তুরিজম মন্ত্রালয়না দেখো অপনা দেশ ৱেবিনার সিরিজকী মখাদা “অত্মানির্ভার ভারত – ইসুস কনফ্রন্তিং তুরিজম এন্দ ত্রেবেল” হায়না মিংথোনবা ৫০শুবা ৱেবিনার ওগস্ত ২০, ২০২০দা শিনখ্রে। ৱেবিনার অসি এম.এস.এম.ই. সেক্তর অমসুং মসিগী মখাদা লৈরিবা মখলশিং, এম.এস.এম.ই.শিংগী রেজিস্ত্রেসনগী প্রোসেস, সর্ভিসেস সেক্তরগী ওইনা এম.এস.এম.ই. মন্ত্রালয়গী ক্রেদিৎ/ফাইনান্স স্কিমশিং, পব্লিক প্রোক্যুর্মেন্ত পোলিসী অসিনচিংবগী মতাংদা ওইগনি। স্তেকহোল্দরশিংদা এম.এস.এম.ই.গী তোঙান তোঙানবা হীরমশিং অমসুং স্কিমশিংদগী লাকপা কান্নবশিংগী মরমদা ই-পাও ফংহন্নবা অমসুং লমজিং লমতাক্নবা ৱাখল্লোনগা লোয়ননা ৱেবিনার অসি শিনখিবনি।

ৱেবিনার অসি এম.এস.এম.ই.গী এদিস্নেল সেক্রেতরী অমসুং দিবেলপমেন্ত কম্মিস্নর শ্রী দেবেন্দ্র কুমার সিংহ অমসুং মাইক্রো, স্মোল এন্দ মিদিয়ম ইন্ত্রপ্রাইজ মন্ত্রালয়গী এদিস্নেল দিবেলপমেন্ত কম্মিস্নর শ্রী অনন্দ শের্খানেনা ৱেবিনার অসি লান্থোকখি। এম.এস.এম.ই. দিবেলপমেন্ত এক্ত অসি ২০০৬তা চৎনবা হৌখিবদগী চহি ১৪গী মতুংদা এম.এস.এম.ই.দা অহোংবা পুরকপা অসি মে ১৩, ২০২০দা অত্মানির্ভার ভারত পেকেজতা লাউথোকখি। লাউথোকখিবা অসিগী মতুং ইন্না, মাইক্রো মেন্যুফেকচরিং অমসুং সর্ভিসেস য়ুনিৎশিংগী ওইনা ইনবেসমেন্ত অসি লুপা কোতি ১ অমসুং তর্নওবরনা লুপা কোতি ৫দা হেনগৎখি। স্মোল য়ুনিৎকী লিমিৎ অসি ইনবেসমেন্তগী ওইনা লুপা কোতি ১০দা অমসুং তর্নওবরনা লুপা কোতি ৫০দা হেনগৎখি। মসিগা মান্ননা মিদিয়ম য়ুনিৎকী লিমিৎ অসি ইনবেসমেন্ত লুপা কোতি ২০দা অমসুং তর্নওভরনা লুপা কোতি ৫০দা হেনগৎখি। ভারত সরকারনা ০১.০৬.২০২০দা এম.এস.এম.ই. ফগৎনবা মখা তানা অহোংবা পুরক্নবা ৱারেপ লৌখি। হৌজিক্তি মিদিয়ম ইন্ত্রপ্রাইজকী লিমিৎ অসি ইনবেসমেন্ত লুপা কোতি ৫০দা অমসুং তর্নওভরনা লুপা কোতি ২৫০ ওইরগনি।

মে ১৩, ২০২০দা পেকেজ অসি লাউথোকখ্রবা মতুংদা তোঙান তোঙানবা মীহুৎশিংনা লাউথোকখ্রিবা অহোংবা অসি লৈরিবা কৈথেল অমসুং মমলগী ওইরিবা ফীভমশিং অসিগা চান্নবা ৱাৎলে হায়না হায়নরক্লি অমসুং মসি মখা তানা শেমদোকপা মথৌ তারি ৱাখল্লোন থমলকখি। হায়রিবশিং অসি খন্থদুনা, প্রধান মন্ত্রীনা মিদিয়ম য়ুনিৎশিংগী লিমিৎ অসি মখা তানা হেনগৎনবা ৱারেপ লৌখি। মসি তৌরিবা অসিগী মরমদি মতমগা চান্ননবা অমসুং খায়দোক্লিবা অসি ওবজেক্তিব সিস্তেম অমা ওইনবা অমসুং ইজ ওফ দুইং বিজেনেস ফংহন্নবনি।

