ঙসিদগী হৌখিবা নুমিৎ ৩নিগী অখন্ননা পাঙথোকখিবা ওনকোলোজীগী ভর্চ্যুল কনফরেন্সকী থৌরমগী অখন্নবা সেসন অমদা কেন্দ্রগী মন্ত্রী দা জিতেন্দ্র সিংহ, মহাক মশামক মমিং লৈরবা দাইবেতোলোজিস্ত ওইরিবা অমসুং হকশেলগী লমদা লৈরিবা মীওই অসিনা মমিং লৈরবা ওনকোলোজিস্ত অমসুং পদমা শ্রী ফংলবা দা অশোক কে বেদ দি এম (ওনকোলোজী)না ইদিৎ তৌবা কেন্সরগী লাইরিক অমা ফোঙখ্রে।

ভারতকী অহোংনা নায়রিবা লায়না মখল কয়াগী মতাংদা দা জিতেন্দ্র সিংহনা হায়, হৌখিবা চহি তরা খুন অসিদা লৌনগনবা লায়নাশিংসগী লৌনগনদবা লায়নাশিংদা চাউনা হোংলক্লি মসিনা দাইবেতিস মিলিতস, হাইপরতেন্সন, কোরোনরী হর্ত দিজিজ অমসুং কেন্সরগুমবা লায়না কয়া হেনগৎহল্লি। মহাক্না হায়, অমরোমদা কোবিদ লায়চৎ অসিনা ঐখোয়বু খঙহৌদনা খুদুম চনখি মসিনা হায়রিবা কোমোরবিদিতীশিং অমসুং লায়নাশিং অসিনা নারিবা মীওইশিংদা হেন্না খুদোংথিহল্লি।

দা জিতেন্দ্র সিংহনা হায় লৈবাক অসিদা কেন্সর নাবগী মশিং লেপ্তনা হেনগৎলক্লি অমসুং তোঙান তোঙানবা হকচাংগী কয়াৎশিং শোকহল্লি। খুদম ওইনা, জম্মু অমসুং কাশমির মরু ওইনা তম্পাক্তা, গ্যাস্ত্রোইন্তেস্তিনেল অমসুং থবোম্বীগী কেন্সরশিং চাং ৱাংখৎলক্লি, অৱাং নোংপোক থংবা লমদমশিংদা কোক্কী অমসুং ঙকশমগী ওইবা কেন্সরশিংনা মশিং ৱাংলি।

নিংখা-তম্বগী নুমিৎতা প্রধান মন্ত্রী নরেন্দ্র মোদীনা হৌদোকখিবা নেস্নেল দিজিতেল হেল্থ মিসনবু থাগৎলদুনা, দা জিতেন্দ্র সিংহনা হায়, মসিনা ভারতকী প্রজা খুদিংমক্তা হেল্থক্যেরগী ই-পাও লেপ্তনা ফংনবা অমসুং অনৌবা পাওশিং ফংবা ঙম্নবা তোপ তোপ্পা হকশেলগী ওইবা খুদোংচাবা পীরগনি। মহাক্না হায়, মসিনা অয়ুশমান ভারত অমসুং ই-সিগর থিংবা অসিগা লোয়ননা মোদী সরকারনা হকশেলগা মরী লৈন্ননা লৌখৎপা অচৌবা খোঙথাংশিংগী মরক্তা য়াওরি।