কোবিদ-১৯গা লোয়ননা হিংবা তম্নবগী অনৌবা পুন্সি মহিংগী মায়কৈদা ঐখোয়না চঙশিল্লকপগা লোয়ননা আরোগ্য সেতুগী কাঙবুনা ‘ওপন এ.পি.আই. সর্ভিস’ কৌবা অনৌবা ফীচর অসি পুথোরকপনি‍। লল্লোন ইতিকশিং অমসুং শেন্মিৎলোন শাফনা মথৌ তৌবা হৌহনবা য়াননবগীদমক ওপন এ.পি.আই. সর্ভিস অসিনা লূপশিংবু আরোগ্য সেতুগী ওইরিবা ফীভম য়েংশিনবা য়াহল্লি অমদি মসিদা য়াওরিবা তোঙান তোঙানবা ৱর্ক ফ্রোম হোমগী মচাকশিংগা পুনশিনহনবা য়াহল্লি‍। আরোগ্য সেতুগী ওপন এ.পিই.আই. সর্ভিস অসিনা কোবিদ-১৯ নারমবা য়াবগী অকিবা/খুদোংথিবা লৈববু কোকহল্লি অমসুং মীয়ামবু, লল্লোন ইতিকশিংবু অমদি শেন্মিৎলোনবু হান্নগী ফীভমদা হঞ্জিনহল্লকপদা মতেং ওইহল্লি‍।

আরোগ্য সেতুনা এপ্রিল ২, ২০২০দা হৌদোকখিবদগী হৌজিকফাওবদা ভারতকী কোবিদ-১৯গী লান্থেংদা থৌনা হাপ্লি‍। শীজিন্নবা মীশিং করোর ১৫ হেন্না লৈদুনা আরোগ্য সেতুনা মালেমগী ওইনা খ্বাইদগী মশীং য়াম্না দাউনলোদ তৌবা কন্তেক্ত ত্রেসিং এপ ওইরি‍। আরোগ্য সেতুদা মীয়াম্না মশীং য়াম্না ঙাক্লৌ পীরকপা অসিনা মাঙজিল থারিবা হকশেলগী থৌমীশিংদা অমদি লৈঙাক্তা কোবিইদ-১৯ হন্থহনবদা অমদি মেনেজ তৌবগী থৌওংদা চাউনা মতেং পাংলি‍। ব্লুতুথ কন্তেক্ত মিলিয়ন ৬.৬ হেন্না ত্রেস তৌখ্রে অমদি মখোয়গী মরক্তা চাদা ২৭ পোজিতিব ওইবা থেংনখি‍। মরম অসিনা আরোগ্য সেতুদা য়ুম্ফম ওইবা ব্লুতুথ কন্তেক্ত ত্রেসিং অমসুং তেস্ত তৌবা অসি নীংথিনা শীজিন্নবা য়াবা অমদি কান্নবা ওইরি‍। মতৌ অসুম্না মীওই কয়া অমদা চেকশিন্না লৈনবা অমদি ক্বারেন্তিন তৌননবা পাউতাক পীখ্রে অমদি মসিনা শন্দোরকপগী মরী থদৎপা ঙমহল্লে অমসুং ঙন্না খঙদোকহৌবা ঙমহন্দুনা ভারত্পু মী শিবগী চাং খ্বাইদগী নেমবশিংগী মরক্তা লৈহল্লে‍। লোকেসন দেতা অমসুং আরোগ্য সেতু এনালাইতিক্স শীজিন্নবা আরোগ্য সেতু ইতিহাস ইন্তর্ফেস অসিনা সব-পিন কোদকী থাক্তা হোতস্পোৎ ওইরক্কদবা মফমশিং মাঙজৌননা খঙদোকহন্দুনা হকশেলগী থৌমীশিং অমসুং এদমিনিস্ত্রেসসনদা মথৌ তাবা চেকশিন থৌরাংশিং লৌখৎপদা চাউনা কান্নহল্লি‍। য়াম্না কুপ্পা থাক্তা মিতর ৩০০ x ৩০০কী  থাক্তা হোতস্পোত ৩০,০০০ হেন্না শক খঙদোক্তুনা স্তেত লৈঙাক অমসুং দিস্ত্রিক এদমিনিস্ত্রেসনদা পীরি‍।

হেক পুথোকখিবদগী আরোগ্য সেতু লেপ্পা নাইদনা শেমদোক শাদোক্তুনা ই-পাস ইন্তিগ্রেসন, ক্যু.আর. কোদ স্কেন্নিং, ইমুং মনুংগী/শক খঙনবা মীওইশিংগা হকশেলগী ফীভম শ্যের তৌবনচিংবা অনৌবা ফীচরশিং হাপচিন্দুনা ঐ শাফবা, ঐখোয় শাফবা, ভারত শাফবা হায়বা আরোগ্য সেতুগী খোল্লাউগা চুননা ভারত অমদি ভারত মচাশিং শাফনা থমবদা চাউনা কান্নরি‍। 

ওপন এ.পিই.আই. সর্ভিস

আরোগ্য সেতুগী ওপন এ.পি.আই. সর্ভিস অসি শিন্মী ৫০ হেন্না লৈবা ভারত্তা রেজিস্তর তৌবা লূপশিং অমসুং লল্লোন ইতিক্কী এন্তিতীশিংনা শীজিন্নবা য়াগনি অমদি মখোয়গী শিন্মীশিংগী নৎত্রগা লূপ অদুদা মখোয়গী হকশেলগী ফীভম শ্যের তৌবদা অয়াবা পীরবা অতৈ আরোগ্য সেতু শীজিন্নবশিংগী আরোগ্য সেতু এপ্প্লিকেসনগী রিএল-তাইম ক্বেরী তৌবদা ওপন এ.পি.আই. সর্ভিস শীজিন্নবা য়াগনি‍। ওপন এ.পি.আই. অসিনা আরোগ্য সেতু শীজিন্নরিবশিংগী (মখোয়গী অয়াবা য়াওরগা) মিং অমসুং আরোগ্য সেতুগী ফীভম পীগনি‍। এ.পি.আই. অসিগী খুত্থাঙদা অতৈ পর্সোনেল দেতা অমত্তা পীরোই‍।

ওপন এ.পি.আই.গী রেজিস্ত্রেসন মসিদা তৌবা য়াগনি : https://openapi.aarogyasetu.gov.in

ওপন এ.পি.আই.গা মরী লৈনবা তেক্নিকেল ক্বেরীশিং মসিদগী খঙবিগনি: openapi.aarogyasetu[at]gov[dot]in

*******