ইলেক্সন কম্মিসন ওফ ইন্দিয়ানা কোবিদ-১৯ মনুংদা জেনরেল ইলেক্সন/বাই ইলেক্সন পাঙথোকপগী গাইদলাইনশিং অয়াবা পীখ্রে। মসি https://eci.gov.in/files/file/12167-guidelines-for-conduct-of-general-electionbye-election-during-covid-19/দা  ফংগনি।

ভারত্তা কোবিদ-১৯ লায়চৎ হৌরবা মতুংদা, হোম পুবা মন্ত্রালয় (এম.ঐচ.এ.) অমসুং হকশেল অমসুং য়াইফ য়ুম্বাল মন্ত্রালয় (এম.ও.ঐচ.এফ.দবল্যু.)না মতম মতমগী ওইবা গাইদলাইনশিং থোকখ্রে। মখোয়গী খ্বাইদগী নৌবা জুলাই ২, ২০২০গী চেরোলদা, এম.ঐচ.এ.না লৈবাক শিনবা থুংনা ঙাক্নবা চৎকদবা গাইলাইনশিং/দিরেক্তিবশিংগী অকুপ্পা ৱারোল থোকখ্রে। মসিগা মান্ননা হকশেল অমসুং য়াইফ য়ুম্বাল মন্ত্রালয়না কোবিদ-১৯ লাকশিন্নবগী দিসইনফেক্সন, সেনিতাইজেসন, অমসুং ঙাকথোক্নবগী এস.ও.পি.সু থোকখ্রে।

মমাংদা, কম্মিসন অসিনা জুলাই ১৭, ২০২০দগী জুলাই ৩১, ২০২০ ফাওবা জাতিগী/রাজ্যগী রাজনিতি দলশিংদগী ৱাখল্লোনশিং/পাওতাকশিং লৌখি অমসুং মখা তানা রাজনিতি দলশিংনা হায়জরকপগী মতুং ইন্না মতম অসি ওগস্ত ১১, ২০২০ ফাওবা শাংদোকখি। কম্মিসন অসিনা তোঙান তোঙানবা রাজনিতি দলশিং অমসুং রাজ্যশিং/য়ু.তি.শিংগী চীফ ইলেক্তোরেল ওফিসরশিংনা ইলেক্সন কেম্পেন অমসুং মীয়ামগী মীফমশিংগী মতাং পীরকপা ৱাখল্লোনশিং/পাওতাকশিং অদু তাখি।

গাইদলাইনশিং অসিদা য়াওরিবা মচাকশিং অদু মখাদা পীরি:

কম্মিসন অসিনা নোমিনেসন তৌবা লাকপা মতমদা কেন্দিদেৎকা লোয়নরক্কদবা মীওইশিংগী মশিং অমসুং গারীগী মশিংগী চৎনা কাঙলোন শেমদোকখ্রে। মসিনা অহেনবা খুদোংচাবা পীদুনা নোমিনেসন ফোর্ম  অমসুং এফিদেবিৎ মেনশিনবা অমসুং হায়রিবা অসি প্রিন্ত লৌরবা মতুংদা মরী লৈনবা আর.ও.দা ওনলাইনদা পীশিনবা য়াহল্লি। অহানবা ওইনা, কেন্দিদেৎনা ইলেক্সন লেপ্পগী সেক্যুরিতী দিপোজিৎকী শেনফম অসি ওনলাইনদা থিবসু য়াহল্লগনি। কন্তেনমেন্তগী গাইদলাইনশিং অসি ৱাখলদা থমদুনা, কম্মিসন অসিনা য়ুম-য়ুমদা চৎতুনা কেম্পেন তৌবগী মীগী মশিং অসি কেন্দিদেৎ য়াওনা মীওই মঙা খক্তা চৎনবা খঙহনখ্রে। এম.ঐচ.এ./রাজ্যনা পীবা কন্তেনমেন্তকী কাঙলোনশুংগী মতুং ইন্না চান্নবা কাঙলোনশিং লৌখৎতুনা মীয়ামগী মীফমশিং অমসুং রোদ শোগী অয়াবা পীগনি। সোসিএল দিস্তেন্সিং কাঙলোনশিং ঙাক্তুনা ইলেক্তোরেলগী থবক চত্থরিঙৈ মনুংদা ফেস মাস্ক, সেনিতাইজর, থর্মেল স্কেনরশিং, গ্লোবশিং, ফেস শিল্দ অমসুং পি.পি.ই. কিৎশিং শীজিন্নগদবনি। ইলেক্তর খুদিংমক্তা ভোতর রিজিস্তরদা সাইন তৌনবা অমসুং ভোৎ থাদবগী ই.ভি.এম. বত্তন্দা নম্নবা হেন্দ গ্লোবশিং পীরগনি।

মরী লৈনবা রাজ্যশিং/য়ু.তি.শিংগী চীফ ইলেক্তোরেল ওফিসরশিংনা মফমদুগী ফীভমশিং য়েংলগা গাইদলাইনশিং তুং ইল্লগা শীল লাংবা অমসুং ঙকথোক্নবা খোঙথাংশিংগা মরী লৈননা রাজ্য/দিস্ত্রিক অমসুং এ.সি.গী অপুনবা ইলেক্সন ইলেক্সন প্লানশিং শেমগদবনি। 

******