসুং ওফিসিএলশিংদা হীরম অসিগী মতাংদা পোরম য়াৎনবা খঙহনখি।

এজুকেসন মন্ত্রীনা নেসনেল বাল ভাবন্দা লৈরিবা অহাংবা ফমগী মতাংদা য়েংশিনখি অমসুং অহাংবা ফমশিং মেনশিনবগী থবক থৌরম খোংজেল য়াংখৎহন্নবা খঙহনখি।

*****