ন্যু অমসুং রিন্যুএবল মন্ত্রালয়

আই.এস.এ.না খ্বাইদগী নৌবা নেক্স জেনরেসন তেক্নোলোজী অসি মথং থাগী অহানবা ৱার্ল্দ সোলর তেক্নোলোজী সম্মিৎ অসিদা উৎলগনি

আই.এস.এ.গী মেম্বর ওইরিবা লৈবাকশিংগী মন্ত্রীশিং অমসুং মালেনগী লোয়শঙশিংনা শরুক য়াগদবা অসিদা প্রধান মন্ত্রী নরেন্দ্র মোদীনা থৌরম হৌদোক্কনি

কেন্দ্রগী পাৱর মন্ত্রীনা থৌরম অসিদা স্তেকহোল্দর পুম্নমক্না শরুক য়ানবা বর্তন তৌরি\

নোবেল লোরিএৎকী শকনায়রবা ৱাঙাংলোয় কয়া, দা স্তেনলে ৱিত্তিংহমদগী গ্লোবেল কোর্পরেসনশিংগী মকোক থোংবশিংনা ইন্নোবেসন, শেল চংদবা, অহোংবা সোলর তেক্নোলোজীশিংদা মীৎয়েং চংনবা ৱাফমশিং থমগনি

Posted On: 17 AUG 2020 6:51PM by PIB Imphal

আই.এস.এ. এসেমব্লীগী প্রসিদেন্ত অমসুং কেন্দ্রগী পাৱর অমসুং ন্যু এন্দ রিন্যুএবল ইনর্জী (আই/সি) অমসুং স্কিল দিবেলপমেন্ত এন্দ ওন্তপ্রিনোরশিপকী মিনিস্তর ওফ স্তেৎ, শ্রী আর কে সিংহনা সেপ্তেম্বর ০৮, ২০২০দা ভর্চ্যুল প্লেৎফোর্মদা আই.এস.এ.না শিনগদবা অহানবা ৱার্ল্দ সোলর তেক্নোলোজী সম্মিৎকী অকুপ্পা ৱারোলশিং ঙসি থমখি। থৌরম অসিগী পান্দমদি সোলর ইনর্জী হেন্না মপুং ফানা শীজিন্নবা ঙম্নবা হোৎনবদা মতেং ফংহনগদৌরিবা খ্বাইদগী নৌবা তেক্নোলোজীশিং লোয়ননা নেক্স জেনরেসন তেক্নোলোজীশিংদা মীৎয়েং চংনবনি। আই.এস.এ.না থৌরম অসিদা মালেমগী মফম কয়াদগী অইবশিংনা সোলর ইনর্জীগী মতাংদা মখোয়গী আর্তিকলশিং ফোঙবদা মতেং পাংনবা আই.এস.এ.জর্নেল ওন সোলর ইনর্জী (আই জোস) অসিসু হৌদোক্কনি। জর্নেল অসিগী আর্তিকলশিং অসি মালেমগী খঙহৈরবশিংনা রিভ্যু তৌগনি অমসুং আই.এস.এ.গী অচৌবা এন.এফ.পি.শিং (নেস্নেল ফোকেল পোইন্তশিং)গী  অমসুং স্তার (সোলর তেক্নোলোজী এন্দ এপ্লিকেসন রিসোর্স সেন্তরশিং) সেন্তরশিংগী নেৎৱার্ক্কী খুত্থাংদা মেম্বর ওইরিবা লৈবাকশিংদা য়ৌহনগনি।

https://static.pib.gov.in/WriteReadData/userfiles/image/image001I69C.jpg

 

