نئی دلّی ،24 اگست / فضائیہ کے سربراہ  ایئر چیف مارشل راکیش  کمار سنگھ بھدوریا   نے 24 اگست  ، 2020 ء کو ڈجیٹل انڈیا   کے ایک حصے کے طور پر فضائیہ کے صدر دفتر  وایو بھون میں فضائیہ کی موبائل  ایپلی کیشن " مائی آئی اے ایف " لانچ کی ۔ یہ ایپلی کیشن  سینٹر فار ڈیولپمنٹ آف ایڈوانس  کمپیوٹنگ  ( سی – ڈی اے سی ) کے اشتراک سے تیار کی گئی ہے اور یہ  بھارتی فضائیہ  ( آئی اے ایف ) میں شامل ہونے کے خواہش مند  امید واروں کو   کیریئر سے متعلق معلومات  اور تفصیلات  فراہم کرے گی ۔

          استعمال کرنے والوں کے لئے آسان فارمیٹ میں  یہ ایپ   ایسے امید واروں کے لئے ایک واحد ڈجیٹل پلیٹ فارم کے طور پر  خدمات فراہم کرے گی  ، جس میں   سلیکشن کا طریقۂ کار  ، تربیت کا نصاب  اور  آئی اے ایف  میں  افسران اور  دیگر سپاہیوں کے لئے  تنخواہ اور  دیگر بھتوں وغیرہ  کی معلومات فراہم کرے گی ۔  یہ ایپلی کیشن  اینڈرائیڈ  فون کے لئے  گوگل پلے  اسٹور میں  دستیاب ہے اور اسے  آئی اے ایف کے  سوشل میڈیا پلیٹ فارمس  اور گیمز  سے منسلک کیا گیا ہے اور یہ آئی اے ایف  کی تاریخ اور  بہادری کے کارناموں  کی بھی جھلکیاں پیش کرتی ہے ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

( م ن ۔ و ا ۔ ع ا )

U. No.  4781