কঞ্জ্যুমর এফিয়ার্স, ফুদ অমসুং পব্লিক মন্ত্রালয়গী মখাদা লৈবা ফুদ অমসুং পব্লিক দিস্ত্রিব্যুসন বিভাগনা রাজ্য/য়ু.তি.শিংদা  নেস্নেল ফুদ সেক্যুরিতী এক্ত ২০১৩গী মনুংদা মতিক চাবা শোইনারবা মীওইশিং য়াওহন্নবা চিথি ইদুনা খঙহনখ্রে। এক্ত অসিগী সেক্সন ৩৮না কেন্দ্র সরকারনা রাজ্য সরকারশিংদা এক্ত অসিগী মখাদা থবক নীংথিনা পাঙথোক্নবা মতম মতমগী মনুংদা হায়বা য়াই। বিভাগ অসিনা রাজ্য/য়ু.তি.শিংদা এন.এফ.এস.এ.গী কাঙলোনগী মতুং ইন্না বেনিফিশরী ওইবা য়াবা শোইনাইবা মীওই খুদিংমক নেস্নেল ফুদ সেক্যুরিতী এক্ত ২০১৩গী মনুংদা চলহন্নবা অমসুং এন.এফ.এস.এ. অমসুং পি.এম.জি.কে.এ.ৱাই.গী এক্ত অসিগী মতুং ইন্না ফংফম থোকপা চেং-হৱাই খুদিংমক ফঙহন্নবা হায়খ্রে।

মসিগী মনুংদা চন্দবা মীওইশিং অদু কাঙলোনগী মতুং ইন্না অনৌবা রেসন কার্দ পীদুনা হায়রিবা অসিগী মনুংদা চলহনগদবনি হায়রি। শোইনাইবা হায়বসি এ.এ.ৱাই.গী ইমুংগী মনুংদা চনবগী কাঙলোন অমনি অমসুং মখোয়শিং অসি খুন্নাই অসিদা খুদোংচাদবা কয়া তাবা মীওইশিংনি হায়খি। অনৌবা কাঙলোনগী মতুং ইন্না মখোয়শিং অসি রাজ্য/য়ু.তি.শিংনা হান্না তৌগদবা থবক অমা ওইনা অহেনবা মিৎয়েং চংগদবা ইমুংগী মনুংদা চলহন্নবা চিথি অসিনা মখা তানা হায়খি।

নেস্নেল ফুদ সেক্যুরিতী এক্ত ২০১৩গী সেক্সন ১০না স্কিম অসিগী গাইদলাইনগী মতুং ইন্না অন্তোদয়া অন্ন য়োজনাগী মনুংদা চনগদবা মীওইশিংগী মরমদা হায়রি অমসুং রাজ্য সরকারনা হায়বগী মতুং ইন্না লেমহৌরিবা ইমুং-মনুংশিং অসিনা অহেনবা মিৎয়েং চংগদবা ইমুংগী মনুংদা চলহন্নবা হায়রি।

ভারত সরকারগী আত্মানির্ভর ভারত পেকেজ অসি এন.এফ.এস.এ. অমসুং অতোপ্পা রাজ্যগী পি.দি.এস. কার্দকী মনুং চন্দবা মীওইশিংগীদমক্তনি। মরম অদুনা রেসন কার্দ পাইদবা শোইনাইরবা মীওইশিং অসি আত্মানির্ভর ভারত পেকেজকী মনুং চনফম থোকই। স্কিম অসি ওগস্ত ৩১, ২০২০দা লোইগদবা অসিনা মসিগীদমক্তা চয়োল অমা ৱাৎলি অমসুং রাজ্য/য়ু.তি.শিংনা রেসন কার্দ পাইদবা শোইনাইবা মীওইশিং মশক খংদোক্তুনা পেকেজ অসিগী খুদোংচাবা ফংহন্নবা বিভাগনা মখা তানা হায়খি। স্কিম অসি মে, ২০২০দা হৌখিবনি অমসুং মসিগী মনুংদা চনগদবা রেসন কার্দ পাইদবা মতিক চাবা মীওই খুদিংমক চনফম থোক্লবনি হায়না চিথি অসিদা পনখি। সরকারনা লৌখৎখ্রিবা রেসনশিং অসি মতিক চাবা বেনিফিশরীশিংদা য়েন্নবা লৌখৎখিবনি অমসুং মসিগী মনুংদা রেসন কার্দ পাইদবা শোইনাইবা মীওইশিংসু য়াওরবনি। রাজ্যশিংনা হীরম অসিগা মরী লৈননা পায়খৎফম থোকপা থবক পায়খৎনবসু খঙহনখি।

****