আই.এস.এ.গী রিজনশিংদগী মেম্বর ওইরিবা লৈবাকশিংগী মন্ত্রীশিং শরুক য়াগদবা অহানবা ৱার্ল্দ সোলর তেক্নোলোজী সম্মিৎ অসিদা প্রধান মন্ত্রী নরেন্দ্র মোদীনা থৌরম হৌদোকপগী ৱারোল পীগনি। সাইন্তিফিক রিসর্চ অমসুং দিবেলপমেন্তগী লমদগী মকোক থোংবা শকনায়রবশিং অমসুং সি.ই.ও.শিংগী কনক্লেব অমনা ইন্নোবেসন, শেল চংদবা, অহোংবা সোলর তেক্নোলোজীশিংদা মীৎয়েং চংনবা ৱাফমশিং থমগনি। হৌদোকপগী সেসন অসিদা মকোক থোংবা সরকারগী থৌ পুরিবশিং, গ্লোবেল কোর্পরেসনশিংগী মকোক থোংবশিং, ফাইনান্সিএল অমসুং মল্তিলেতরেল ইন্সতিত্যুসনশিং, সিবিল সোসাইতী, ফাউন্দেসনশিং অমসুং থিঙ্ক-তেঙ্কশিংনা শরুক য়াগনি।

নোবেল লোরিএৎ দা এম স্তেনলে ৱিত্তিংহমনা হৌদোকপগী থৌরম অসিদা মরু ওইবা ৱারোল পীগনি। দা এম স্তেনলে ৱিত্তিংহম অসি লিথিয়ম আইওন বেত্তরীশিং পুথোক্তুনা অওনবা পুরকখিবগীদমক ২০১৯দা কেমেস্ত্রীদা নোবেল প্রাইজকী মনা পীখি (জোন বি গুদেনোগ অমসুং অকিরা য়োশিনোগা পুন্না) মতুং তারকপা ওইনা সোলর তেক্নোলোজীশিং ইমপ্লিমেন্ত তৌবা অমসুং হেনগৎহনবগী লমদা মাংজিল থাদুনা চংশিল্লিবা মকোক থোংবা গ্লোবেল কোর্পরেসনশিংগী সি.ই.ও.শিংগা লোয়ননা কান্নরবা সেসন অমা পাঙথোক্কনি। মালেমগী সি.ই.ও.শিংগী সেসন অসিদা শরুক য়ারবা য়াই হায়না পান্নরিবা সি.ই.ও.শিং অদুদি: মিস্তর বরত্রান্দ পিকার্দ এফ.আর.এ.জি.এস., ফাউন্দর অমসুং চ্যেরমেন সোলর ইমপ্লস, স ফাউন্দেসন্স সুইজারলেন্দ; মিস্তর জীন-পাস্কল ত্রিকোইয়র, চ্যেরমেন অমসুং সি.ই.ও., সিনাইদর ইলেক্ত্রিক; মিস্তর ইরিক রোন্দোলৎ, চীফ একজিক্যুতিব ওফিসর, সিক্নিফাই। মশক নায়রবা কপর্পরেৎকী লুচিংবশিং অসিনা মখোয়গী পুন্সিগী মতাংদা ফোঙদোক্কনি অমসুং সাইন্তিফিক্কী ওইনা অচৌবা মায় পাকপশিং অমসুং ইন্নোবেসনশিং অসি করম্না মালেমগী শরুক পুম্নমক্তা পাকশন্না শীজিন্নবা য়ানবা ফংহনগদবগে হায়বগী মতাংদা মখোয়গী ৱাখল্লোনশিং ফোঙদোক্কনি। 

https://static.pib.gov.in/WriteReadData/userfiles/image/image002KUFK.jpg

থৌরম অসিদা তেক্নিকেল সেসন মরি য়াওগনি মসি শরুক য়ারিবশিংদা তোঙান তোঙানবা লোলশিং মদুদি ইংলিশ, স্পেনিশ, ফ্রেঞ্চ অমসুং অরাবিক্তা ফংহনগনি। মালেমগী পুম্বদগী মাংজিল থারিবা কম্পনীশিংনা অমসুং রিসর্চ ওর্গনাইজেসনশিংনা মখোয়গী লৌখৎলিবা থবক অদু সেসনশিং অসিদা পুথোক্তুনা উৎকনি অমসুং সোলর তেক্নোলোজীশিংগী কহবাইদগী নৌনা চৎনরিবশিংগী মতাংদসু ৱাফমশিং থমগনি।

সেসন-১: ভিজন ২০৩০ এন্স বিয়োন্দ: পি.ভ. তেক্নোলোজী দিবেলপমেন্তগী হৌজিক লৈরিবা ফীভম অমসুং মখোয়গী তুংলমচৎনা মালেম পুম্বগী অহানবা ইনর্জীগী হৌরকফম ওইনবা লম্বেলদা চংশিল্লি লোয়ননা পি.ভি তেক্নোলোজীশিংনা মালেমগী ইলেক্ত্রিসিতী অসিগী ৭০% পুথোক্লি।

