রেলৱে মন্ত্রালয়
রেলৱেজনা রেলগী ইনফ্রাস্ত্রকচরশিং হেনগৎহল্লে অমসুং দিল্লি ময়াদা সহরগী শরুকশিংদা মীচিনবা হন্থহল্লে
রোহতাক সহরদা হৌজিক লৈরিবা রোহতাক-গোহানা রেল লাইন ইলিবেতেদ ত্রেক ওন্থোক্লে
লেবেল ক্রোশিং মরি লৌথোক্লে
Posted On:
21 AUG 2020 7:36PM by PIB Imphal
রেলৱেজগী মচাক-মথুমশিং ফগৎহন্নবা অমসুং সহরদা মীচিনবা হন্থহন্নবা, লৈবাক শীনবা থুংনা ভারত রেলৱেজনা থবক কয়া পায়খৎলে।
পায়খৎলিবা থবকশিং অদুগী শরুক অমা ওইনা, নোথর্ন রেলৱেজনা হৌজিক লৈরিবা রোহতাক-গোহানা রেলৱেজ লাইন অসি কিলোমিতর ৪.৮ শাংবা ইলিবেতেদ ত্রেক ওন্থোক্লে। লাইন অসিগী থবক মপুংফানা লোইশিল্লে অমসুং মসি মথং থা অহুমগী মনুংদা থবক হৌরগনি।
রেলৱেজ লাইন অসি সহর ময়াই ফাওদুনা চৎলিবনি। সহর মনুংদা মসিগী লাইন অসিদা লেবেল ক্রোশিং মরি লৈরি। মসিনা মরম ওইদুনা গারি য়াম্না চিনখি অমসুং লেবেল ক্রোশিং গেদশিং য়াম্না তোইনা থিংখি। মসিনা রেল চেনবা অশোই-অঙাম থোক্তনবা হোৎনবা অমসুং ত্রেন য়াংনা চেন্নবদা খুদোংচাদবা থোকহনখি অমসুং লম্বী চৎলিবশিংদসু খুদোংচাদবা কয়া থোকহনখি।
হৌজিক ত্রেক অসি মথক্তা লৈখিবদগী লেবেল ক্রোশিংশিং লৌথোকখ্রে অমসুং মসিনা রোহতাক্কী মীয়ামদা অৱাবা কোকহল্লে। লাইন অসি থবক হৌরকপগা লোয়ননা, মসিগী মরুওইবা লম্বী অসিদা রেলৱেজনা ত্রেনশিং নিংথিনা চেনহনবা ঙম্লগনি। সেক্সন অসিদা ত্রেনশিংগী খোঙজেলসু হেনগৎহল্লগনি।
অপুনবা ওইনা লুপা করোর ৩১৫ চংবা প্রোজেক অসি রেলৱেজ অমসুং হরিয়ানা সরকারনা পুন্না পায়খৎপনি, মসিদা রাজ্য সরকারনা লুপা করোর ২২৫ পুথোকখি। রোহতাক্কী মীয়াম্না মতম কয়াগী মমাংদগী তক্নদুনা লাকপা অদু রেলৱেজনা থবক ওইনা পাংথোক্লে।
*****
(Release ID: 1647753)
Visitor Counter : 131