রোদ ত্রান্সপোর্ত অমসুং হাইৱে মন্ত্রালয়

মীয়ামগী চৎথোক-চৎশিনগী থবকশিংদা চাউখৎলবা নমুনাশিং, বাইওফুএল, ইলেকত্রিসিতি অমসুং সি.এন.জি শীজিন্ননবা শ্রী গাদকরিনা হায়রি

Posted On: 24 AUG 2020 6:36PM by PIB Imphal

রোদ ত্রান্সপোর্ত অমসুং হাইজৱেজগী য়ুনিয়ন মিনিস্তর নিতিন গাদকরিনা হায়খি বাইওফুএলশিং, সি.এন.জি অমসুং ইলেকত্রিসিতিনা থাও ওইনা শীজিন্নদুনা মীয়ামগী চৎথোক-চৎশিনগী থবকশিং মতমগা চুনবা মওংদা শেমগৎকদবনি। ঙসি ৪সুবা য়ু.আই.তি.পি ইন্দিয়া বস সেমিনারগী ৱেবিনার অমদা ৱা ঙাংবদা মহাক্না হায়খি মমল তাংবা হান্নগী থাউশিং লৈবদা স্তেৎ রোদ ত্রান্সপোর্ত অন্দরতেকিংশিং য়াম্লবা শেনফম চাদিং তৌরি। বাইওফুএলশিং, সি.এন.জি অমসুং ইলেকত্রিসিতিনা থাও ওইনা শীজিন্নগদবনি। মসিনা থাও লৈবগী শেনফম কনবা খক নত্তনা শেন-থুমগী ফিবম ফগৎহনবা অমসুং পোল্লুসন হন্থনবদা মতেং পাংগনি। হৌজিক লৈবাক অসিনা মপান্দগী শুংদোক্ত্রিবা থাও লৈবদা শেন য়াম্না তিংলিবা অসি হন্থহনবা দরকার ওই।

মহাক্না হায়খি, নাগপুরদা বস ৪৫০ বাইওফুএলদা ওন্থোকপা হৌরে। হৌজিক ফাওবদা বস ৯০ বাইওফুএল ওন্থোকখ্রে। বসশিং চেনবদা চহি অমদা লুপা করোর ৬০ মাঙবা অদু বসশিং সি.এন.জি ওন্থোকপগী কনবা ঙম্লে। অমোৎপা ঈশিংদগী সি.এন.জি পুথোক্নবা থবক পায়খৎপা হৌরে। সি.এন.জি পুথোক্নবা চরু/পারালি শীজিন্নবা অসিনা লৌমীশিংদা, চৎথোক-চৎশিন অমসুং শেন-থুমদা কান্নবা পীগনি।

মিনিস্তরনা হায়খি মীয়ামগী চৎথোক-চৎশিনগী থবকশিং হেন্না ফগৎহন্নবা লনাই কম্পেনিশিংগী শেন শীজিন্ননবা লন্দন বস মোদেল শীজিন্নগদবনি। পব্লিক প্রাইবেত পার্তনরসিপ(পি পি পি) পুক্নিং থৌগৎকদবনি। মতমগা চুনবা অনৌবা খুদোংচাবশিং লৈগদবা বস পোর্তশিং শেমগৎনবা থৌরাং তৌরে। মথোল লোংবা বসশিং চেনবনা মীয়ামগী চৎথোক-চৎশিনগী থবকশিং ফগৎহনগনি। বস ওপরেতরশিংনা অফবা মীওইশিং, ঈশৈ, ভিদিও ফিল্মশিং বসশিং ফংহন্নবা হোৎনগদবনি অমসুং শেন্দোং হেন্না ফংগনি।

*****



(Release ID: 1648324) Visitor Counter : 128