সেসন-২: তুৱার্দস এ দিকারবোনাইজ গ্রিদ: পি.ভি মোদ্যুলশিং অমসুং স্তোরেজ তেক্নোলোজীশিং অসিগুম্বা মরু ওইবা মচাংকশিংগী ওইনা হন্দক্কী খ্বাইদগী অনৌবা কান্নবশিং (মপুং ফানা ওন্থোকপদা ফগৎলকপশিং অমসুং শেল চংবা হন্থরকপা)

সেসন-৩: দিসরপতিব সোলর তেক্নোলোজীস: করিগুম্বা লৈমায় অদু ৱাংখৎপ্রা, তাওদুনা থম্বরা নত্রগা রিসিদেন্সিএল অমসুং কম্মর্সিএলগী য়ুমথক্তা হাপ্পরা হায়বগী মতাংদা ওন-গ্রিদ এপ্লিকেসনশিং।

সেসন-৪: সোলর বিয়োন্দ দি পাৱর সেক্তর: মফম পুম্নমক্তা ইনর্জী ফংহন্নবা, পি.ভি অসি লেংনবা, শাগৎনবা, ইংথহন্নবা শীজিন্নবা অমসুং মহৌশাদা অকায়বা পীদবা ইন্দস্ত্রিএল প্রোসেসশিং চল্লাইনবা অমসুং ফ্যুল লোয়ননা ওফ-গ্রিদ এপ্লিকেসনশিং পুথোক্নবা অনৌবা এপ্লিকেসনশিং।

কেন্দ্রগী পাৱর অমসুং ন্যু এন্দ রিন্যুএবল ইনর্জী (আই/সি) অমসুং স্কিল দিবেলপমেন্ত এন্দ ওন্তপ্রিনোরশিপকী মিনিস্তর ওফ স্তেৎ অমসুং আই.এস.এ. এসেমব্লীগী প্রসিদেন্ত, শ্রী আর কে সিংহনা কর্তেন রাইজরদা মরু ওইবা ৱারোল পীরদুনা মহাক্না আই.এস.এ.না খ্বাইদগী অহানবা ৱার্ল্দ সোলর তেক্নোলোজী সম্মিৎ পুথোকপগীদমক থাগৎপা ফোঙদোকখি। থৌরম অসিনা পান্দম অসি ফংনবা হোৎনবদা মতেং ওইগনি অমসুং ইন্নোবেসনগী খুত্থাংদা মালেম পুম্বদা সোলর ইনর্জীগী মথৌ তাবা চাউখৎ থৌরাং পুরকপা ঙমহনগনি। মালেম পুম্বনা কোরোনাগী লায়চৎ অসি লান্থেংনবা হৌৎনরিবা মরু ওইরিবা তানফম অসিদা, ঐখোয়না পুন্না হোৎনরিবা অসিনা খুদোংথিবা অসি থেংনবদা মতেং পাংগনি অমসুং মফম পুম্নমক্তা ইলেক্ত্রিসিতী ফংহন্নবা পান্দম মায় পাকপদসু মতেং ওইরগনি। শ্রী সিংহনা কেনফরেন্স অসিদা স্তেকহোল্দর পুম্নমক্না শরু য়ানবা হায়খি।

ভারতকী এম্বেসী ওফ ফ্রাঞ্চ চার্জ দি’এফিয়র্স, মিস দানা পুরকারেসচুনা আই.এস.এ.না হোৎনরিবশিং অসিবু থাগৎখি অমসুং মহাক্না হায় “দিকার্বোনাইজ ওইবা মালেম অমা ওইহনবা হায়বা অসি ঐখোয় পুম্নমক্না মঙজরকপা মঙলান অমনি অমসুং সোলরনা মসি মঙফাওনহনবদা মরু ওইবা থৌদাং অমা লৌরগনি। অহানবা ৱার্ল্দ সোলর তেক্নোলোজী সম্মিৎ অসিনা অহোংমা মমলদা সোলর শীজিন্নবা হেনগৎহন্নবা তেক্নোলোজীশিং খঙদোকপদা মতেং পাংলগনি। ঐহাক্না আই.এস.এ.বু অফ-মঙ্গোম পীরি অমসুং খ্বাইদগী ফাবা ওইরক্নবা আশা তৌরি।”