এম.এস.এম.ই.গী মন্ত্রালয় অসিনা অমুক হন্না ফোঙদোকখি মদুদি মখোয়না এম.এস.এম.ই.শিং অমসুং অনৌবা ওন্তপ্রিনোরশিংবু হন্দক্তা প্রধান মন্ত্রীনা হৌদোকখিবা চেম্পিয়ন্স (www.champions.gov.in)কী মখাদা য়াম্না কন্না হেনহোল্দিং তৌবগী মেকানিজমশিং শীজিন্নরি। থৱায় য়াওবা ইন্ত্রপ্রাইজশিং/মীওইশিংনা মসিগী মেকানিজমশিং অসিগী কান্নবা লৌবা য়াগনি অমসুং মখোয়না খঙনিংবা নত্রগা ৱাকৎশিং থাংগৎপা য়াগনি। হায়রিবশিং অসি খুদক্তা পাওখুম পীগনি।

থৌরম লান্থোক্লিবশিংনা এম.এস.এম.ই.দা রেজিস্ত্রেসন তৌবগী নিয়মশিং অদুসু খঙহনখি।

• উদিয়মগী রেজিস্ত্রেসন শোইনা তৌগদবনি https://udyamregistration.gov.in
• রেজিস্ত্রেসন লেম্না তৌগনি – শেল লৌরোই
• আধার নম্বর খক্তা মথৌ তাই
• মতম চুপ্পগী ওইবা রেজিস্ত্রেসন নম্বর
• রেজিস্ত্রেসন সর্তিফিকেৎ ওনলাইন্দা পীগনি। করিগুম্বা রেজিস্তর অমুক্তং তৌখ্রবদি, রিন্যুএলগী মথৌ তাদে
• চেম্পিয়ন সেন্তরশিংনা (দি.আই.সি.শিং)না মতেং পাংগনি
• রেজিস্ত্রেসন প্রোসেস অসিদা শেল অমত্তা চংলোই
• কনাগুম্বা অমত্তদা শেল থিরোই

মীপান তাংদবা ভারত অমা ওইনবা মালেমগী তেন্দরশিং অসিদা লুপা কোতি ২০০ ফাওবদং অয়াবা পীগনি। মসিনা অত্মানির্ভার ভারত অমা ওইনবা খোঙথাং অমনি অমসুং মেক ইন ইন্দিয়াবু শৌগৎকনি। প্রোগ্রাম অসিগী সবদিদীগী কান্নবশিং মদুদি জেনরেল কেতগরীদা চনবা বেনিফিসরীশিংনা প্রোজেক্তকী অচংমলগী মর্জিন মনি সবসিদী অসি খুঙ্গংগী মফমদা ২৫% অমসুং সহরগী মফমশিংদা ১৫% ফংগনি হায়না থৌরম লান্থোক্লিবশিংনা ফোঙদোকখি। সেদ্যুল কাস্ত/সেদ্যুল ত্রাইব/নুপীগুম্বা স্পেসিএল কেতগরীদা চনবা বেমিফিসরীশিংগী ওইনদি মর্জিন মনি সবসিদী অসি খুঙ্গংগী মফমদা ৩৫% অমসুং সহরগী মফমশিংদা ২৫% ফংগনি।

অপিকপা লালোন ইতিক্কা মরী লৈনবা এম.এস.এম.ই.গী রেজিস্ত্রেসন তৌবগী কান্নবশিং অদু থৌরম লান্থোক্লিবশিংনা থমখি:

১. মাল-চাং চংদবা লোনশিং:

সরকারনা এম.এস.এম.ই./এস.এস.ই.গী মখল কয়াগী মতেংশিং ফংহল্লি মসিনা মখোয়দা মাল-চাং য়াওদনা শেল ফংহনবা য়াহল্লি। জি.ও.আই. (ভারত সরকার), এস.আই.দি.বি.আই. (স্মোল ইন্দস্ত্রীস দিবেলপমেন্ত বেঙ্ক ওফ ইন্দিয়া) অমসুং মাইক্রো, স্মোল অমসুং মিদিয়ম ইন্ত্রপ্রাইজনা মাল-চাং য়াওদনা দি ক্রেদিৎ গরেন্তী ত্রস্ত ফন্দ স্কিমগী মখাদা এম.এস.এম.ই. রেজিস্ত্রেসনগী কান্নবশিংগী মরক্তা খ্বাইদগী ফবা অমা ফংহল্লি। মসি অপিকপা ললোন ইতিক তৌরিবশিংগী ওইনা খ্বাইদগী ফবা এম.এস.এম.ই. রেজিস্ত্রেসনগী কান্নবনি।

২. পেতেন্ত রেজিস্ত্রেসন অমসুং ইন্দস্ত্রিএল প্রমোসনগী সবসিদী:

 এম.এস.এম.ই. এক্তকী মখাদা রেজিস্তর তৌবা ললোন ইতিক তৌরিবা ইন্ত্রপ্রাইসশিংদা পেতেন্ত রেজিস্ত্রেসনগী ৫০%গী অচৌবা সবসিদি অমা পীরি। মসি মরী লৈনবা মন্ত্রালয়দা এপ্লিকেসন অমা থারগা ফংবা য়াই। মসিগী মথক্তা এম.এস.এম.ই. রেজিস্ত্রেসনগী কান্নবশিংগী মরক্তা অচৌবা অমদি সরকারনা সজেস্ত তৌবা ইন্দস্ত্রি্ল প্রমোসনগী সবসিদি ফংবনি।   

