সাইন্স অমসুং তেক্নোলোজী মন্ত্রালয়
‘এরোসেল এয়র ক্বালিতী, ক্লাইমেৎ চেঞ্জ এন্দ ইম্পেক্ত ওন ৱাতর রিসোর্সেস এন্দ লাইফলিহুদস ইন দি গ্রেতর হিমালয়াস’তা মালেমগী অচৌবা ওনলাইন কনফরেন্স অমা এরীস নৈনিতালনা শিল্লগনি
Posted On:
24 AUG 2020 12:11PM by PIB Imphal
সেপ্তেম্বরগী ময়াই চল্লকপা অসিদা এরোসেল এয়র ক্বালিতী, ক্লাইমেৎ চেঞ্জ এন্দ ইম্পেক্ত ওন ৱাতর রিসোর্সেস এন্দ লাইফলিহুদস ইন দি গ্রেতর হিমালয়াস্তা মালেমগী অচৌবা ওনলাইন কনফরেন্স অমা উবগী খুদোংচাবা অমা পীরি। কনফরেন্স অসিদা ভারত, নেপাল অমসুং বঙ্গালদেশকী মরু ওইবা হীরমশিংদা খন্নগনি -- ইন্দস্ত্রিএলাইজেসন অমসুং অর্বানাইজেসনগা মরী লৈনবা এয়র পোলুসন লেপ্তনা হেনগৎলকপা অমসুং মসিনা মরম ওইরগা ওইহল্লকপা রিজনেল নত্রগা মালেমগী নুংশিৎকী ক্বালিতী, বিজিবিলিতী দিগ্রেদেসন, ক্লাউদ ফোর্মেসন, অমসুং নুংশিৎকী কুয়োমগী মওং, রেদিএসন বজেৎ, ইকোসিস্তেম, হিমালয়গী অইং-অশা, অমসুং গ্লেসিওলোজী, ক্রিয়োস্ফিয়র, নোংজুগী মওং-মতৌশিং, ঈশিংগী ফীভম অমসুং মীওইবগী হকশেল অসিদা মপুং ওইবা মীৎয়েং থমগনি।
ভারত সরকারগী দিপার্তমেন্ত ওফ সাইন্স এন্দ তেক্নোলোজী (দি.এস.তি.)গী মখাদা লৈবা ওতোনোমস রিসর্চ ইন্সতিত্যুৎ অমা ওইরিবা নৈনিতালগী আর্য়ভত্তা রিসর্চ ইন্সতিত্যুৎ ওফ ওবজর্ভেস্নেল সাইন্সেস (এরীস) অমসুং উত্তরাখন্দ, পৌরি গর্হৱাল, স্রিনাগরগী হেম্বরি নন্দান বহুগুনা গর্হৱাল য়ুনিভর্সিতী (ঐচ.এন.বি.জি.য়ু.) (এ সেন্ত্রেল য়ুনিভরজসিতী)না ‘এরোসেল এয়র ক্বালিতী, ক্লাইমেৎ চেঞ্জ এন্দ ইম্পেক্ত ওন ৱাতর রিসোর্সেস এন্দ লাইফলিহুদস ইন দি গ্রেতর হিমলয়াস্তা’ নুমিৎ হুমনিগী ওইবা সেপ্তেম্বর ১৪-১৬ ফাওবা ওনলাইনগী মালেমগী ওইবা কনফরেন্স অমা পুন্না শিল্লি। মালেমগী ওইবা কনফরেন্স অসি দি.এস.তি.গী গোল্দন জুবিলী কোম্মমোরেসন ইয়র পাল্লন তৌবগী শরুক অমা ওইনা শিনবনি। মসি লায়চৎ অসিগী মনুংদা নৈনিতালগী এরীস্তা পাঙথোকপা অহানবা মালেমগী ওইবা ওনলাইন কনফরেন্সনি।
কনফরেন্স অসিদা বর্তন তৌরিবা ৱাঙাংলোয়শিং অসি মালেমগী তোঙান তোঙানবা মফমশিংদগীনি অমসুং মখোয়না মখাদা পীরিবা হীরমশিং অসিদা ৱা ঙাংগনি: ইন্দো-গেঞ্জেতিক প্লেনশিং অমসুং সেন্ত্রেল গেঞ্জেতিক হিমালয়ন রিজন, হিমালয়ন গ্লেসিয়রশিংদা হেনগৎল্লক্লিবা এয়র পোলুসন, হিমালয়ন গ্লেসিয়রদা অইং-অশাদা হোংলকপনা ওইহল্লিবা অমসুং হিমালয়সকী নোংজুগী ফীভম, থোকহন্নিংদবা থৌদোক অমসুং অতোপ্পা কয়ানি। রিভ্যু তৌরবা প্রজেন্তেসনশিং অদু জর্নেল ওফ আর্থ সিস্তেম সাইন্স (জেস)তা “এরোসোলস-ক্লাইমেৎ ইন্তরেক্সন এন্দ ৱাতর রিসোর্সেস ওভর দি হিমলয়স” হায়না মিংথোনবা থেমেতিক ইসু অমা ওইনা ফোঙগনি।
নৈনিতালগী এরীস অসিনা চহি খুনরোমগী মমতাংদগী এতমোস্ফেরিক সাইন্স অমসুং অইং-অশাদা হোংলক্লিবা অসিগী লমদা রিসর্চকী থবকশিং হৌখি। এরোসোলশিং অমসুং ত্রেস গ্যাসশিংগী তোঙান তোঙানবা ওপ্তিকেল, ফিজিকেল অমসুং কেমিকেলগী মওং মতৌশিং মফম অদুমক্তদা ওন্নবা সেন্ত্রেল হিমালয়ন রিজনগী মরু ওইবা মফম অমা ওইরিবা মনোরা পার্ক্তা অনৌবা খুলাইগী বেত্তরী অমা ইন্সতোল তৌখি। লমশিং অসিদা এরীসনা জাতিগী অমদি অন্তর্জাতিগী থাক্তা চুংশিন্নখ্রে।
[দা. উমেশ চন্দ্র দুমকা(E-mail: dumka@aries.res.in; ০৯৮৯৭৫৫৯৪৫১) অমসুং দা অলোক এস গৌতম
(E-mail: phyalok[at]gmail[dot]com; ০৯৯৩৫৬৪৭৩৬৫)তা মখা তাবা ৱারোলগীদমক পাও ফাওবীয়ু।]
![ARIES conference1](https://static.pib.gov.in/WriteReadData/userfiles/image/image003U17E.jpg)
ফিগর ১: কনফরেন্সকী বেনর
![ARIES conference](https://static.pib.gov.in/WriteReadData/userfiles/image/image004DWN5.jpg)
ফিগর ২: কনফরেন্সকী ব্রোচর
*****
(Release ID: 1648176)
Visitor Counter : 153