দি.জি., আই.এ.এস., শ্রী উপেন্দ্র ত্রিপাথীনা মাগী ৱারোলদা হৌখিবা চহি খরা অসিদা তেক্নোলোজীগী থৌদাং অসি চাওনা অহোংবা লাক্লে অমসুং মীয়াম্না মমাংদা লৈরম্বা তেক্নোলোজীদগী তুংদা লাকপা তেক্নোলোজীনা হেন্না পাম্নবনা অহোংবা অসি মখা চত্থখিগনি। মখাতানা মেম্বর ওইরিবা লৈবাকশিংগী মরক্তা অমগা-অমগা মতেং পাংনবনা সোলর পি.ভি. রিভোলুসনগী য়ুম্বী ওইরি। আই.এস.এ.না য়ুমথোংশিং কয়াম লাপ্না তাবগে হায়বা থীদনা ইনোবেতিব অমসুং এফোর্দেবল তেক্নোলোজীশিং মাংদা পুরক্লগা য়ুমথোং খুদিং মৈ ঙালহনবগী মংলান অদু মংফাওনহনগদবনি। ৱার্ল্দ সোলর তেক্নোলোজী অসি মসিগী মায়কৈদা চৎনবা অহৌবা খোঙথাংনি।  

এক্সন ওরিএন্তেদ ওর্গনাইজেসন অমা ওইরিবা আই.এ.এস.না তেক্নোলোজীগী মমল অমসুং ফাইনান্স হন্থন্দুনা ২০৩০দা মেম্বর ওইরিবা লৈবাকশিংদা সোলর ইনর্জী জি.দবল্যু. ১,০০০গী মথক্তা দিপ্লোয় তৌদুনা অমসুং য়ু.এস.দি. বিলিয়ন ১,০০০ সোলর পাৱরদা শিজিন্নবগী পান্দমশিং থম্লি। আই.এস .এ.না তেক্নোলোজী পাকশন্না ফংহনবা অমসুং দিবেলপ তৌবা, ইকনোমিক্স রিসোর্সশিং অমসুং স্তোরেজ তেক্নোলোজী দিবেলপ তৌবা, পাকশন্না পুথোকপা অমসুং ইনোবেসনগী ওইবা মপুং ফাবা ইকোসিস্তেম অমা ফংহন্নবা মীৎয়েং থম্লি। তেক্নোলোজীগী মমল হন্থবনা অহেনবা অচৌবা সোলর ইনর্জী প্রোগ্রামশিং লৌখৎপদা মতেং পাংলগনি। সোলর অসি এফোর্দেবল অমসুং রিলাইএবল ওইবা ইনর্জীগী হৌরকফমনি হায়না পল্লদুনা য়ুনিভর্সেল ইনর্জী এক্সেস গোল (এস.দি.জি. ৭) ফংহন্নবদা মায়পাক্না প্রোজেক্ত ইমপ্লিমেন্ত তৌবনা অচৌবা থৌদাং লৌগনি। আই.এস.এ.গী লৈবাক ৬৭ লৈ অদুগা আই.এস.এ.গী প্রো্গ্রাম তরুক লৈ মদুদি লৌউ-শিংউদা শিজিন্ননবা সোলর এপ্লিকেসনশিং, পাকশন্না শেল চংহন্দবা, মিনি গ্রিদশিং অমসুং সোলর রুফতোপশিং অমসুং সোলর ই-মোবিলিতী অমসুং স্তোরেজ অমসুং অচৌবা সোলার পার্কশিং। হৌজিক ফাওবদা আই.এ.এস.কী অপুনবা য়ু.এস.দি. বিলিয়ন ৫.৫কী সোলার প্রোজেক্তশিং পাইপলাইন্দা লৈরি অমসুং মেম্বর ওইবা লৈবাকশিংদা সোলর প্রোজেক্তশিংগী শেল থাদনবা হোৎনরি। 

*****



(Release ID: 1647856) Visitor Counter : 24