نئی دلّی ،21 اگست / بھارت کے چناؤ کمیشن  نے کووڈ – 19 کے دوران  عام / ضمنی انتخابات کرانے کے لئے وسیع رہنما خطوط کو منظوری دی ہے۔  یہ رہنما خطوط   https://eci.gov.in/files/file/12167-guidelines-for­conduct-of-general-electionbye-election-during-covid-19/   پر دستیاب ہیں ۔

          بھارت نے کووڈ – 19 کے آغاز کے بعد مرکزی وزارتِ داخلہ ( ایم ایچ اے  اور صحت و خاندانی بہبود کی وزارت ( ایم او ایچ ایف ڈبلیو) نے وقتاً فوقتاً رہنما خطوط جاری کئے ہیں ۔ اپنے  29 جولائی ، 2020 ء کے تازہ سرکولر میں ایم ایچ اے نے جامع رہنما خطوط / ہدایات جاری کی ہیں ، جن پر پورے ملک میں عمل درآمد کیا جانا چاہیئے ۔ اسی طرح صحت و خاندانی بہبود کی وزارت نے بھی  کووڈ – 19 کو پھیلنے سے روکنے کے لئے ڈِس انفیکشن اور  سینی ٹائزیشن کے لئے ایس او پی جاری کئے ہیں ۔

          اس سے پہلے  ای سی آئی نے 17 جولائی ، 2020 ء کو قومی / ریاستی سیاسی پارٹیوں کے 31 جولائی ، 2020 ء تک  ، اُن کے نظریات اور تجاویز طلب کی تھیں  اور اس کے بعد سیاسی پارٹیوں کی درخواست پر  اس میں 11 اگست  تک  ، 2020 ء تک کی توسیع کر دی تھی ۔ کمیشن نے مختلف سیاسی پارٹیوں اور ریاستوں / یو ٹی  کے اعلیٰ انتخابی افسروں سے موصولہ  ، اُن کے خیالات / تجاویز  پر  غور کیا ہے ۔

          رہنما خطوط کی خصوصیات مندرجہ ذیل ہیں :

          کمیشن نے نامزدگی کے وقت امید وار کے ساتھ  آنے والے افراد  اور گاڑیوں کی تعداد کے ضابطے پر نظر ثانی کی ہے ۔ اس نے نامزدگی کا فارم اور حلف نامہ آن لائن بھرنے کا بھی متبادل رکھا ہے ، جسے   متعلقہ آر او کے سامنے پرنٹ لینے کے بعد داخل  کیا جا سکتا ہے ۔  پہلی مرتبہ امید واروں  کے پاس یہ متبادل ہو گا کہ وہ ضمانت کی رقم  آن لائن جمع  کر ا دیں ۔  کونٹنمنٹ سے متعلق  رہنما خطوط کو دھیان میں رکھتے ہوئے کمیشن  نے  گھر گھر جاکر  چناؤ مہم چلانے کے لئے  افراد کی تعداد امید وار سمیت  پانچ  تک رکھی ہے ۔  عوامی میٹنگ اور  روڈ شو  مناسب ہدایات اور ایم ایچ اے / ریاست کی ہدایات کے تحت  منعقد کئے جا سکیں گے ۔ چہرے کا ماسک / سینیٹائزر  ، تھرمل اسکینر  ، دستانے  ، فیس شیلڈ   اور پی پی ای کٹس  کو  انتخابی عمل کے دوران استعمال کیا جانا چاہیئے اور  ایک دوسرے سے فاصلے  کے ضابطے کو بھی  بر قرار رکھا جائے گا ۔ تمام انتخابی  افسران اور عملے کو دستانے فراہم کئے جائیں گے ۔ اس کے علاوہ ، ووٹروں کو ووٹر رجسٹر پر دستخط کرنے اور  ای وی ایم  کا بٹن  دبانے کے لئے  دستانے فراہم کئے جائیں گے ۔

          متعلقہ ریاستوں / یو ٹی  کے اعلیٰ انتخابی افسران کو   ریاست  / ضلع  کی سطح پر  جامع  انتخابی منصوبہ  بنانا ہو گا ، جس میں مقامی حالات کو دیکھتے ہوئے  تمام رہنما خطوط  اور احتیاطی اقدامات پر عمل  کیا جائے گا ۔ یہ منصوبے متعلقہ ریاستوں / یو ٹی میں  کووڈ – 19 کے لئے مجاز افسران کے ساتھ صلاح و مشورے سے  تیار کئے جائیں گے ۔  

۔۔۔۔۔۔۔۔۔۔۔۔۔۔۔

( م ن ۔ و ا ۔ ع ا )

U. No.  4711