প্রজেন্তরশিংনা প্রধান মন্ত্রী মুদ্রা য়োজনাগী ওফর অহুম ‘শিশু’, কিশ্বর’ অমসুং ‘তরুন’ উৎখি। প্রধান মন্ত্রী মুদ্রা য়োজনাগী মরুওইবা পোত্থোকশিং মাইক্রো ব্যুজিনেসশিং/য়ুনিৎশিং (ময়াই ওইবা অমসুং অপীকপা ওন্তপ্রিনোরশিং)দা থাদবগী রিফাইনান্স পীরগনি। মসিগী অমব্রেলা অসিগী মখাদা অহানবগী পোত্থোকশিং অমসুং স্কিমশিং হান্ননা শেমখ্রে অমসুং গ্রোথ/দিবেলপমেন্তকী তাঙ্ককশিং তাক্নবা অমসুং বেনিফিসরী মাইক্রো য়ুনিৎ/ওন্তপ্রিনোরগী শেন্থং মথৌ তাবগা লোয়ননা ওন্তপরিনোরগী পান্দমগী গ্রেজুএসন/গ্রোথকী মথংগী ফেজগী রিফরেন্স পোইন্ত অমা পীনবা মিৎয়েংশিং অসি ‘শিশু’, ‘কিশ্বর’ অমসুং ‘তরুন’ হায়না মমিং থোনখ্রে:

1. শিশু: লুপা ৫০,০০০ ফাওবগী লোনশিংগী কভর
2. কিশ্বর: লুপা ৫০,০০০গী মথক্কী অমসুং লুপা লাখ ৫ ফাওবগী লোনশিংগী কভর
3. তরুন: লুপা লাখ ৫গী মথক্কী অমসুং লুপা লাখ ১০ ফাওবগী লোনশিংগী কভর

হৌজিক্তি, মেকনুফেকচরিং অমসুং সর্ভিস সেক্তরশিংগী মরক্তা খেৎনবা লৈররোই। অনৌবা দিফিনিসন অসিনা এম.এস.এম.ই.শিং মপাঙ্গল কনখৎহনবা অমসুং চাউখৎহনবগী অনৌবা লম্বেল অমা শেমলগনি। মরুওইনা তর্নওভর কাউন্ত তৌবদা এক্সপোর্তশিং য়াওহন্দবগী প্রোভিজন অসিনা এম.এস.এম.ই. য়ুনিৎ অমা ওইবগী কান্নবশিং মাংগনি হায়বগী মীপাইবা লৈতনা এম.এস.এম.ই.শিংনা এক্সপোর্ত তৌবদা পুক্নিং থৌগৎলগনি। মসিনা লৈবাক অসিদগী এক্সপোর্তশিং হেনগৎহনবদা চাওনা মতেং পাংদুনা গ্রোথ অমসুং ইকনোমিক এক্তিবিতীশিং অমসুং থবকশিং পীবা হেনগৎহল্লগনি। 

কুমারী রুপিন্দর ব্রারনা ৱেবিনার অদু লোয়শিল্লদুনা সরকারনা লাউথোকখিবা এদিস্নেল কোলেতরেল-ফ্রী লিকিদিতী সপ্পোর্ত ফংনবা লৈবাক অসিগী ত্রাভেল, তুরিজম অমসুং হোস্পিতেলিতীগী ব্যুজিনেসতা কান্নবা পীনবা মায়কৈদা থবক তৌগদবা সর্ভিস সেক্তরশিং মশক খংবদা এম.এস.এম.ই.না লৌখৎলিবা খোঙথাংশিংবু পনখি। এম.এস.এম.ই. ব্যুজিনেসশিংগী বেঙ্কশিং অমসুং এন.বি.এফ.সি.শিংগী খুত্থাংদা আই.এন.আর. কোতি লাখ ৩গী কোলেতরেল ফ্রী লিক্বিদিতী সপ্পোর্ত অসিনা সর্ভিস প্রোবাইদরশিং মতম শাংনা পুক্নিং থৌগৎলগনি।
দেখো অপনা দেস ৱেবিনার সিরিজ অসি নেস্নেল ই-গভর্নেন্স দিপার্তমেন্ত, মিনিস্ত্রী ওফ ইলেক্ত্রোনিক্স এন্দ ইনফোর্মেসন তেক্নোলোজীগা লোয়ননা তেক্নিকেল ওইনা পুন্না পাঙথোকমিন্নবনি। ৱেবিনার অসিগী সেসনশিং অসি হৌজিক https://www.youtube.com/channel/UCbzIbBmMvtvH7d6Zo_ZEHDA/featuredদা অমসুং ভারত সরকারগী তুরিজম মন্ত্রালয়গী সোসিএল মেদিয়া হেন্দলশিংদা ফঙগনি।