নেস্নেল সুগর ইনস্তিত্যুৎ, কানপুরনা শীন্দুনা নুমিৎ মঙানি চুপ্না পাঙথোক্কদবা ‘একজেক্যুতিব দেভেলপমেন্ত প্রোগ্রাম’ ঙসি ফুদ অমসুং পব্লিক দিস্ত্রিব্যুসন সেক্রেতরী শ্রী সুধান্সু পান্দেনা ভর্চুএল ওইনা হৌদোকখ্রে‍। থৌরম অসি ভারতকী অমসুং মপান লমগী চিনিগী ইন্দস্ত্রীশিংদগী মকোক থোংবা একজেক্যুতিব ১০০রোম্না শরুক য়ারি‍। হৌদোকপগী ৱারোলদা সেক্রেতরী দি.ও.এফ.পি.দি.না মালেমগী চিনিগী ফীভম অমসুং মরী লৈনবা শেন্মিৎলোন অমসুং কৈথেলগী দিমান্দগী মতুং ইন্না চিনি অমসুং ইথানোল পুথোকপা ফ্লেক্সি সুগর ফেক্তরীশিং শেমগৎনবগী মতাংদা ৱা ঙাঙখি‍। মহাক্না ‘আত্মনিরভর’ পুরক্নবা চিনিগী ফেক্তরীশিংবু বাইও-ইনর্জী অমসুং অখন্নবা চিনি য়াওনা অতোপ্পা ভেল্যু এদেদ পোত্থোকশিংগী হব ওন্থোক্নবা ৱাফম থমখি‍। ইনস্তিত্যুৎ অদুবু থাগৎলদুনা মহাক্না শেন্মিৎলোন অমদি মহৌশাগী ফীভমগী লমশিংদা তুং কোইনা চৎনগদবা চিনিগী ইন্দস্ত্রীশিং লৈহন্নবগীদমক্তা থবক শুরিবা থৌমীশিংগী ৱাখল লৌশিং হেনগৎহন্ননবা অসিগুম্বা ওনলাইনগী থৌরম হেন্না পাঙথোক্নবা ৱাফম থমখি‍।

শ্রী সুবোধ কুমার সিংহ, জোইন্ত সেক্রেতরী (সুগর অমসুং এদমিনিস্ত্রেসন), দি.ও.এফ.পি.দি.নসু থৌরমদুদা ৱা ঙাঙখি অমদি ইথানোল ব্লেন্দিং প্রোগ্রামশিংগীদমক ইথানোল ফংবগী চাং হেনগৎহন্নবা অমদি চিনি পুথোকপা-দিমান্দগী ফীভম চাং মান্নহন্নবগীদমক্তা চিনি ফেক্তরীশিংদা চুহিং, সাইরপ অমসুং হেভী মোলাসনচিংবা শীজিন্নদুনা ইথানোল পুথোকপগী থবক পায়খৎনবা ৱাফম থমখি‍। চাদা ১০গী চাংদা ইথানোল ব্লেন্দিংগী পান্দম থম্লিবা অসিদা ঐখোয়না শুপ্নতগী চাদা ৫ খক্তমক ব্লেন্দিং তৌবা ঙম্লি অমদি ইথানোলগী কৈথেল অসি শোয়রোইদবা ওইবা মরম্না মসি পুথোকপনা চিনি ফেক্তরীশিংনা মখোয়গী শেনথুমগী ফীভম ফগৎহনবদা মতেং ওইগনি‍। মসি লৈবাক অসিগী তরু তরুবা অমদি অশংবা থাউ পুথোক্নবগী, ইনর্জী সিক্যুরিতী ফংবা ঙম্নবগী অমদি ক্রুদ ওইল পুশিল্লক্নবগী মথৌ তাবা ফোরেন এক্সচেঞ্জ তুংশিন্দুনা থম্নবগী ইন্তরেস্ততনি হায়না মহাক্না মখা তাখি‍।

প্রোফেসর নরেন্দ্র মোহন, দিরেক্তর, নেস্নেল সুগর ইনস্তিত্যুৎ, কানপুরনা “স্ত্রেতজিক প্লান্নিং অমসুং ওপ্তিমাইজেসন ওফ রিসোর্সেস”কী মতাংদা পীখিবা মহাক্কী ৱারোলদা চিনি মরাং কায়না লৈবা অমসুং কোবিদ-১৯গী চৈথেংগী ফীভমসি য়েংলগা একজেক্যুতিবশিংনা হৌজিক ওইরিবা ফীভমসিদা খ্বাইদগী ফবা লল্লোন ইতিক্কী মওং অমা পুথোক্নবগীদমক্তা রিভিজিত, রিওরিএন্ত অমসুং রিক্রিএত”গী লাইৱা তুং ইনবা মথৌ তারি‍। “ফার্মদগী ফোর্ক ফাওবা” অমদি “এন.-ও.-এন.” হায়বদি নেচরেল, ওর্গানিক অমসুং ন্যুত্রিতিব স্বীত্নর্স পুথোকবা হায়বা ৱাফমসি চিনিগী ইন্দস্ত্রীশিংগী মকোক থোংবা এজেন্দা ওইগদবনি‍।

ওসস্ত্রেলিয়াগী ক্বীন্সলেন্দ য়ুনিভর্সিতী ওফ তেক্নোলোজীদগী প্রোফেসর রোস ব্রোদফুতনা চিনি পুথোকপা লৈবাক কয়াগী তেক্নোলোজিকেল ফীভমগী মতাংদা চাউরাকপা মশক অমা থম্লদুনা মতম পুম্নমক্তা হোংলিবা লল্লোন ইতিক্কী মথৌ তাবশিংগীদমক তোঙান তোঙানবা চাউখৎলবা তেক্নোলোজি শীজিন্নবা মথৌ তাই হায়বা ৱাফম থমখি‍। দাইভর্সিফিকেসন তৌবসি চিনিদগী লাকপা শেনফমদা তাংদুনা লৈবা হন্থহনবদা মরু ওইবতা নত্তনা মপুং ফানা থবক তৌবগী পেরামিতরশিং ওনবা অমসুং পুথোকপগী মমল হন্থহন্নবা এস.ও.পি.শিং থমবসু মথৌ তাই হায়না মহাক্না মখা তাখি‍।

আই.আই.তি.-রুরকীগী প্রোফেসর দা: বিনয় শর্ম্মসু “কোলাবোরেতিব লীদরসিপ অমসুং লীদরসিপ দেভেলপমেন্ত” হায়বা হীরমদা ৱা ঙাঙখি‍। পোত্থোক পুথোকপা হেনগৎহন্নবা অমদি অফবা লল্লোন ইতিক্কী ফীভম লৈহন্নবগীদমক শিন্মী খুদিংমক্না মখোয়দা পীরিবা থবকশিং অদুগী মপু ওইনা থবক তৌবা মরুওই‍।

****