য়ুমলৈ-কৈরৈ মন্ত্রালয়
অনলোক-৩ মনুংদা মী চৎথোক-চৎশিন তৌবা, পোৎ-চৈ পুবা অমসুং থবক-ইনখাং শুবদা অপনবা পীদনবা হোম এফেয়ার্স মিনিস্ত্রিনা রাজ্যশিংদা খঙহনখ্রে
দিস্ত্রিক্ত এদমিনিস্ত্রেসন নৎত্রগা রাজ্য সরকারশিংনা মফম অমদা অথিংবা থম্লবদি, দি.এম.এ, ২০০৫গী মখাদা হোম এফেয়ার্স মিনিস্ত্রিনা পীবা চৎন-কাংলোনশিং থুগাইবনি
Posted On:
22 AUG 2020 5:31PM by PIB Imphal
হৌজিক চৎরিবা অনলোক-৩ মনুংদা রাজ্যশিংগী মরক্তা অমসুং রাজ্য মনুংদা চৎথোক-চৎশিন তৌবা, পোৎ-চৈ পুবা অমসুং থবক-ইনখাং শুবদা অপনবা পীদনবা হোম এফেয়ার্স মিনিস্ত্রিনা রাজ্যশিংদা খঙহনখ্রে।
ঙসি রাজ্যশিংগী চীফ সেক্রেতরিশিংদা পীবা চেরোল অমদা হোম এফেয়ার্স মিনিস্ত্রিনা হায়খি তোঙান-তোঙানবা জিলাশিং/রাজ্যশিংনা মফম মফমগী ওইনা চৎথোক-চৎশিনদা অথিংবা থম্লে হায়বগী পাউ ফংলে। অসিগুম্বা অথিংবশিং অসিনা রাজ্যশিংগী মরক্তা পোৎ-চৈশিং পুথোক-পুনশিন তৌবা অমসুং শেন-থুমগী থবকশিংদা অকাইবা থোকহল্লে।
হোম এফেয়ার্স মিনিস্ত্রিনা হায়খি দিস্ত্রিক্ত এদমিনিস্ত্রেসন নৎত্রগা রাজ্য সরকারশিংনা মফম মফমদা অথিংবা থম্লবদি, দি.এম.এ, ২০০৫গী মখাদা হোম এফেয়ার্স মিনিস্ত্রিনা পীবা চৎন-কাংলোনশিং থুগাইবনি।
অনলোক-৩গীদমক ২০২০গী জুলাই ২৯দা হোম এফেয়ার্স মিনিস্ত্রিনা থোকখিবা ওর্দরগী মতুংইন্না, রাজ্যশিংগী মরক্তা অমসুং রাজ্য মনুংদা চৎথোক-চৎশিন তৌবা, পোৎ-চৈ পুবা অমসুং থবক-ইনখাং শুবদা অপনবা পীবা য়াদে হায়রি। হায়রিবা থবকশিং অসিগীদমক তোখাইবা অয়াবা লৌবা/ই-পর্মিত লৌবা দরকার ওইদে। পীরিবা অয়াবশিং অসিগী মনুংদা য়ুম্লোন্নরিবা লৈবাকশিংগা কংফালগী ঙমখৈদা মী চৎথোক-চৎশিন তৌবা অমসুং পোৎ-চৈ পুথোক পুশিন তৌবগী অয়াবা পীরি।
*****
(Release ID: 1647901)
Visitor Counter : 243
Read this release in:
English
,
Urdu
,
Marathi
,
Hindi
,
Assamese
,
Bengali
,
Punjabi
,
Gujarati
,
Tamil
,
Telugu
,
Malayalam