কম্পিতিসন কম্মিসন ওফ ইন্দিয়া (সি.সি.আই.)না সিমেন্স লিমিতেদনা সি. অমসুং এস. ইলেক্ত্রিক লিমিতেদ লৌশিন্নবা ৱাফম হৌদোক্লকপা অদুগী অয়াবা পীখ্রে। পুন্সিন্নবগী ৱাফম হৌদোরক্লিবা অসিদা সিমেন্স লিমিতেদনা সি. অমসুং এস. ইলেক্ত্রিক লিমিতেদকী শ্যারগী ১০০% লৌশিনবগী ৱাফম য়াওরি।

পুন্সিনবগী ৱাফম হৌদোরকপা অসিবু লোইশিনবগী মতমদা সি. অমসুং এস.কী কারবারগী পাক চাউবা অসিদা য়াওগদৌরিবা অসি লো ভোলতেজ (এল.ভি.) স্বিচগ্যার কম্পোনেন্তশিং অমসুং পেনেলশিং, এল.ভি. অমসুং মীদিয়ম ভোলতেজ (এম.ভি.) পাৱর বসবারশিংগা লোয়ননা সি. অমসুং এস.কী প্রোতেক্সন অমসুং মীতরিং দিবাইসশিং য়াওরি। এম.ভি. স্বিচগ্যার অমসুং পেকেজ সব-স্তেসন, মৈ থানবগী, দিজল জেনেরেতিং সেৎশিং, ইঞ্জিন্যারিং, প্রোক্যুরমেন্ত অমসুং কস্ত্রক্সনগী কারবারশিং অমসুং ‘ইতাকোম’ বসবারগী কারবারশিং অসিদি হৌজিক লৈরিবা সি. অমসুং এস.কী প্রোমোতরশিংনা অদুমক পায়গনি।

সিমেন্স ইন্দিয়ানা পাৱর জেনেরেসন অমসুং দিস্ত্রিব্যুসন, বিলদিংগী ইন্তেল্লিজেন্ত ইনফ্রাস্ত্রকচর অমসুং দিস্ত্রিব্যুতেদ ইনর্জী সীস্তেমশিং অমসুং মেন্যুফেকচরিং ইন্দস্ত্রীশিংদা ওতোমেসন অমসুং দিজিতেলাইজেসনগী থৌওংশিংদা অহেনবা মিৎয়েং চংলি। মখোয়না রেল অমসুং রোদ ত্রান্সপোর্ত অমসুং স্মার্ত সিতীশিংগী ইনফ্রাস্ত্রকচরগী সোল্যুসনশিংগী হীরমগী পোত্থোকশিংসু পীরি।

সি. অমসুং এস.না ইলেক্ত্রিকেল স্বিচগ্যার, পাৱর প্রোতেক্সন অমসুং ইলেক্ত্রিকেল দিস্ত্রিব্যুসনগী পোত্থোকশিংগী য়াম্লবা মখল কয়া শেম-শাবা তৌই। সি. অমসুং এস.কী ইন্দস্ত্রীএল অমসুং কম্মর্সিএল ইলেক্ত্রিফিকেসন তৌবা, সবস্তেসনশিং অমসুং পাৱর প্লান্তশিংগগী মরক্তা ইলেক্ত্রিকেলগী মপুং ওইবা পোত্থোকশিংগী কার্বার তৌমিন্নবগী কন্ত্রেক্তসু লৈ। মসিগী মথক্তা সি. অমসুং এস. অসি গ্রিদকা শম্নবা সোলার ফোতো-ভোলতাইক পাৱর প্লান্তশিং দিজাইন তৌবা অমসুং থবক ওইনা পাঙথোকহনবগী হীরমদসু থবক তৌই।

সি.সি.আই.গী অকুপ্পা ৱারোল অমা মখা তানা থোকলকখিগনি।

****